HÓWHÍNWHÉN LẸ 22
22
1OYÍN dagbe bọawu didè hú adọkun daho,
Podọ nukundagbe owanyi tọn hú fataka po sika po.
2Adọkunnọ po wamọnọ po plidopọ:
OKIUNỌ wẹ Jọtọ yé omẹ pó tọn
3Omẹ zìnzìn ko mọ oylan donukọn, bo yí ede whlá;
Ṣigba wunvinọ lẹ juwayi, yè sọ sayahẹ yé.
4Ale whiwhẹ tọn po osi OKLUNỌ tọn po
Wẹ adọkun, yẹyi, po ogbẹ́ po.
5Owun poomọ́ po tin to aliho yẹwàtọ le tọn ji,
Ewọ he whlá ayiha etọn na dẹn do yé.
6Plón ovi do aliho he é na gbọn ji,
Whenuena é whẹ́n é ma na tón sọn e ji.
7Adọkunnọ dugán do wamọnọ ji:
Ahọdùtọ sọ basi devi na akuẹnọ etọn.
8Ewọ he do ylando na gbèn ovó
Opò homẹgble etọn tọn ko wleawu pó.
9Ewọ he tindo nukun lẹblanu tọn wẹ yè na dona:
Na é yí sọn núdùdù etọn mẹ na wamọnọ.
10Glọn mẹvlẹtọ do gbonu, avùn bo na sọ tón;
Nugbo avún po ovlẹ po na doalọte.
11Ewọ he yiwanna wàlọwiwe ayiha tọn,
Bo sọ yiwanna ohó dẹ̃dẹ ahọlu na yín họ́ntọn etọn.
12Nukun OKLUNỌ tọn yí nuyọnẹn whlá,
E hó ohó ylanwàtọ tọn liai.
13Gbẹtọ adidọnọ dọmọ, Kinnikinni tin to gbonu:
Yè na hù mi to tòhomẹ.
14Onù yọnnu jonọ lẹ tọn odò sisosiso wẹ:
Ewọ he go yè to homẹgble do sọn OKLUNỌ de, wẹ na jẹ e mẹ.
15Ayiha yọpọvu tọn mẹ wẹ nululu mlin do;
Ṣigba obá anademẹ tọn na yàn ẹn dẹn sọn e de.
16Ewọ he to yàdona wamọnọ nado hẹn adọkun etọn jideji,
Bo sọ to núna adọkunnọ, na zùn wamọnọ, eyín é bo to depope.
17Tùn otọ́ towe ai, bo sè ohó nuyọnẹntọ lẹ tọn,
Bo sọ zé ayiha towe do nuyọnẹn ṣie go.
18Na onú vivi wẹ eyín hiẹ yí yé whlá do ohò towe mẹ;
Whenuena yè wleawu yetọn vó to nuflo towe mẹ.
19Na tudido towe nido tin to OKLUNỌ mẹ,
Yẹn do yé hia we to egbé, yèdọ na we.
20Bé yẹn ma ko wlanwe onú gbọnvo tọn hlan we
To linlẹn mẹ, podọ to nuyọnẹn mẹ.
21Na hiẹ nido yígbè ohó nugbo tọn;
Na hiẹ nido hẹn ohó gọ̀ na yé he do we hlan lẹ?
22A jẹajo do wamọnọ blo, na ewọ yín wamọnọ wutu.
Kavi a doyana nukunbibianọ to dòkọ́nu blo.
23Na OKLUNỌ na yíavùnhò na yé,
Bo na hẹn ayiha yé he to yé hẹngble lẹ tọn gble.
24A ji họ́ntọn hé gbẹtọ homẹgblenọ blo;
A sọ zónhó gbẹtọ homẹkadakadanọ blo.
25Na hiẹ nikã plón jijọ etọn,
Hiẹ bo na sọ dùale aviti tọn hlan ayiha towe.
26A yín dopo to yé he to alọyitọ yín lẹ mẹ blo,
Kavi to yé he nọte na ahọ́ lẹ mẹ.
27Eyín hiẹ ma tindo núde nado sú,
Etẹwutu wẹ é na yí ozan towe sọn oglọ towe?
28A fẹ dògbo hóhó tọn sẹ́ blo,
He otọ́ towe lẹ ko do.
29Hiẹ mọ omẹ he yí vivẹnu do to azón etọn wà? é na nọte to ahọlu lẹ nukọn;
Ewọ ma na nọte to mẹvọnu lẹ nukọn gba.
Currently Selected:
HÓWHÍNWHÉN LẸ 22: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.