HÓWHÍNWHÉN LẸ 26
26
1DI kensu to alún mẹ, podọ di jikun to pjẹwhenu,
Mọwẹ yẹyi ma jẹ na nulunọ.
2Di awajihẹ́ to dindan etọn mẹ, podọ di agadawhle to zinzlọn etọn mẹ,
Mọwẹ dèhòdo ma na wá yaya.
3Bilala na osé, ogàn na kẹtẹkẹtẹ,
Opò na nẹgbé nulunọ tọn.
4A gblọnhóna nulunọ di nululu etọn blo;
Na hiẹ lọsu nikã taidi i ga.
5Gblọnhóna nulunọ di nululu etọn,
Na é nikã yín nuyọ ẹnto to nukun ede tọn mẹ.
6Ewọ he do owèn gbọn alọ nulunọ
Tọn mẹ sán afọ ede tọn sẹ̀, bo sọ sayahẹ ede.
7Le afọ awelẹ hopla do to potẹn go,
Mowẹ oló de tẹ to onù nulunọ lẹ tọn mẹ.
8Di mẹhe bla zánnu do akotopẹ mẹ,
Mowẹ ewọ he to yẹyi na nulunọ te.
9Di le owun nọ sọ́ alọ na ahànnumunọ,
Mowẹ oló de te to onù nulunọ lẹ tọn mẹ.
10Jiwheyẹwhe he do onú lẹpo suahọ nulunọ,
Bo sọ suahọ ylanwàtọ lẹ.
11Dile avún nọ gò do oslu etọn mẹ,
Mowẹ nulunọ nọ gó do nulu etọn mẹ.
12Hiẹ mọ omẹ he yọnnuin to nukun ede tọn mẹ de?
Tódido tin na nulunọ hú ì.
13Adidọnọ dọmọ, kinnikinni tin to aliho ji;
Kinnikinni tin to tòhòmẹ.
14Dile ohọ̀n nọ lẹ́ to aklọ etọn ji,
Mọwẹ adidọnọ to adọzan etọn ji.
15Adidọnọ yí alọ etọn blá do akón, etọn nu;
E vó nẹ̃ nado sọ hẹn ẹn gò wá onù etọn.
16Adidọnọ yọnnuin to nukun ede tọn
Mẹ hú gbẹtọ ṣinawe he sọgan yí linlẹn do gblọnhó.
17Ewọ he juwá jei, bo sọ gblọn do avùn he ma yín etọn mẹ,
Taidi mẹde he hẹn otọ́ na avún.
18Di alẹdatọ he dlẹn zòwhán,
Ogá po okú po;
19Mowẹ mẹhe klọ kọmẹnu etọn,
Bo sọ dọmọ, Bẹ é ma yín aihunda wẹ nte?
20Fie nake de ma tin te wẹ miyọn nọ ṣi te;
Mọwẹ fie ajandotọ ma tin te avùn nọ doalọte.
21Dile akán te do akán, nake do miyọn;
Mowẹ gbẹtọ avùnhotọ te nado da avùn dai.
22Ohó ajandotọ tọn taidi alán,
Yé sọ nọ jẹte yì ohò adọgo tọn mẹ.
23Nuflo mimẹ́, po ayiha ylankan po,
Taidi ahaya fataka tọn he yè yí ṣinyọn na ozẹ́n.
24Ewọ he gbẹwan, bo sọ yí nuflo etọn do basi oblu,
Na yí oklọ whlá do ohò etọn mẹ.
25Whenuena é dọhó dagbedagbe, a yí i se blo:
Na osùnú ṣinawe wẹ tin to ayiha etọn mẹ.
26Mẹhe yí oklọ ṣinyọndo wangbẹna etọn,
Jijọ ylankan etọn wẹ yè na sọ dèhia to agùn lẹpo nukọn.
27Mẹdepope he kùn odò na jai do e mẹ,
Podọ ewọhe sọ to zànnu bli, eji wẹ é na gó do.
28Odẹ́ lalo tọn gbẹwanna yé he yè to nukunbia na gbọn e dali lẹ,
Onù ovlẹ tọn sọ nọ wàzón dindọn tọn.
Currently Selected:
HÓWHÍNWHÉN LẸ 26: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
