HÓWHÍNWHÉN LẸ 20
20
1VLEKO wẹ vẹ̃nhàn, awhádotọ wẹ ahàn sinsinyẹn,
Mẹdepope he yè yi do klọ ma yọnnuin gba.
2Osi aholu tọn taidi lìlì kinnikinni, tọn
Mẹdepope he gblehomẹ nẹ̃ wàylan do ayiha ede tọn go.
3Yẹyi wẹ na gbẹtọ nado doalọ avùn tọn ote:
Ṣigba nulunọ lẹpo wẹ nọ to aklọndin.
4Adidọnọ ma nọ dike jloaigba na avivọ wutu;
Enẹwutu wẹ é na nọ biọnú to jijẹ whenu, é ma na sọ tindo núde.
5Yínyọnẹn to ayiha gbẹtọ tọn mẹ taidi osìn he siso:
Ṣigba omẹ zìnzìn wẹ na dòn ẹn jẹgbonu.
6Gbẹtọ susu wẹ nọ lá mẹdopodopo dagbe ede tọn:
Ṣigba gbẹtọ nugbonọ, mẹnu wẹ sọgan mọ ẹn?
7Gbẹtọ nugbonọ to zọnlinzin to wàlọpipé etọn mẹ:
Dona tin na ovi etọn lẹ to godo etọn.
8Ahọlu he sinai to ofìn whẹ̀dida tọn ji.
Yí nukun do gbà oylan lẹpo kija.
9Mẹnu wẹ sọgan dọmọ, yẹn ko hẹn ayiha ṣie wé,
Yẹn wé sọn ylando ṣie mẹ?
10Opẹ́n alọpa dèvo po ojlẹnu alọpa dẽvo po,
Doponẹ wẹ awe lẹ yín ylanylan to OKLUNỌ nukunmẹ.
11Wàlọ yòpọvu tọn wẹ yè do nọ yọnẹn
Eyín azọ̀n etọn yín dagbe, eyín é sọgbè.
12Otó he nọ sè, nukun he nọ mọ,
OKLUNỌ wẹ basi yé omẹ awelẹ.
13A yiwanna amlọn didọ blo, na hiẹ nikã wá zùn wamọnọ:
Hùn nukun towe, yé na sọ yí núdùdù do pékọna we.
14E ma dota, é ma dota, wẹ nuhọ̀mẹsitọ nọ dọ:
Ṣigba whenuena é tòn yì, whenẹnu wẹ e nọ yí gigo.
15Sika tin po ayòn susu po:
Ṣigba nuflo nuyọnẹn tọn nuzinzán akuẹgégénu wẹ.
16Yí avọ̀ etọn, na é basi alọyitọ na jonọ wutu:
Yí kunnudenu sọn é si na yọnnu ojonọ.
17Núdùdù oklọ tọn vivi na gbẹtọ:
Ṣigba to godo etọn onù etọn wẹ yè na yí tọkẹn do gò.
18Linlẹn wẹ yè do nọ yí ojlo lẹpo hẹnai,
Podọ linlẹn dagbe ga wẹ a ni do gbawhàn.
19Ewọ he nọ danpé di ajandotọ do onú he tin nuglọ hia:
Enẹwutu a daihun hẹ ewọ he nọ hùn nuflo etọn blo.
20Mẹhe zùn otọ̀ etọn kavi onọ etọn,
Zogbán etọn wẹ yè na ṣi to zinvlu gọ̀ngọ̀n mẹ.
21Ogú he yè yawu dù to whẹwhẹwhenu wẹ yè ma Na dona to opòdo etọn.
22Hiẹ dọ blo, dọmọ, yẹn na yíahọsu oylan tọn:
Ṣigba nọtepọ́n OKLUNỌ, E na sọ whlẹn we.
23Oplọn alọpa dẽvo po ojlẹnu alọpa dẽvo po núylanylan wẹ to OKLUNỌ nukunmẹ:
Ojlẹgàn mẹblu tọn ma sọ yòn.
24Ozọnlin he gbẹtọ to zìnzìn sọn OKLUNỌ de wẹ,
Mẹnu wẹ to gbẹtọ lẹ mẹ he sọgan tùnwun aliho ede tọn?
25Omọkàn de wẹ hlan mẹhe dù onú he wé,
Bo na sọ kanbiọ to pàgbe godo.
26Ahọlu nuyọnẹntọ nọ gbà mẹylankan lẹ kija,
Bo sọ hẹn kẹkẹ gbọn yé ji.
27Gbigbọ gbẹtọ tọn wẹ zogbán OKLUNỌ tọn,
E nọ din họmẹ adọgo tọn lẹpo.
28Lẹblanu po nugbo po whlẹn ahọlu:
Lẹblanu wẹ yè sọ yí do to ofìn etọn gòhẹn.
29Gigo dẹpẹ lẹ tọn wẹ huhlọn yetọn:
Aṣọ yọnhónọ lẹ tọn wẹ owhà.
30Ofẹ́ alánpa tọn wẹ nọ kisa oylan sẹ́:
Mọ wẹ hihò he biọ ohò adọgo tọn mẹ.
Currently Selected:
HÓWHÍNWHÉN LẸ 20: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
