NAHUMI 3

1DINDỌN hlan tòdaho ohùnnọ lẹ lé tin gó na lalo lẹ po huhlọnnú po; amánànú ma fọ́nyì gba. 2Hùnhlungbè mẹhòbatọn, po hùnhlungbè nudidọ kẹkẹfọ tọn tọn po: po osọ́ wèdútọ lẹ po, po kẹkẹ linlọ́ntọ lẹ po; 3Osọ́nọ he aṣẹna, po ohi abidètọ lọ po, po owhán sisẹ́ lọ po; po agùndaho alántọsiọ lẹ tọn de po, po okiti oṣiọ lẹ tọn daho de po: podọ opòdo de ma tin finẹ na mẹkúkú lẹ; yé to ahlida jẹ mẹkúkú yetọn lẹ ji: 4na ogégé ogàlilọ gàlọtọ mẹdèunjọ dagbedagbe lọ tọn lẹ tọn tọn wutu, yọnnudaho kẹnunsi lẹ tọn, he sà akọta lẹ gbọn ogàlilọ etọn lẹ mẹ, po whédo lẹ po gbọn kẹnunsinú etọn lẹ mẹ. 5Dayi e go, Yẹn tin agọ́ do ogo we wẹ OKLUNỌ awhànpa lẹ tọn dọ, podọ yẹn na sọ hùn odowu towe lẹ to nukunmẹ towe nukọn; Yẹn bo na sọ do omẹ́ towe hia akọta lẹ, podọ owinyan towe hlan ahọludu lẹ. 6Podọ yẹn na dlan osùnú odiho do hiẹ ji, bo sọ hẹn we flu, bo sọ zé we do di avlẹdanú de. 7E na sọ wá jọ, dọ yé he to pinpọn we lẹpo na họ̀nyì sọn de we, bo to didọmọ, Yè hẹn Nineve zùn ogbọ̀gbe: mẹnu wẹ na doavihànna we? fie yẹn na din homẹmiọnnamẹtọ sọn na we? 8Bé hiẹ tin pọntehu No-amọni wẹ, he yè dotẹnna to otọ̀ lẹ ṣẹnṣẹn, he tindo osìn lọ lédo e pó; osòhọ̀ mẹhetọn ohù yìn, podọ adó etọn tin sọn osìn lẹ mẹ? 9Huhlọn etọn lẹ wẹ Etiopia po Egipti po, podọ madodògbó wẹ; Puti po Lubimi po wẹ alọgọtọ towe lẹ. 10Gánso wẹ yè bẹ́ ewọ yì, ewọ yì biọ mẹmẹglọ mẹ: ovi yọ̀pọ ewọ tọn lẹ ga wẹ yè hẹngbà hanyanhanyan to aga alihogbo lẹpo tọn ji: yé sọ dlan ovò lẹ na omẹ yẹyinọ etọn, podọ omẹ gbògbo etọn lẹpo wẹ yè sín do ogàn mẹ. 11Hiẹ ga na yín núnùmúnọ, yè na whla wẹ; hiẹ na din gingántẹn do figángán go na kẹ̀ntọ lọ tọn wutu. 12Figángán towe lẹpo na tin taidi ovotin lẹ po sinsẹ́ntintan ovò tọn lẹ po: eyín yé yín whinwhàn, yé flẹ biọ onù dùdùtọ tọn mẹ. 13Dayi e go, omẹ towe lẹ to gblagbla hiẹ tọn mẹ yọnnusi lẹ wẹ; họngbo aigba towe tọn lẹ yín hùnhùn kẹ hlan kẹ̀ntọ lẹ; miyọn ko và patin towe lẹ sudo. 14Híẹ ni dọ̀n osìn dotepọ́n oglọndo lọ, nahuhlọn figángán towe lẹ: yì biọ okò mẹ, bo yàn obọ́, hẹn blikidonú go. 15Finẹ wẹ miyọn na và we súdo te; ohi lọ na sọ sán we sẹ́, é na và we súdo taidi obọ̀: hẹn dewe zùn susu di owẹ̀n. 16Hiẹ ko hẹn ajọtọ towe lẹ jideji hugan sunwhlẹvu olọn tọn lẹ: obọ̀ lọ dlẹn ede, bo zlọn yì. 17Ojẹgbakunnọ towe lẹ tin di owẹ́n lẹ, podọ wékantọ towe lẹ di sìsawẹ́n agbonọpatin lẹ tọn, he dosla to adó lẹ mẹ to avivọzángbè, ṣigba whenuena owhè tite yé họ̀nyì, podọ yé ma sọ yón otẹn, yetọn fie yé te. 18Hiẹ ahọlu Asilia tọn E, lẹngbọhótọ towe lẹ to amlọngọsa: mẹgángán towe lẹ tin to blẹo: yè vúnvún ome towe lẹ to osé lẹ ji, bọ mẹde ma tin nado ṣinyan yé. 19Unbọ̀do ma tin to awugble towe mẹ; yinylan wẹ alán towe: yé he sè linlin towe lẹ hòpẹ́ do ta na we; na mẹnu ji wẹ yinylan towe ma ko ju gbọn to whepoponu.

Currently Selected:

NAHUMI 3: BWL23

Highlight

Copy