MIKA 4
4
1ṢIGBA to azán godotọn lẹ mẹ é na wá jọ, bọ osó ohọ̀ OKLUNỌ tọn tọn lọ na yín hẹnlódo to ota osó lẹ lọ tọn, podọ é na yín zédaga to okọn lẹ ji; podọ gbẹtọ lẹ na sọ nọ sà jẹ e de. 2Akọta susu bo na sọ yì bo dọmọ, Mi wá, bo sọ gbọ mí ni jẹte yì jẹ osó OKLUNỌ tọn kọ̀n, podọ jẹ ohè Jiwheyẹwhe Jakob tọn tọn lọ kòn; ewọ bo na sọ plén mí sọn aliho etọn lẹ mẹ, míwlẹ bo na sọ nọ zinzọnlin to omé etọn lẹ mẹ: na Ziọni mẹ wẹ osén lọ na jẹgbonu sọn yì, podọ ohó OKLUNỌ tọn sọn Jelusalẹm mẹ. 3Ewọ bo na sọ dawhẹ̀ to gbẹtọ susu ṣẹnṣẹn, bo na sọ dawhè gbọn akọta huhlọnnọ lẹ tọn dali to aganu boboe; yé bo na sọ yí ohi yetọn lẹ do tùn glepònugàn lẹ, podọ owhán yetọn lẹ do ohànvi lẹ mẹ: akọta ma na sọ zé ohi daga do akọta ji, mọ yé ma na sọ plón awhàn gbède ba. 4Ṣigba yé na sinai omẹ dopodopo to vẹ̃ntim etọn glọ podọ to ovotin etọn glọ; podọ mẹde ma na sọ hẹn yé savo gba: na onù OKLUNỌ awhànpa lẹ tọn tọn ko dọ ẹ. 5Na gbẹtọ lẹpo wẹ zọnlinzin omẹ dopodopo to oyín yẹwhe etọn tọn mọ, míwlẹ bo na sọ nọ zinzọnlin to oyín OKLUNỌ Jiwheyẹwhe mitọn tọn mẹ kakadoi podọ doidoi.
6To azán nẹ gbé, OKLUNỌ dọ, wẹ yẹn na bẹ́ ewọ he kúsẹ́ pli, podọ yẹn na sọ ṣinyan ewọ he yè yàn yì, po ewọ he yẹn bianukunna po pli; 7Yẹn na sọ hẹn ewọ he kúsẹ́ zùn pipòtọ de, podọ ewọ he yè zédlan aganu boboe akọta huhlọnnọ de: OKLUNỌ bo na sọ dùahọlu to yé ta to osó Ziọni mẹ sọn dinviejei yèdọ kakadoi. 8Podọ hiẹ, atọhọ̀ Edẹli tọn È, Ofẹlì viyọnnu Ziọni tọn tọn, hiẹ de é na wá jẹ; mọwẹ, ahọludùtẹn nukọntọn na wá, ahọludu viyọnnu Jelu-salẹm tọn lọ tọn. 9Dinvie etẹwutu wẹ hiẹ do dawhá lélé mọ? Ahọlu ma tin to hiẹ mẹ wẹ, yè hù hónamẹtọ towe súdo wẹ, bọ ajlu lẹ ko do hẹn ogo we di yọnnu to ajipamẹ de tọn? 10Tin awuvẹ́ mẹ, bo sọ jẹtukla nado, hẹn jegbonu wá, hiẹ viyọnnu Ziọni tọn È, taidi yọnnu de to ajipa mẹ; na lò wẹ hiẹ na jẹgbonu yì sọn todaho lọ mẹ, bo na nọ nọ̀ ogle mẹ, bo na sọ wá yèdọ jẹ Babilọni; finẹ wẹ hiẹ na yín whinwhlẹndai te; finẹ wẹ OKLUNỌ na fli we te sọn alọ kentọ towe lẹ tọn mẹ. 11Podọ dinvie yè bẹ́ akọta susu pli do oji we, he didọmọ, Gbọ ewo ni yín fuflu, bo sọ gbọ nukun mítọn ni to Ziọni pọ́n. 12Ṣigba yé ma yọ́n linlẹn OKLUNỌ tọn lẹ gba, mọ yé ma sọ tùnwun hónamẹ etọn gba: na ewọ ko bẹ́ yé pli di olìkọ̀ lẹ jẹ nutùngbàji 13Tjte bo to tùntùn, hiẹ viyọnnu Ziọni tọn È; na yẹn na hẹn azò towe zùn ogànyu, podọ yẹn na sọ hẹn afọfẹ̀n towe lẹ zùn ogànvẹ̃: hiẹ bo na sọ tùn akọta susu hanyanhanyan: podọ yẹn na sọ dè ale yetọn dola hlan OKLUNỌ, podọ agbàn yetọn hlan OKLUNỌ aigba lọ pete tọn.
Currently Selected:
MIKA 4: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
