HÓWHÍNWHÉN LẸ 7
7
1OVI ṣie, sè ohó ṣie,
Bo yí osén ṣie whlá do de we.
2Yí asẹ ṣie whlá, bo nọ ogbẹ;
Osẹ́n ṣie di nukunzìn, towe.
3Bla yé do alọviyẹyẹ towe go,
Wlan yé do tafo ayiha towe tọn ji.
4Dọ na nuyọnẹn dọ, Hiẹ wẹ mẹmẹyọnnu ṣie;
Bo ylọ zìnzìn dọ hẹnnumẹ towe yọnnu.
5Na yé nido yí we whla sọn yọnnu mẹdẽvo tọn si,
Sọn jonọ he to ohó etọn yi do to mẹgan si.
6To vẹsẹlivonu owhé ṣie gbè tọn wẹ
Yẹn pọ́n hlan to vẹsẹlivonu ṣẹnṣẹn.
7Bo sọ mọ to wunvinọ lẹ mẹ,
Yẹn dayi e go to yòpọsunnu lẹ mẹ,
Yòpọsunnu de he zìnzìn pò na.
8E juwayi to tòhomẹ, to hògosu etọn dali;
E sọ yì aliho owhé etọn gbè tọn ji.
9To flifli mẹ to tènu,
To ozán mẹ podọ to zinvlu mẹ.
10Dayi e go, yọnnu de pó e po,
E do avọ́ galọtọ de, yẹwiwà ayiha tọn.
11É basi awhánọ tólivẹtọ;
Afọ etọn ma nọ nọte to owhé etọn gbè.
12Dinvie é jẹgbonu, dinvie é tin to tòhomẹ,
É to owu mẹ to họ̀gosu lẹpo mẹ
13Mọ wẹ é té do e go, é sọ donùnùgo
Nẹ̃ bo sọ yí winyanmado do dọ nẹ̀ dọ,
14Nunina jijọho tọn tin to de e;
Egbé we yẹn sú pagbe ṣie.
15Enẹwutu wẹ yẹn tón wá pó we,
Nado din nukun towe mọ, yẹn sọ mọ we.
16Yẹn ko yí avọ́ titẹ́ anazón tọn do tẹ́ adọzàn ṣie,
Anazọ́n winwlan, po alavọ́ dagbedagbe Egypti tọn po.
17Yẹn ko yí zuya He dèwán, alọẹsi, po kinnamọni po do adọzàn ṣie ji.
18Wá, gbọ̀ mí ni yí gigọ́ owanyi mítọn tọn kaka jẹ afọnnu:
Gbọ̀ mí ni yí owanyi do miọn agbasa na mìde.
19Na whénọ lọ ma tin to owhé gbè,
E tónwhẹn dìndẹn.
20E yí apò akuẹ tọn dopo hẹn,
Azán he é do gbè wẹ é na gò.
21Ohógbè vivi susu etọn wẹ é do hẹn ẹn jlo,
Yẹwiwà nuflo etọn tọn wẹ é do wẹ́n awá nẹ̃.
22É sọ hodo e to afọdoponẹji,
Di oyin he jei hùhù tẹnmẹ,
Kavi di nulunọ he jei fie yè nọ yí osópoe do plónmẹ te.
23Kaka bọ ogá só ẹ sọn adọmẹ;
Di le ohó nọ yawu jẹ omọ́,
Bo ma sọ yọnẹn dọ na gbigbọ etọn wẹ.
24Mì sè ṣie, mì ovi ṣie emì,
Mì túntoai do ohó onù ṣie mẹ tọn go.
25A dike ayiha towe dẹ́ hlan aliho etọn ji blo,
A buali yì omọ́ etọn ji blo.
26Na omẹ susu wẹ é húnu liai;
Nugbo, gbẹtọ adántọ susu wẹ yè gbọn alọ etọn mẹ hù.
27Owhé etọn wẹ aliho olọn zòdomẹ tọn,
He to tejẹ jei abò okù tọn mẹ.
Currently Selected:
HÓWHÍNWHÉN LẸ 7: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.