ZEKALIA 14
14
1DAYI e go, azán OKLUNỌ tọn de ja, whenuena ogblannú towe ne yín mimá to gblagbla hiẹ tọn mẹ. 2Na yẹn na bẹ́ akọta lẹ pli do Jelusalẹm ji hlan awhàn; podọ todaho lọ na sọ yín yíyí, podọ owhe lẹ gbigbà, podọ yọnnusi lẹ piplọyì: podọ oda todaho lọ tọn na jẹgbonu yì biọ mẹmẹglọ mẹ, podọ pipotọ gbẹtọ lẹ tọn ma na yín sinsán sẹ sọn todaho lọ mẹ gba. 3Whenẹnu wẹ OKLUNỌ na jẹgbonu yì, bo hoavùn hẹ akọta nẹlẹ, di whenuena é to avùnho to azán awhan tọn lẹ mẹ. 4To azán nẹ gbè wẹ afọ etọn lẹ na ṣite to oso Olivieli tọn lẹ ji, he tin to Jelusalẹm nukọn to whèzẹtẹn ji, podọ osé Olivieli tọn le na zẹ́dawe to gblagbla etọn mẹ hlan whezẹntẹn ji dali podọ hlan whèyihọ ji dali, agbàdo daho talala de na sọ tin fine; odá osé lọ tọn na diọtẹn hlan agéwaji dali, podọ odá e tọn hlan hùwaji dali. 5Mìwlẹ bo na sọ họ̀nyì jẹ agbado osé lẹ lọ tọn kọ̀n; na agbàdo oso lẹ lọ tọn na yì je Azeli: mọwẹ, mì na họ̀nyì, taidi le mì họnyì sọn aigbawhimwhan lọ nukọn do to azàn Uzia ahọiu Juda tọn tọn lẹ me: podọ OKLUNỌ Jiwheyẹwhe ṣie na wá, po omẹ wiwe etọn lẹpo po to e de. 6E na sọ wá jọ to azán nẹ gbè, wẹ hinhọ́n ma na tin finẹ, ome sisẹ́nọ lẹ na nọ dọ́n yede dopọ. 7Ṣigba é na yín azán dopo he yín yinyọnẹn hlan OKLUNỌ; okle ma gba, ozán ma gba: ṣigba é na wá jọ, dọ hinhọ́n na tin finẹ to whejai jlẹme. 8E na sọ wá jọ to azán nẹ mẹ, wẹ osìn gbẹ́nọ lẹ na jẹgbonu yì sọn Jelusalẹm mẹ; odá ye tọn hlan ohù whèzẹtẹn ji tọn dali, podọ odá yé tọn hlan ohù whèyihọ ji tọn dali: alunlun mẹ po afo mẹ po wẹ é na tin 9OKLUNỌ bo na sọ yín ahọlu to aigba lẹpo ta: to azán nẹ mẹ wẹ OKLUNỌ na yin dopo, podọ oyin etọn dopo 10Aigba lẹpo na sọ yin didiọ di Álaba, sọn Geba mẹ jẹ Limọni huwaji Jelusalẹm tọn; ewọ na sọ yín zizédaga, bo na sọ nọ nò otẹn etọn mẹ, son hòngbo Bẹnjamini tọn ji jẹ oten hongbo tintan tọn mẹ, jẹ hòngbo lọnglonenme podọ sọn atọ̀họ Hananẹli tọn mẹ jẹ vẹ̃nfinyọntẹn ahọlu tọn le. 11Gbẹtọ lẹ na sọ nọ nò e mẹ, podọ dẹ̀hodo ma na sọ tin finẹ ba; ṣigba Jelusalẹm na nọ nọ́ blẹo. 12Podọ ehe na sọ yín azọ̀nylankan he OKLUNỌ na do ho gbẹtọ he ko funawhàn hẹ Jelusalẹm lepo: agbasalan yetọn na dùsúdo sẹ́ whenuena ye site to afọ yeton lẹ ji, podọ nukun yetọn lẹ na sọ dùsúdo sẹ́ to oslo yetọn le mẹ, podọ odẹ́ yetọn na sọ dùsúdo sẹ́ to onù yetọn mẹ 13E na sọ wa jọ to azán nẹ mẹ, wẹ gbigbàdo daho de sọn OKLUNỌ de na tin to yé ṣẹnṣẹn; yé na sọ hẹn omẹ dopodopo alọ kọmẹnu etọn tọn go, alọ etọn na sọ fọ́n daga do alọ komẹnu etọn tọn ji. 14Juda ga na sọ hoavùn to Jelusalẹm; podọ adọkunnú akọta lẹpo tọn lẹ́do pé na sọ yín bibépli dopọ, sika, po fataka po, po avọ̀ po, to susu daho mẹ. 15Mọ wẹ azọ̀nylankan osọ́ lọ tọn te, otlo tọn, kanklosó-póawenọ tọn, po kẹtẹkẹtẹ tọn po, po kanlin lẹpo tọn po he na tin to osla nẹlẹ mẹ, di azọ̀nylankan he. 16E na sọ wá jọ, dọ omẹ dopodopo he yè na jódai sọn akọta he wa Jelusalẹm ji lẹpo mẹ, na nọ hẹji yì sọn owhè mẹ jẹ owhè mẹ nado litaina Ahọlu lọ, OKLUNỌ awhànpa lẹ tọn, podọ nado nọ payi ohùnwhé gohọtúntún lẹ tọn go. 17E na sọ yín, dọ mẹdepope sọn whédo aigba tọn lẹpo mẹ he ma hẹji yì jẹ Jelusalẹm nado litaina Ahọlu lọ, OKLUNỌ awhànpa lẹ tọn, jikun ma na tin yé ji to finẹ gba. 18Podọ eyín whédo Egipti tọn ma hẹji yì, bo ma sọ wá gba, yé ji wẹ azònylankan lọ na te, ehe OKLUNỌ na do ho akọta he ma hẹji yì nado payi ohùnwhó gohọ̀túntún lẹ tọn go. 19Ehe wẹ na sọ yín ylando Egipti tọn, podọ ylando akọta lẹpo tọn he ma hẹji yì nado payi ohunwhẹ̀ gohọ̀túntún lẹ tọn lo go. 20To azán nẹ mẹ wẹ Wiwe Hlan OKLUNỌ na tin finẹ to azà osé lẹ tọn lẹ go; podọ ozẹ́n lẹ to ohọ̀ OKLUNỌ tọn mẹ na tin taidi òtò lẹ to agbà lọ nukọn. 21Mowẹ, ozẹ́n lẹpo to Jelusalẹm mẹ podọ to Juda mẹ na yín wiwe hlan OKLUNỌ awhànpa lẹ tọn: bọ yé he to avọ́sán lẹpo na wá bo dè sọn yé mẹ, bo nọ soakusìn to yé mẹ: podọ to azán nẹ mẹ Kananinu de ma na sọ tin to ohó OKLUNỌ awhànpa lẹ tọn tọn mẹ finẹ ba.
Currently Selected:
ZEKALIA 14: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
