NAHUMI 1

1AGBÀN Nineve tọn. Owé númimọ Nahumi Elkosinu lọ tọn tọn.

2OKLUNỌ Jiwheyẹwhe awuwhànnọ de wẹ, bo sọ nọ yí ahọsu; OKLUNỌ nọ yíahọsu bo sọ tin gọ́ na homẹgble; OKLUNỌ yí ahọsu to meglatọ etọn lẹ go, podọ ewọ sọ pò homẹgble dote na kẹ̀ntọ etọn lẹ. 3Awuwhlenọ wẹ OKLUNỌ nado sadi, bo sọ klo to huhlọn mẹ, bo ma na whlẹn whẹylantọ dai to alọ depope mẹ gba: OKLUNỌ tindo aliho etọn to jẹhọnahizi mẹ podọ tọ jehọnsinsinyẹn mẹ, podọ okọgudu afọ etọn lẹ tọn wẹ aslọ lẹ 4E wọhẹ ohù, bo sọ hẹn ẹn hú, bo sọ hẹn otọ̀ lepo zùn húhú: Baṣani wlo, podọ Kalmẹli, ovovó ilẹbalọni tọn yọ́ 5Osó lẹ sisọ na ewọ tọn, okọta lẹ sọ yọ́: Yè zé aigba dlanga to nukọn etọn, mọwẹ, aihọn, po ehe nọnọ̀ e mẹ lẹpo po. 6Mẹnu wẹ sọgan nọte to homẹgble etọn nukọn? podọ menu wẹ sọ sọgan nọ̀ ozògbe adi etọn tọn mẹ? Yè kọ̀n homẹwlu etọn jẹgbonu taidi miyọn, podọ yè sọ gbà osé lẹ gbọn ewọ dali. 7Dagbenọ wẹ OKLUNỌ, figángán de to azán tukla tọn gbè; podọ ewọ sọ yọn yé he yí tudido yetọn do ewọ mẹ lẹ. 8Ṣigba sìngigọ gbàgbò de wẹ ewọ na yí do basi opodo otẹn etọn tọn de, bo sọ domọ́na kẹntọ etọn lẹ biọ zinvlu mẹ. 9Etẹ́ mìwlẹ pipajlẹ do OKLUNỌ go? ewọ na basi opòdo gigọ́ de: nukunbia ma na fọ́n tite whlawetọ gba. 10Na le yé tlẹ tin taidi owun kaṣa lẹ sọ, bo sọ yín yínylọn di e yín to nunùnú yetọn mẹ, yé na yín vivàsúdo di núyọ húhú. 11Mẹde jẹgbonu yì sọn hiẹ mẹ finẹ he papajlẹ oylan do OKLUNỌ go, hónamẹtọ mẹylankan de. 12Le wẹ OKLUNỌ dọ: Le yé tlẹ tin to huhlọn gigọ mẹ sọ, bo sọ sù domọ, yèdọ mọwẹ yé na yínsinsán liai do, ewọ bo na sọ ju yì. Le yẹn tlẹ ko hẹnnukunbia we sọ, yẹn ma na sọ hẹnnukunbia we ba gba. 13Podọ dinvie wẹ yẹn na wẹ́n glepọnú etọn sẹ́ sọn hiẹ mẹ, bo sọ tlu ogàn towe lẹ doawe 14Podọ OKLUNỌ ko na gbédide gbọn hiẹ tọn dali, dọ de sọn oyín towe mẹ yín dido ba blo: yẹn na sán bosiọ pipa lọ po boṣio kinkòn lọ po sẹ́ sọn ohọ́ yẹwhe towe lẹ tọn mẹ; yẹn na basi yọdò towe; na tapònọ wẹ hiẹ. 15Pọ́n, afọ ewọ he hẹn owẹ́n dagbe wá tọn to osó lẹ ji, he to jijọho lá! hiẹ Juda E, Yìn hùnwhẹ towe lẹ, yí padido towe lẹ basi: na omẹ ylankan lọ ma na sọ gbọn hiẹ mẹ luntón gbède ba; ewọ yín sinsán sẹ́ gbidigbidi.

Currently Selected:

NAHUMI 1: BWL23

Highlight

Copy