MIKA 7

1DINDỌN wẹ yẹnina yẹn tin di whenuena yé ko ṣinyan osinsẹ́n alunlun mẹ tọn lẹ, di vẹnsinsẹ̀n welu lẹ sọn vẹntin lọ mẹ ohin de ma tin nado dù; mọ ovò sinsẹ́ntintan he alindọn ṣie nọ jlo ma tin. 2Yè và homẹdagbenọ lẹ sudo sọn aigba lọ mẹ, podọ mẹde ma tin yín tenọglinọ to gbẹtọ lẹ ṣẹnṣẹn: Yé mẹpó wẹ tọwu na ohùn; yé yí odọ de omẹ dopodopo do to wudona nọvisunnu etọn. 3Alọ awelẹ wẹ yè dè jẹgbonu na oylan Dado wà ẹ po sọwhiwhe po; ahọvi lọ to bibiọ, podọ whèdatọ lọ sọ yín awuwlenọ na ale de; podọ omẹ daho lọ, ewọ to odanú alindọn etọn tọn dọ: le wẹ yé lòn ẹn dopọ do. 4Mẹpọ̀ntehugan to yé mẹ tin di owun de: jijlọwhetehugan tin di yè dè e sọn opa owunnọ de mẹ: yè hẹn azán hihọ́tọ towe lẹ tọn, yèdọ odlapón towe, wa; dinvie wẹ oflujijẹ yetọn na yín. 5Mì dotu to họntọn de mẹ blo, mì sọ yí tódido do whegbè họntọn de mẹ blo: bọ̀ ohọ̀n onù towe tọn lẹ do sọn ewọ he mlọnai to akọ́n towe mẹ dè. 6Na visunnu nọgbémagbòna otọ́, viyọnnu fìnfòn tite do onọ etọn ji, visunnusi dọ asúnọ etọn ji; kẹ̀ntọ gbẹtọ de tọn wẹ omẹ owhé etọn titi tọn lẹ lọ.

7Ṣigba na yẹn tọn, yẹn na nọ pọ̀n hlan OKLUNỌ de; yẹn na nọtepọ́n Jiwheyẹwhe whlẹngan ṣie tọn lọ: Jiwheyẹwhe ṣie na sọ sè mi. 8Hiẹ kẹ̀ntọ ṣie, E a jẹaglin to oji e blo: whenuena yẹn jai, yẹn na sọ tite; whenuena yẹn sinai to zinvlu mẹ, OKLUNỌ na yín hinhọ́n de hlan mi. 9Yẹn na hẹn homẹgble OKLUNỌ tọn, na yẹn ko wàylando do ewọ go wutu; kaka ewọ do dowhẹ̀gbèna whẹ́hó ṣie, bo sọ hẹn whẹ̀dida ṣẹ̀ na mi: ewọ na hen mi jẹgbonu wá jẹ hinhọ́n lọ kòn, yẹn bo na sọ nọ dayi dódó etọn go. 10Whenẹnu kẹ̀ntọ ṣie na mọ ẹn, owinyan bo na sọ ṣinyọn ẹn; he dọ hlan mi dọ, Fiẹ wẹ OKLUNỌ Jiwheyẹwhe towe tè? Nukun ṣie lẹ na mọ ẹn; dinvie wẹ ewọ na yín zínzindai di ogbọ̀n aligboji le tọn 11Azán he gbè adó towe lẹ tin nado yin dido! azán nẹ mẹ wẹ dogbọji lọ na yín sisẹtẹnna yìdẹn. 12Azán nẹ gbè wẹ yé na wá jẹ dẽ, sọn Asilia mẹ po tòdaho Mazoli tọn lẹ po, podọ sọn Mazoli mẹ yèdọ jẹ Otọ̀ lọ kòn, podọ sọn ohù mẹ jẹ ohù de, podọ sọn oso mẹ je osó de 13Gãnṣo wẹ aigba lọ na yín ovọ́jẹ na yé he nọ nọ̀ e mẹ lẹ tọn wutu, na osinṣẹn wiwà yetọn le tọn.

14Yí opo towe do dùganna ome towe lẹ lẹngbopa ogu towe tọn, he to ninọ̀ vokada, to zùnkan mẹ to gblagbla Kalmẹli tọn mẹ: gbọ yé ni to dùdù to Baṣani po Gileadi po mẹ, di to azán hóhó tọn lẹ mẹ. 15Di to azán gbonu jẹ yì towe tọn lẹ mẹ sọn aigba Egipti tọn mẹ wẹ yẹn na do onú awujinọ lẹ hia hlan ẹn. 16Akọta lẹ na mọ bo sọ yín mẹmọwinyan hlọnhlọn yetọn lẹpo tọn: Yé na zé alọ yetọn do onù yetọn go, otó yetọn na yín kúkú. 17Yé na didọ́ kọgudu taidi odàn de; yé na to sisọsisọ tọ́n ja sọn otẹn hihla yetọn lẹ mẹ taidi onú saklegbó aigba tọn lẹ: yé na wá po obu po jẹ OKLUNỌ Jiwheyẹwhe mítọn de, bo na sọ yín avosatọ na hiẹ tọn wutu. 18Mẹnu wẹ Jiwheyẹwhe de jijlẹ do hiẹ go, he nọ jona oylanwà, bo sọ nọ dasa osẹ́nmẹjẹ pipòtọ ogú etọn tọn lọ tọn? ewọ ma hẹn adi etọn dote kakadoi gba, na ewọ hùnhomẹ to leblanu me wutu. 19Ewọ na sọ lẹ́ bo tindo awubla to mí ji; ewọ na zín oylanwà mítọn lẹ to afọ glọ: podọ hiẹ na sọ zé ylando yetọn lẹpo dlan biọ osẹ́dò ohù tọn mẹ. 20Hiẹ na na nugbowà towe jẹ Jakob de, podọ lẹblanu jẹ Ablaham de, he hiẹ ko whle hlan otọ́ mítọn lẹ sọn azán hóhó tọn lẹ mẹ.

Currently Selected:

MIKA 7: BWL23

Highlight

Copy