HÓWHÍNWHÉN LẸ 23
23
1WHENUENA hiẹ sinai nado dùnú hẹ́ ogán de,
Dayi ewọ he tin nukọn towe go talala.
2Bo sọ yí ohi do gbèkan towe ji,
Eyín hiẹ yín gbẹtọ he yiwanna núdùdù.
3A jlo núdùdù vivi etọn blo:
Na núdùdù oklọ tọn wẹ.
4A wàzón nado yín adọkunnọ blo:
Doalọte sọn nuyọnẹn dewe tọn mẹ.
5Bó hiẹ na yí nukun towe do pọ́n onú he ma tin?
Na adọkun basi awà Na yéde di akùn he to zinzlọn to oji aga.
6A dù núdùdù nukun ylankannọ tọn blo,
Mọ a sọ jlo núdùdù vivi etọn blo:
7Na le é to linlẹn to ayiha etọn mẹ, mọwẹ e te:
To dùdù, bo to nùnù wẹ é to didọ na we:
Ṣigba ayiha etọn ma tin hẹ we gba.
8Núdùdù he hiẹ dù wẹ hiẹ na slu jẹgbonu,
Hiẹ na sọ hẹn ohó vivi towe bú.
9A dọ ohó to otọ́ nulunọ tọn mẹ blo;
Na é na vlẹ nuyọnẹn ohó towe tọn.
10A fẹ dògbo hóhówhenu tọn sẹ́ blo;
A sọ biọ ogle otọ́ṣiọvi lẹ tọn mẹ blo.
11Na Mẹjitọ yetọn dohuhlọn;
E na yí avùn yetọn ho hẹ we.
12Yí ayiha towe do oplón go,
Podọ oto towe do òhó nuyọnẹn tọn go.
13A dòn alọ wọhẹ tọn do godo sọn yòpọ de blo:
Na eyín hiẹ yí obá do hò e, é ma to na: kú.
14Hiẹ na yi obá do hò e,
Bo sọ whlẹn ẹn sọn olọn zòdo mẹ,
15Ovì ṣie, eyín ayiha towe yọnnuin,
Ayiha ṣie na jaya, yèdọ ṣie.
16Homẹ ṣie na sọ jaya
Whenuena nuflo towe to onú dódó dọ.
17A dike ayiha towe hahomẹ do ylandonọ go blo:
Ṣigba na hiẹ ni tin to osi OKLUNỌ tọn mẹ, to azán lẹpo mẹ.
18Na opòdo tin nugbo,
Tódido towe ma na sán só.
19Sè, hiẹ ovi ṣie, na hiẹ ni yọnnuin,
Bo sọ nọ ze ayiha towe do aliho jíjlọ ji.
20A tin to ahànnumunọ lẹ mẹ blo;
To yé he to agbasalan yéde tọn hẹngble lẹ mẹ.
21Na ahànnumunọ po adọ̀nọ po na zùn wamọnọ:
Adidọnọ wẹ na yí nukija ṣinyọnna agbasa etọn.
22Dotóai na otọ́ towe he ji íwẹ,
A sọ vlẹ onọ towe, whenuena é pòyọnhó blo.
23Hò nugbo, a sà ẹ blo:
Nuyọnẹn po oplón po, po zìnzìn po ga.
24Otọ́ dódónọ tọn na jaya talala:
Èwọ he sọ ji ovi nuyọnẹntọ, na tindo ayajijẹ to ohò etọn mẹ.
25Otọ́ towe po onọ towe po na jaya,
Homẹ mẹhe ji wẹ tọn na hùn.
26Ovi ṣie, jo ayiha towe na mi,
Bo sọ gbọ nukun towe ni do homẹ hùnhùn to aliho ṣie ji.
27Na ogá, odò sisosiso de wẹ;
Podọ yọnnu jonọ, odò fínfínyọn de wẹ.
28Ewọ sọ tọwu di wẹnyantọ de,
Bo sọ hẹn ylanwàtọ lẹ Budeji to gbẹtọ lẹ ṣẹnṣẹn.
29Mẹnu wẹ tindo oya? mẹnu wẹ tindo awubla? mẹnu wẹ tindo avùn?
Mẹnu wẹ tindo nutlọ? mẹnu wẹ tindo aslan madodego?
Mẹnu wẹ tindọ bibia nukun tọn.
30Yé he nọte dẹn to vẹ̃nhàn kòn:
Yé he jei nado whle vẹ̃nhàn flusọ pọ́n.
31A pọ́n vẹ̃nhàn whenuena é bia blo,
Whenuena é yí whẹ̀kan etọn hia to kọfo mẹ,
Bọ yè tọ zizé e mì, bọ é to vivivivi.
32To godo e nọ hẹnadúmẹ di odàn,
Bo sọ nọ kanmẹdù di amapoe.
33Nukun towe na nọ pọ́n yọnnu jonọ lẹ,
Ayiha towe na sọ nọ dọhó yẹwiwà tọn.
34Nugbo, hiẹ na taidi ewọ he mlọnai to ohù ṣẹnṣẹn,
Kavi di ewọ he mlọnai to alatin ji.
35Hiẹ na sọ dọmọ, yé linú mi awú ma vẹ́ mi;
Yé linú mi, yẹn ma sọ yọnẹn:
Whetẹnu wẹ yẹn na fọ́n? yẹn na sọ to mọdo nẹ̃ jãnwẹ.
Currently Selected:
HÓWHÍNWHÉN LẸ 23: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.