NAHUMI 2

1YÈ hẹn ewọ he nọ hẹngbà hanyanhanyan hẹji wá nukunmẹ towe nukọn: pọ́n awhanfunnú go, to aliho lọ họ́, hẹn adaja towe sinyẹn, yí hlọnhlọn do hẹn huhlọn towe gla. 2Na OKLUNỌ sọ vọ́ gigodaho Jakob tọn hẹnwá, di gigodaho Islaeli tọn: na hẹnjẹvọ́nọ lẹ ko hẹn yé jevọ́ pó, bo sọ gble alà vẹ̃ntin yetọn lẹ tọn. 3Yè hẹn awọyinú omẹ hlọnhlọnnọ etọn lẹ tọn zùn bibia, omẹ tudotọ lẹ tin avọ̀vẹṣẹṣẹ mẹ: kẹkẹ lẹ tin po miyọn gànwiwle tọn po to azán awu wle etọn tọn gbè, podọ atin fili lẹ wẹ yè sọ yí budaho do whan 4Kẹkẹ lẹ to adanjẹ to alihogbo lẹ ji, yé to gòho yénọzo to aliho gbigblo lẹ mẹ; awusọhia yétọn tin taidi ozòwhán lẹ, yé to wezundo taidi abi lẹ. 5Ewọ flin mẹgángán etọn lẹ; yé to ahlida to ali yetọn ji; yé yawu jẹ adó etọn go, yè sọ wleawuna osòhọ̀ lọ 6Yè hùn họngbo otọ̀ lẹ tọn, yè bo sọ hẹn ohònmẹ lọ tún 7Podọ yè hẹn ẹn zùn asẹ; omẹ́nọ wẹ ewọ, yè bẹ́ ewọ yì, deviyọnnu etọn lẹ sọ to dido e di po ogbè owhle lẹ tọn po, he to akọ́nhò to ayiha yetọn lẹ ji 8Ṣigba Nineve ko tin sọn azán he gbè é ko tin taidi otandò osìn tọn de: gãnṣo yé họ̀nyì; Ṣite, ṣite, wẹ yé didọ; ṣigba mẹde ma hẹn ye nado lẹ́ gba 9Mì bẹ́ ogblannú fataka tọn, bẹ́ ogblannú sika tọn: na otèpò agbánhọ̀ tọn de ma tin finẹ gba, gigo sọn aṣọvànú whanpẹnọ lẹpo mẹ 10Ovọ́tọ wẹ ewọ, bo sọ voto, bo sọ gbọ̀gbé: ayiha bo sọ yọ́, kligonu lẹ sọ to hihò dopọ, podọ apọ́ sọ tin to adaja lẹpo mẹ, podọ yè sọ hẹn nukunmẹ yé mẹpó tọn zùn yinylọn. 11Fie wẹ odò kinnikinni lẹ lọ tọn te, po dùdùtẹn kinnivù lẹ tọn po, fie kinnikinni lọ yèdọ kinnikinni hóhó lọ nọ zinzọnlin te, ovú kinnikinni lọ tọn, bọ mẹde ma hẹn yé savo? 12Kinnikinni lọ dọntlẹn pékọ na ovú etọn lẹ, bo sọ slokọnahù na kinnisi etọn lẹ, bo sọ yí amánànú do gọ́ aigbaslo etọn lẹ, podọ odò etọn lẹ po núdùdùsinsinyẹn po. 13Dayi e go, yẹn tin agọ̀ do ogo we, wẹ OKLUNỌ awhànpa lẹ tọn dọ, podọ yẹn na mẹ̀ kẹkẹ etọn lẹ to azọ̀ mẹ, podọ ohi na sọ và kinnivú towe lẹ súdo: podọ yẹn na sọ sán amánànú towe sẹ́ son aigba lọ mẹ, podọ yè ma na sọ sè ogbè mẹdagun towe lẹ tọn gbède ba.

Currently Selected:

NAHUMI 2: BWL23

Highlight

Copy