HÓWHÍNWHÉN LẸ 6
6
1OVI ṣie, eyín hiẹ basi alọyítọ na họ́ntọn towe,
Eyín hiẹ ko basi alọdlẹn hẹ jonọ.
2Eyín yè yí ohó onù towe tọn do domọ na we,
Eyín yè yí ohó onù towe mẹ tọn do wle we.
3Basi ehe dinvie, ovi ṣie, whlẹn dewe,
Whenuena hiẹ jẹ alọ họ́ntọn towe tọn mẹ,
Yì, whiwhẹ dewe dai, na hiẹ ni hòhuwhẹ họ́ntọn towe.
4A na amlọn nukun towe blo,
Kavi amlọngọ na nukunga towe blo.
5Whlẹn dewe di sọn alọ gbéyantọ tọn mẹ,
Podọ di ohó sọn alọ hẹ́hutọ tọn mẹ.
6Yì zánwhlan de, hiẹ adidọnọ,
Dayi owàlọ etọn go, na hiẹ ni sọ yọnnuin.
7He ma tindo whèdatọ,
Kavi hihọ́tọ, kavi ogán.
8He nọ wleawu na núdùdù etọn to alunlun mẹ,
Bo sọ: bẹ́ núdùdù etọn pli to jijẹ whenu.
9Adidọnọ, nawẹ hiẹ na damlọn dẹn sọ?
Whetẹnu wẹ hiẹ na fọ́n sọn amlọn towe mẹ?
10Amlọn pẹvide dogọ, amlọngọ pẹvide dogọ́,
Alọhadogo pẹvide nado damlọn.
11Mọwẹ ohẹ́n towe na wá di mẹhe jei whẹntọ́ngbé,
Mado towe di omẹ he to awhànwu wle.
12Mẹvọnu, gbẹtọ ylankan,
To zọnlinzin ewọ po onù yẹwiwà tọn po.
13E to nukunwhe, é yí afọ etọn do to hódọ,
E sọ yi alọviyẹyẹ do to núhia.
14Yẹwiwà tin to ayiha etọn mẹ, é nọ to jijọ ylankan lẹn whepoponu;
É nọ da avùn dai.
15Enẹwutu wẹ tukla etọn na wá ajiji,
Ajiji wẹ é na dón mado jlado.
16Onú ṣidopo wẹ OKLUNỌ gbẹwanna, nugbo,
Ṣinawe wẹ yín osùnú de na ayiha etọn.
17Nukun goyíyí tọn, odẹ́ lalo tọn,
Podo alọ he to ohùn homẹvọnọ tọn kòn dai.
18Ayiha he to linlẹn ylankan lẹn,
Afọ he yawu to wezun mẹ do jijọ ylankan kọ́n.
19Kunnudetọ lalo tọn he To oho lalo dọ,
Podọ ewọ he to avùn da dai to mẹmẹsunnu lẹ ṣẹnṣẹn.
20Ovi ṣie, yí osẹ́n otọ́ towe tọn whlá,
A sọ gbẹ́ osén onọ towe tọn, dai blo.
21Bla yé whepoponu do ayiha towe go,
Bo sín yé lẹ́do okò towe.
22Whenuena hiẹ to zọnlinzin, é na yín alihiamẹtọ towe,
Whenuena hiẹ sọ damlọn, é na họ́ we;
Whenuena hiẹ sọ fọ́n, é na nọ dọhó hẹ we.
23Na osén wẹ zògbán de; osén sọ wẹ hinhọ́n;
Nukọnamẹ oplọ́n tọn lẹ wẹ aliho ogbẹ̀ tọn.
24Nado yí we whlá sọn yọnnu ylankan nẹ si,
Sọn odé yọnnu jonọ tọn si.
25A túnwan do whanpẹ etọn go to ayiha towe mẹ blo;
Mọ a sọ dike é yí nukunga etọn do wle we blo.
26Na yọnnu galọtọ de dali wẹ sunnu gbọn zùn akla doponọ:
Ayọ̀detọ jlo na yànmọna ogbẹ́ akuẹgégénu tọn.
27Gbẹtọ sọgan hẹn miyọn to akón etọn nu,
Bọ avọ̀ etọn ma na fiọ?
28Bé mẹde sọgan hẹ́ akán mìyọnawu ji,
Bọ afọ etọn ma na fiọ?
29Mọ wẹ mẹhe biọ ohọ́ mẹ do asi Kọmẹnu etọn tọn;
Mẹdepope he doalọ e go, ma na nọ madoylando.
30Yè ma nọ vlẹ ajotọ, eyín é jajo nado
Pékọna ayiha etọn whenuena huvé to húhù i gba.
31Ṣigba eyín yè wle e, é na gọ̀ ẹ jo whla sináwe;
Agbàn owhé etọn gbè tọn wẹ é na yí do suahọ.
32Ṣigba mẹdepope he deayò hẹ́ yọnnu de, nuyọnẹn pò nẹ́:
Ewọ he wà ẹ he na hù gbigbọ etọn titi súdo.
33Alán po dèpò po wẹ é na mọ yí:
Ovlẹ etọn ma na klọ sẹ.
34Na awu whàn wẹ homẹgble sunnu de tọn:
Enẹwutu wẹ é ma na pòdai to azán ahọsu tọn gbè.
35E ma na hò akuẹ ofligọ tọn pọ́n;
Mọ homẹ etọn ma na hùn, eyín hiẹ
tlẹ hẹn nunina towe zùn susu.
Currently Selected:
HÓWHÍNWHÉN LẸ 6: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.