HÓWHÍNWHÉN LẸ 21
21
1AYIHA ahọlu tọn tin to alọ
OKLUNỌ tọn mẹ, di otọ̀ osìn tọn:
Ewọ sọ nọ lẹ́ ẹ hlan fidepope he jlo e.
2Aliho gbẹtọ tọn lẹpo wẹ yòn to nukun ede tọn mẹ:
Ṣigba OKLUNỌ wẹ alihiamẹtọ ayiha tọn.
3Nado basi dódó po whẹ̀dida po,
É basi alọkẹyi na OKLUNỌ hú avọ̀.
4Nukun sakla tọn, po goyí ayiha tọn po,
Po glepipọ mẹylankan lẹ tọn po, ylando wẹ.
5Linlẹn tuklajẹtọ tọn hlan súsu mẹ wẹ:
Ṣigba dopodopo mẹhe yawu tọn, hlan matindo mẹ wẹ.
6Adọkunnu whiwhla gbọn odé lalo tọn de dali,
Gbọfufu he to godoyì nukọnyì to yé he to okú dinpé lẹ si, de wẹ.
7Jijọ mẹylankan lẹ tọn wẹ na hù yé súdo;
Na yé gbé nado basi whẹ̀dida wutu.
8Mẹdepope he to zọnlin yẹwiwà tọn zìn, gbẹtọ ylankan wẹ:
Ṣigba homẹ wiwenọ wẹ azọ̀n etọn jlọ.
9E pọnte nado nọnọ̀ lọnglọnẹn ozà tọn ji to aga,
Hú hẹ yọnnu avùnhotọ to họngbo dopo mẹ.
10Ayiha mẹylankan tọn to oylan dinpó:
Kọmẹnu etọn ma mọ nukundagbe to nukun etọn ji.
11Whenuena yè sayahẹ mẹvletọ, yè hẹn wunvinọ zùn nuyọnentọ:
Whenuena yé sọ to nuyọnẹntọ plọ̀n, ewọ mọ nuyọnẹn yi.
12Dódónọ dayi owhé mẹylankan tọn go;
Ṣigba Jiwheyẹwhe gbà mẹylankan lẹ súdo na ylankan yetọn wutu.
13Mẹhe sú otó etọn do awhá wamọnọ lẹ tọn go,
Ewọ lọsu na dawhá ga, ṣigba yè ma na sé
14Nunina nuglọ tọn vọ̀ homẹgble:
Ale to yẹndawe avọ̀ tọn mẹ, vọ̀ homẹgble sinsinyẹn.
15Aya wẹ na dódónọ nado basi whẹ̀dida:
Ṣigba dindọ̀n wẹ na ylanwàto lẹ.
16Mẹhe zẹ̀ sọn aliho zìnzìn tọn ji,
E na nọnọ̀ agùn oṣiọ lẹ tọn mẹ
17Ewọ he yiwanna gbẹ̀dudu na zùn wamọnọ:
Ewọ he sọ yiwanna vẹ̃nhàn po amì po ma sọgan wàdọkun.
18Mẹylankan wẹ na yín mẹflikuẹ na dódónọ,
Podọ ylanwàtọ to otẹn nugbonọ tọn mẹ.
19E pónte nado nọnọ̀ zùngbo mẹ,
Hú hẹ yọnnu akunnanọ po homẹhatọ po.
20Adọkun jijlo po amì po tin to aisintẹn nuyọnẹntọ le tọn mẹ:
Ṣigba gbẹtọ nulunọ zán en hẹngble.
21Ewọ he hodo dódó po leblanu po na Mọ ogbó, dódó po yẹyi po.
22Gbẹtọ nuyọnẹntọ họ́ dokó otò huhlọntọ lẹ tọn ji,
Bo sọ hó huhlọn tódido etọn tọn liai.
23Mehe whlá onù etọn po odé etọn po,
Whlá ayiha etọn sọn tukla mẹ.
24Omẹ saklanọ podọ goyìtọ, mẹvlẹtọ wẹ oyín etọn,
E to nuwà to homẹgble susu mẹ.
25Ojlo adidọnọ tọn hù i:
Na alọ etọn gbẹ́ azón wiwà dai.
26E yí homẹha do to nukunkẹn basi to azán lẹpo gbè:
Ṣigba dódónọ nọ namẹ, bo ma sọ doalọte.
27Avọ́ mẹylankan tọn nuylanylan wẹ:
Nẹmunẹmu, whenuena é hẹn ẹn wá po ayiba ylankan po?
28Kunnudetọ lalonọ na dòn:
Ṣigba omẹ he sè na to hódọ whepoponu.
29Omẹ ylankan zé nukun etọn sinyẹn:
Ṣigba nugbonọ to aliho etọn hẹn jlọ
30Nuyọnẹn, kavi zìnzìn,
Kavi linlẹn ma tin do OKLUNỌ ji.
31Yè wleawu osé tọn dai na azán awhàn tọn:
Ṣigba awhàn gbigbà sọn alọ OKLUNỌ tọn mẹ wẹ.
Currently Selected:
HÓWHÍNWHÉN LẸ 21: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.