MIKA 6

1MÌ sè lò núhe OKLUNỌ dọ; Tite, hiẹ ni dọ̀nhó to osó lẹ nukọn, bo sọ gbọ okọta lẹ ni sè ogbè towe. 2Mì sè núdindọn OKLUNỌ tọn, Mì osó lẹ emi, po mì odòdo lilo aigba tọn lẹ po: na OKLUNỌ tindo núdindọn de po ome etọn lẹ po, podọ ewọ na sọ dowhẹ̀gbè po Islaeli po. 3Etẹ́ wẹ yẹn ko wa hlan we, mì omẹ ṣie lẹ emi? podọ etẹ́me wẹ yẹn ko hẹnnugbẹ́do we te? sakunnu do oji e. 4Na yẹn hẹn we hẹji sọn aigba Egipti tọn ji wá, bo sọ fli we son ohọ̀ mẹglọnọ tọn mẹ; yẹn bo sọ do Moṣe, Aalọn, po Miliami po hlan nukọn towe. 5Mì ni fìm dinvie, mì omẹ ṣie lẹ emi, núhe Balaki ahọlu Moabi tọn dowéna, podọ núhe Balaami visunnu Beoli tọn gblọnna ẹn; flin sọn Ṣitimi jẹ Gilgali, na mì nido yòn owàlọ dódónọ OKLUNỌ tón lẹ. 6Etẹpo yẹn po wẹ na wá OKLUNỌ nukọn, bo sọ dẹ́ dẽ to Jiwheyẹwhe yìaga lọ nukọn? Yẹn na wá ewọ nukọn po avọ̀ nunina mimẹ̀ lẹ po, po oyìnvú owhè dopo whinwhẹn tọn lẹ po? 7Bé OKLUNỌ na yín homẹhùnnọ po fọtọ̀nfọtón agbò lẹ tọn po, kavi po fọtọ̀n ao otọ̀ amì tọn lẹ po? bé yẹn na jó oplọnji ṣie na oṣénmẹjẹ ṣie la, osinsẹ́n sọn agbasa ṣie mẹ na ylando alindọn ṣie tọn? 8Hiẹ dawe, ewọ ko do núhe yín dagbe hia we; podọ etẹ̀ wẹ OKLUNỌ to kinkanbiọ sọn de we, adavo nado nọ yí nugbo do wà, podọ nado yiwanna lẹblanu, podọ nado nọ yí whiwhẹ do zinzọnlin po Jiwheyẹwhe towe po.

9Ogbè OKLUNỌ tọn dawhá hlan tòdaho lọ, podọ ómẹ nuyọnẹn ton sọ mọ osi towe: mì sè opò lọ, po mẹhe ko dè e po. 10Bé adọkunnu yinylan tọn lẹ gbẹ́ sọ tin to ohọ̀ mẹylankan tọn mẹ, po ẹfa agbòte he yín osùnú lọ po? 11Bé yẹn na yín wiwe po nujlẹnu ylankan lẹ po la, podọ po apò ojlẹnú oklọnọ de tọn le po? 12Na omẹ adọkunnọ etọn lẹ tin gọ̀ na huhlọnnú, podọ tòmẹnu etọn lẹ ko dọho lalo lẹ, podọ ọdẹ́ yetọn to onù yetọn mẹ oklọnọ wẹ. 13Enẹwutu wẹ yẹn ga ko yí alán adinọ de do hò we; yẹn ko hẹn we zùn ovọ̀jẹ na ylando towe lẹ tọn wutu 14Hiẹ na dù, ṣigba ma na yin pékọnọ gba; podọ ovọ̀ towe na tin to gblagbla hiẹ tọn mẹ: podọ hiẹ na diọtẹn, ṣigba ma na bẹ́yì gingán gba; podọ enẹ he hiẹ bẹ̀yì wẹ yẹn na sọ jó hlan ohi. 15Hiẹ na do, ṣigba a ma na gbẹn gba: hiẹ na li olivieli lẹ, ṣigba ma na yí amì do samisisána we gba; po vẹntin lọ po, ṣigba ma na nù ovẹ̃n lọ gba. 16Na yè to osẹ́ndoai Omli tọn lẹ yìn, po azón owhé Àhabi tọn tọn lẹpo po, mìwlẹ bo sọ to zọnlinzin to hónamẹ yetọn lẹ mẹ: na yẹn ni do hẹn we zùn awujinú de, podọ tòmẹnu etọn lẹ afudènú de: podọ míwlẹ na sọ hẹn ovlẹ omẹ ṣie lẹ tọn.

Currently Selected:

MIKA 6: BWL23

Highlight

Copy