ZEKALIA 12
12
1OZỌNJI ohó OKLUNỌ tọn tọn lọ gbọn Islaeli tọn dali. Le wẹ OKLUNỌ dọ, he dlẹn olọn lẹ jẹgbonu, bo do dòdonu aigba tọn ai, bo sọ do gbigbọ gbẹtọ tọn to ewọ homẹ: 2Dayi e go, yẹn na hẹn Jelusalẹm zùn kọfo samùmù tọn de hlan gbẹtọ lẹpo lẹ́do pé, podọ do Juda ji ga we é na flẹ je nado yín oglọndo do Jelusalẹm ji. 3E na sọ wá jọ to azán nẹ gbè, wẹ yẹn na hẹn Jelusalẹm zùn zannu pẹ́nagbàn de na gbẹtọ lẹpo; yé he yí i do pẹ̀nagbàn yéde na yín awugblenọ badabada; podọ akọta aigba tọn lẹpo wẹ yè na dọnpli dopọ do e ji. 4To azán nẹ gbè, wẹ OKLUNỌ dọ, Yẹn na yí awujiji no bo osé dopodopo, podọ hihẹ́tọ etọn po onúlu po: Yẹn na sọ hùn nukun ṣie lẹ do owhé Juda tọn ji, bo na sọ yí nukuntọ́n do hò osó gbẹtọ lẹ tọn dopodopo. 5Gbèdètọ Juda tọn lẹ na sọ dọ to ayiha yetọn mẹ dọ, Tòmenu Jelusalẹm tọn lẹ wẹ huhlọn ṣie to OKLUNỌ awhànpa lẹ tọn mẹ Jiwheyẹwhe yetọn 6To azán nẹ gbè we yẹn na basi gbedetọ Juda tọn lẹ taidi pànu miyọn tọn de to atin ṣẹnṣẹn podo taidi zòwhan miyọn tọn de to odi lẹ ṣẹnṣẹn; yé bo na sọ dù gbẹtọ lẹpo và lẹdo pe, to alọ adusi go podọ to amiọn go: Jelusalẹm bo na gbẹ́ sọ vọnọ̀ otẹn etọn titi mẹ, yèdọ to Jelusalẹm mẹ. 7OKLUNỌ ga na whlẹn gohọ̀ Juda tọn lẹ whẹ́, na gigo owhe Davidi tọn tọn po gigo tòmẹnu Jelusalẹm tọn ton po yín yínjlana hugán to Juda ji blo. 8Azán nẹ me wẹ OKLUNỌ na glonawhanna tomẹnu Jelusalẹm tọn lẹ; podọ ewọ he dabli to yé ṣẹnṣẹn to azán nẹ gbè na tin di Davidi; owhé Davidi tọn na sọ tin di Jiwheyẹwhe, di angẹli OKLUNỌ tọn to yé nukọn. 9E na sọ wá jọ to azán nẹ mẹ, wẹ yẹn na din nado hù akota he wá Jelusalẹm ji lẹpo súdo. 10Yẹn bo na sọ kọ̀n gbigbọ ojọmiọn tọn po ovọ́ tọn po do owhe Davidi tọn ji, podọ do tomẹnu Jelusalẹm tọn lẹ ji, yé bo na sọ nọ pọ́n hlan ewọ mẹhe ye ko sọwhán: yé bo na sọ blawu na ewọ dile mẹde nọ blawu na visunnu etọn dopoakàn do, bo na sọ tin to ovivẹ́ mẹ na ewọ, di omẹ he tin to ovivẹ́ mẹ de na oplọnji eton. 11Azán nẹ mẹ wẹ awubla daho de na tin fine to Jelusalẹm mẹ, di awubla Hadadlimọni tọn to agbàdo Mẹgidọni tọn mẹ. 12Podọ aigba lọ na blawu, whédo dopodopo võvo; whédo owhé Davidi tọn tọn võvo, podọ asi yetọn lẹ võvo; whédo owhé Natanì tọn tọn võvo, podọ asi yetọn lẹ võvo; 13whédo owhé Levi tọn tọn võvo, podọ asi yetọn lẹ võvo; whédo Simeinu lẹ tọn võvo, podọ asi yetọn lẹ võvo; 14whédo he pò lepo, whédo dopodopo võvo, podọ asi yetọn lẹ võvo.
Currently Selected:
ZEKALIA 12: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
