HÓWHÍNWHÉN LẸ 25
25
1EHELẼ ga wẹ hówhínwhén Sọlọmọni tọn, ehe omẹ Hẹzekia ahọlu Judá tọn lẹ kàn dai.
2Gigo Jiwheyẹwhe tọn wẹ nado whlá onú:
Ṣigba yẹyi ahọlu lẹ tọn wẹ nado dindòna owhẹ́.
3Olọn na agayìyì, aigba na osédò,
Yè ma sọgan dindòna ayiha ahọlu lẹ tọn mọ.
4Dè ahaya sọn fataka mẹ,
Onú zinzán na sọ jẹgbonu na ayatọ fataka tọn.
5Dè mẹylankan sọn ahọlu nukọn,
Yè na sọ yí ofìn etọn hẹnai to dódó mẹ.
6Á zé dewe doaga to ahọlu nukọn blo,
A sọ nọte to otẹn omẹ gbõgbõ lẹ tọn mẹ blo.
7Na é bọawu na yè ni dọ na we dọ,
Wá aga file,
Hú na yè ni dòn we do godo to nukọn ahọvi He nukun towe mọ tọn.
8A yawu tónjẹgbonu nado hòavùn blo,
Na hiẹ nika nọ mayọ́n ehe hiẹ na wà to pòdo etọn,
Whenuena kọmẹnu towe na dowinyan we.
9Hoavùn kọmẹnu towe tọn hẹ ẹ,
Ṣigba aṣli mẹdẽvo tọn hiẹ dèhia blo.
10Na ewọ he sè nikã dowinyan we,
Ovlẹ towe ma na so yì gbède.
11Di agòn sika tọn to oha fataka tọn mẹ,
Mọwẹ ohó he yè dọ to ojlẹ etọn mẹ te.
12Di sika—lọkẹ podọ di asọdonu sika tọn dagbedagbe,
Mọwẹ mẹwọhẹtọ te to otọ́ tónúsètọ tọn mẹ.
13Di avivọ kẹnsu tọn to jijẹ whenu,
Mowẹ wẹndagun nugbonọ te na yé he do e hlan lẹ:
Na é miọnhomẹna klunọ etọn lẹ.
14Ewọ he yígo to nunina oklọ tọn mẹ,
Taidi aslọ po jẹhọn po he matindo jikun.
15Osọ́dogo dindẹn wẹ yè do nọ diọ ayiha na ahọvi,
Odó he mlẹn wẹ nọ gbà ohú.
16Eyin hiẹ mọ owín? dù ehe pékòna we,
Na é nikã gọ́hòna we, hiẹ bo na sọ slu i.
17Dè afọ towe sọn owhé kọmẹnu towe tọn gbè:
Na onú towe nikã dikọ nẹ̀, ewọ bo na sọ gbẹwanna we.
18Mẹhe dekunnu lalo tọn do kọmẹnu etọn go,
Wẹ ahuzù, ohi, po ogá dida po.
19Tódido mawànugbonọ tọn to ojlẹ, tukla tọn mẹ,
E taidi adú he wẹ́n, podọ di afọ he klan sọn opétẹn.
20Di mẹhe klọn awu dai to avivọ—whenu, podọ di vẹ̃nhàn whinwhán to afín mẹ,
Mowẹ ewọ he to hànji te na mẹhe homẹ etọn gble de.
21Eyín huvẹ́ to kẹ̀ntọ towe hù, na núdùdù i,
Eyín Ovẹ sọ hú i, na osìn i ni nù.
22Na hiẹ na bẹ́ mìyọnkan mìyọnawu do ota nẹ̃,
OKLUNỌ na suahọ we.
23Jehọn agewaji tọn hẹn jikun wá:
Mọwẹ odó mẹnudọtọ tọn nọ hẹn, nukunmẹ yìnylọn wá.
24E pónte na nọnọ̀ lọnglọnẹn ozà tọn ji to aga,
Hú hẹ́ yọnnu avùnhòtọ to hòngbo dopo mẹ.
25Di osin mimiọn na ayiha he ovẹ́ to húhú,
Mọwẹ wẹndagbe sọn aganu te.
26Dódónọ he diọtẹn to mẹylankan
nukọn, é taidi asisa he wlu,
Podọ di osìn vivi he gble.
27E ma yọ́n nado dù owín susu gba:
Mọ na gbẹtọ nado din gigo ede tọn, ma yín gigo.
28Ewọ he ma dùgán do gbigbọ ede tọn
Ji taidi otò he yè họ́ liai, bọ é ma tindo dòkó.
Currently Selected:
HÓWHÍNWHÉN LẸ 25: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.