HÓWHÍNWHÉN LẸ 24
24
1HIẸ basi homẹha do mẹylankan go blo,
Mọ a sọ jlo nado nọ̀hẹ yé blo.
2Na ayiha yetọn to hùsúdo lẹn,
Nuflo yetọn sọ to ohó oka tọn dọ.
3Nuyọnẹn wẹ yè do nọ gbà ohò;
Zìnzìn wẹ yè do nọ do e ai.
4Gbon nuyọnẹn dali wẹ yè nọ hẹn abòmẹ gọ́
Na adọkun hunkọhunkọ akuẹgégénu tọn po ehe yọnwhànpẹ lẹ po.
5Gbẹtọ nuyọnẹntọ do huhlọn:
Nugbo gbẹtọ nuyọnẹntọ nọ hẹn huhlọn etọn zùn susu.
6Na gbọn linlẹn nuyọnẹn tọn dali wẹ hiẹ na fùn awhàn towe:
Podọ to susu tòhódọtọ lẹ tọn mẹ wẹ gingán te,
7Nuyọnẹn dite gbahu na nulunọ:
Ewọ ma na kẹ̀ onù etọn to dòkọ́nu.
8Ewọ he to linlẹn nado wàylan
Wẹ yè na ylọ gbẹtọ okanọ.
9Linlẹn nululu tọn ylando wẹ:
Osùnú de wẹ mẹvlẹtọ to e de.
10Eyín núsikọna we to azán nukunbibia tọn gbè,
Huhlọn towe ma sẹtén gba.
11Eyín hiẹ gbẹ́ nado whlẹn yé he yè dọ̀n yì okú mẹ lẹ,
Podọ yé he yè dè na hùhù lẹ.
12Bọ hiẹ dọmọ, Pọ́n, mí ma yón we;
Bé ewọ he nọ jlẹ ayiha pọ́n ma to ayido e go?
Be ewọ he to ayiha towe go pọ́n ma yón ẹn?
É na suahọ etọn gbẹtọ kẹdẹdi azón etọn.
13Ovi ṣie, dù owin, na é yón;
Po owínja he vivi to onù towe mẹ po:
14Mowẹ yinyọnẹn nuyọnẹn tọn na te hlan ayiha towe:
Whenẹnu wẹ ale na tin,
Yè ma na sọ sán tódido towe ṣè.
15Hiẹ tọwu blo, hiẹ mẹylankan, do aisintẹn dódónọ tọn ji blo:
À hẹn otẹn gbọjẹ etọn tọn gble blo.
16Na nugbonọ jai whla ṣinawe, bo sọ fọ́n:
Ṣigba mẹylankan na jai do oylan mẹ.
17A jaya whenuena kẹ̀ntọ towe jai blo,
A dike homẹ towe hùn whenuena é yín gòhùnna blo.
18Na OKLUNỌ nikã mọ ẹn, bọ é na ylan to nukun etọn mẹ,
E bo na sọ lẹ́ homẹgble etọn sọn é ji.
19A gblehomẹ na mẹylankan tọn wutu blo,
A sọ whanwu na ylandonọ lẹ tọn blo.
20Na ale ma na tin na mẹylankan,
Miyọngbán mẹylankan tọn wẹ yè na si.
21Ovi ṣie, dibusi OKLUNỌ po ahọlu po: A sọ kòndopọ hẹ́ yé he nọ wàyẹnu
lẹ blo:
22Na nukunbibia yetọn na fọ́n ajiji:
Podọ hùsúdo yé mẹawelẹ lọ tọn, mẹnu wẹ yọ́n ẹn?
23Onú helẹ̃ ga wẹ didọ nuyọnẹntọ lẹ tọn.
É ma yón na kú gbẹtọ winyan to whẹ̀dida kọ̀n gba.
24Ewọ he dọ na mẹylankan dọ dódónọ wẹ hiẹ;
Ewọ wẹ gbẹtọ lẹ na zùn, akọta lẹ na sọ gbẹwan nẹ̃.
25Ṣigba yé he wọhẹ ẹ lẹ na tindo homẹhùn,
Dona dagbe na sọ jẹte do yé ji.
26Mẹdepope he na donùnùgo Na ewọ he gblọnhó dagbe.
27Wleawu azón towe tọn dai to gbonu,
Bo sọ yi vivẹnu do jloai to ogle towe mẹ;
To godo ehe tọn, gbá ohó towe.
28A yin kunnudetọ do kọmẹnu towe go yaya blo:
A yi nuflo towe do wayẹ́ blo.
29A dọ blo, dọ, mọwẹ Yẹn na wà do e,
Dile é wà do mi do:
Yẹn na suahọ dawe lọ kẹdẹdi azón etọn.
30Yẹn gbọn ogle adidọnọ tọn mẹ,
Podọ vẹ́ngle mẹhe nuyọnẹn pò na tọn dali.
31Dayi e go, owun kó ṣinyọn popo lẹpo ji.
Azọ́wunnọ ko ṣinyọn nukun etọn ji,
Agbó zannu etọn tọn ko họ́ liai.
32Whenẹnu wẹ yẹn mọ, bo sọ yí ayiha do e go susu:
Yẹn pọ́n ẹn, bo sọ yí oplọ́n.
33Amlọn pẹde dogó, amlọngó pẹ de,
Alọbladogo pẹ́de nado damlọn vude.
34Mowẹ oya towe na wá di mẹhe to zọnlin ji:
Matindo towe di sunnu to mẹ.
Currently Selected:
HÓWHÍNWHÉN LẸ 24: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.