HÓWHÍNWHÉN LẸ 8
8
1BÉ nuyọnẹn ma to awhádo?
Bé zìnzìn ma zé ogbè etọn do aga.
2E nọte to aga ofi he dite tọn,
To alihọ tọ́, to omọ nẹlẹ ji.
3É to awhádo to hóngboji, to dòkọnu otò tọn,
To hòntonu bibiọ mẹ.
4Mì gbẹtọ wẹ yẹn to awhádo ylọ;
Ogbè ṣie sọ to awhádo hlan ovi gbẹtọ tọn lẹ.
5Mì wunvinọ emì, mì tunwun nuyọnẹn:
Nulunọ, na mì ni yín ayiha zìnzìnnọ.
6Mì sè: na yẹn na dọhó onú whanpẹnọgbahu tọn;
Hùnhùn nuflo ṣie tọn na yín onú jijlọ.
7Na onù ṣie na dọhó nugbo;
Kanyinylan sọ wẹ osùnú de hlan nuflo ṣie.
8Dódó mẹ wẹ ohó onù ṣie mẹ tọn lẹpo te;
Oklọ de ma tin kavi yẹwiwà de to yé mẹ.
9Yé omẹ pó wẹ to gbangba na ewọ he zìn,
É sọ jlọ na yé he to nuyọnẹn din.
10Yí oplón ṣie, é ma yín fataka;
Yí nuyọnẹn hú sika dagbedagbe,
11Na nuyọnẹn hú ayọn;
Onú he yè sọgan jlo, ode ma tin bọ yè sọgan do jlẹ ẹ.
12Yẹn, nuyọnẹn wẹ nọnó zìnzìn,
Yẹn sọ mọ yínyọnẹn ayìkinkan anazon tọn
13Osi OKLUNỌ tọn wẹ wángbẹna oylan,
Goyíyi, ayi sinsinyẹn, aliho ylankan,
Podọ onù yẹwiwà tọn wẹ yẹn gbẹwanna.
14Ṣie wẹ linlẹn, po nuyọnẹn he whén po:
Yẹn wẹ zìnzìn; yẹn tindo huhlọn.
15Gbọn dali ṣie wẹ aholu lẹ nọ duahọlu,
Bọ ahọvi lẹ nọ deali whẹ̀dida tọn
16Gbọn dali ṣie wẹ ahọvi lẹ nọ dugán,
Àglosu lẹ, yèdọ whẹ̀datọ aigba tọn lẹpo.
17Yẹn yiwanna yé he yiwanna mi le;
Mẹhe sọ din mi mẹwhenu na mọ mi.
18Adọkun po yẹyi po tin to de e;
Yedọ adọkun dagbedagbe po dódó po
19Ale ṣie hugán sika, nugbo, hú sika dagbedagbe;
Adọkun ṣie hú fataka dèṣinyan
20Yẹn to zọnlinzin to aliho dódó tọn ji
To omó whẹ̀dida tọn ṣẹnṣẹn.
21Na yẹn nido hẹn enẹlẹ he yiwanna mi dugú agbàn ṣie tọn;
Yen na sọ dè dogọ́ adọkunnu yetọn.
22OKLUNỌ ko tindo mi di to whẹwhẹwhenu aliho etọn tọn,
Jẹnukọnna azọ́n etọn hóhó whenu tọn.
23Yè ko dè mi sọn madopodo, sọn whẹwhẹwhenu,
Kavi whẹpo aigba do jọ.
24Whenuena oṣédò lẹ ma ko tin, yè ko ji mi,
Whenuena asisa ma ko tin, ehe gọ́ na osìn susu
25Whẹpo yè do yí osé lẹ hẹnai,
Whẹpo okọ́ta lẹ do jọ, yè ko ji mi.
26Whenuena é ma ko da aigba, kavi danji,
Kavi ofi he yì aga talala kọ́gudu aihọn tọn.
27Whenuena é to awu olọn tọn wle, yẹn tin to finẹ:
Whenuena é zé ojlẹ dai do nukun dogbo tọn ji.
28Whenuena é dè aslọ dai to aga:
Whenuena é na huhlon asisanu dogbo tọn.
29Whenuena é na osẹ́n etọn ọhù,
Na osìn etọn ma na do dasá osẹn etọn,
Podọ osẹ́n etọn na dòdo aigba tọn.
30Whenẹnu yẹn tin to e de di azọ́nwàtọgán de:
Yẹn sọ yín homẹhùn etọn egbesọegbesọ,
Yẹn to ayajẹ whepoponu to nukọn etọn.
31Yẹn to ayajẹ to fininọ̀ aigba etọn tọn mẹ;
Bọ homẹhùnhùn ṣie sọ tin to ovi gbẹtọ tọn lẹ de.
32Be dinvie, mì sè ṣie, mì ovi emì:
Na donanọ wẹ yé he gbọn aliho ṣie ji lẹ.
33Mì sè oplọ́n, na mì ni sọ yọnnuin,
Bo sọ gbẹ́ ẹ blo.
34Donanọ wẹ gbẹtọ he sè ṣie,
Bo sọ to ohọ̀n ṣie gboji hó egbesọegbesọ,
Bo sọ nọ nọte to dòtin hóngbo ṣie tọn go.
35Na mẹdepope he mọ mi é mọ ogbẹ,
É na sọ mọ nukundagbe OKLUNỌ tọn.
36Ṣigba ewọ he wàylan do ogo e, é wàka do gbigbọ ede tọn go:
Yé he gbẹwanna mi lẹpo yiwanna okú.
Currently Selected:
HÓWHÍNWHÉN LẸ 8: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.