MIKA 3

1YẸN bo sọ dọmọ, Sè, Yẹn vẹ̀ mì, mì nukọntọ Jakob tọn lẹ, po ogán owhé Islaeli tọn tọn lẹ po: bé é ma tin na mì nado yọ́n whẹ̀dida? 2Mẹhe gbẹwanna dagbe, bo yiwanna oylan; mẹhe dọ̀n ayú yetọn sùn sẹ̀ sọn yé go, podọ agbasalan yetọn sẹ̀ sọn ohú yetọn lẹ go; 3Mẹhe dù agbasalan omẹ ṣie lẹ tọn ga: yé sọ kọ́n ayú yetọn sẹ̀ sọn yé go, bo wén ohú yetọn lẹ: mọwẹ, yé já yé do flinflin, di na ọzẹ́n, podọ di agbasalan to odlazẹ́n homẹ. 4Whenẹnu wẹ yé na dawhá hlan OKLUNỌ, ṣigba ewọ ma na gblọnna yé gba: mọwẹ, ewọ na whla nukunmẹ etọn to ojlẹ nẹ mẹ sọn yé de, kedẹdi le yé ko wàzón oylan to wiwà yetọn lẹ mẹ do. 5Le wẹ OKLUNỌ dọ gbọn yẹwhegán lẹ lọ tọn dali he hẹn omẹ ṣie lẹ nado buali: he yí adú yetọn lẹ do hẹnadumẹ bo sọ dawhádọ, Blẹo; podọ mẹdepope he ma yí do onù yetọn lẹ mẹ, yèdọ yé nọ klan awhàn dowiwe do e ji: 6Enẹwutu é na yín ozán hlan mì, bọ mì ma na tindo numimọ de; podọ é na sọ yín zíndo hlan mì, bọ mì ma na dọdọṣẹ; podọ owhè na jẹte yì to yẹwhegán lẹ lọ ji, azán lọ na sọ yín oyù to yé ta. 7Yè na sọ hẹn mimọtọ lẹ mọwinyan, po dọṣẹnọ lẹ po jẹflu: mọwẹ, yé mẹpó wẹ na ṣinyọnnúdo nùflo yetọn lẹ; na gbigblọn de ma tin sọn Jiwheyẹwhe de gba. 8Ṣigba nugbo tọn yẹn tin gọ́ na huhlọn yèdọ gbigbọ OKLUNỌ tọn lọ, po whẹ̀dida tọn po, po hlọnhlọn tọn po, nado lá hlan Jakob osẹ́nmẹ̀jẹ etọn, podọ hlan Islaeli ylando etọn: 9Mì sè ehe, yẹn vè mì, mì nukọntọ owhé Jakob tọn tọn lẹ, po ogán owhé Islaeli tọn tọn lẹ po, he gbẹ́na whẹ̀dida, bo sọ nọ sọtadòna kunnumahù lẹpo. 10Yé yí ohùn do do Ziọni daga, podọ Jelusalẹm po oylanwà po. 11Nukọntọ etọn lẹ nọ dawhẹ̀ na ale, podọ yẹwhenọ etọn lẹ to mẹplọ́n na azónkuẹ, podọ yẹwhegán etọn lẹ sọ to dọṣẹdọ na akuẹ: gãnṣo wẹ yé na zẹ̀nmẹ OKLUNỌ, bo dọmọ, Bé OKLUNỌ ma tin to gblagbla mi tọn mẹ la? oylan de ma na wa mí ji gba. 12Enẹwutu wẹ Ziọni na mìtọn wutu na yín pipò di ogle de, podọ Jelusalẹm na lẹzùn okiti lẹ, podọ osó ohọ̀ lọ tọn di ofi yìaga zùnkan de tọn lẹ.

Currently Selected:

MIKA 3: BWL23

Highlight

Copy