LUKU 3

1DINVIE to owhè fọtọ̀n ahọludu Tìbeliu Sesali tọn mẹ he Pontiu Pilati dù otògán to Judé, bọ Hẹlọdi sọ dù otògán to Galili, bọ Filippi nọvisunnu etọn sọ dù otògán Ituléá po Tlakoniti tọn po, bọ Lysania dù otògán to Ábilene, 2To yẹwhenọ gándudu Ánna po Kaifa po tọn mẹ, wẹ ohó Jiwheyẹwhe tọn wá Johanu ovi Zakali tọn de to zùngbo mẹ. 3E sọ wá agbègbè lẹpo ji lédo Jọdani, é to yẹwheho baptẹm lẹnvọjọ tọn dọ, hlan odesé ylando lẹ tọn; 4Dile yè wlan ẹn do to owé yẹwhegán Esaia tọn mẹ, 1

Dọ, Ogbè mẹde tọn to awhádo to zùngbo mẹ,

Mì jla ali Oklunọ tọn do,

Mì hẹn mọji etọn lẹ jlọ.

5Agbàdò lẹpo wẹ yè na gó,

Osó lẹ po okọta lepo po we yè na té,

Gbingban lẹ na lẹzun jijlọ, podọ aliho

Kasakasa lẹ zun mimlẹn;

6Agbasalan lẹpo we nasọ mọ whlẹngan Jiwheyẹwhe tọn.

7Whenẹnu wẹ é dọ hlan agùndaho he tón yì nado yín bibaptizi to e de lẹ, dọ, Mì whẹndo amapoe lẹ tọn, mẹnu we navasè mì nado hòn sọn homẹgble he ja mẹ? 8Enẹwutu mì hẹn sinsẹ́n he jẹ na lẹnvọjọ mìtọn jẹgbonu wá, mì sọ sè didọ to mì homẹ, dọ, Mi tindo Ablaham na otọ́ mìtọn blo: na yẹn dọ hlan mì, dọmọ, Jiwheyẹwhe sọgan zé ovi lẹ tite sọn ozannu helẹ mẹ hlan Ablaham. 9Podọ yèdọ dinvie, yè ko zé asìọvi hlan adò atin lẹ tọn: enẹwutu atin depope he ma hẹn sinsẹ́n dagbe jẹgbonu wá, yín sinsán liai, bo yín dindòn zindo miyọn mẹ. 10Agùndaho lẹ lọ sọ kanse e, dọmọ, Be eté mí do na wà? 11E sọ gblọn bo dọ hlan yé, dọmọ, Mẹhe tindo awù awe ni na dopo mẹhe ma tindo de, mẹhe tindo núdùdù ni wà mọ ga. 12Tòkuẹsinyantọ lẹ tin to finẹ ga nado yín bibaptizi, yé sọ dọ hlan ẹn dọmọ, Mẹplọntọ, Eté mí do na wà? 13E sọ dọ hlan yé, dọmọ, Mì sọ fánsúmẹgo hú ehe yè dèna mì blo. 14Awhanvipẹ to azón kòn lẹ ga sọ kanse e dọmọ, Eté mí do na wà? E sọ dọ hlan yé, dọmọ, Mì wà huhlọnnu hlan mẹde blo mì sọ slẹ mẹde blo; azónkuẹ mìtọn lẹ ni pé mì.

15Le gbẹtọ lẹ sọ tin to tódo mẹ bọ omẹ pó sọ to linlẹn to ayiha yetọn lẹ mẹ gbọn Johanu tọn dali, eyín vlavo ewọ wẹ Klisti lọ; 16Johanu gblọn bo dọ hlan yé omẹ pó, dọmọ, Nugbo yẹn yí osìn do to bibaptizi mì, ṣigba mẹhe húgan yẹn ja, afọpakan mẹhe tọn yẹn ma sù na tún; ewọ wẹ na baptizi mì to Gbigbọ Wiwe po miyọn po mẹ 17Mẹhe aíatà etọn tin to alọ etọn mẹ, nado zà agbà zinhò etọn tọn wé sésé, bo nasọ bẹ likún do zinhò etọn mẹ: ṣigba ofló wẹ é na yí miyọn maṣimaṣi do mẹ̀.

18Homèjladohó susu devo ga wẹ é do to yẹwheho wẹndagbe tọn dọ hlan gbẹtọ lẹ. 19Ṣigba Hẹlọdi otògán, mẹhe é wọhẹ na Helọdia asi Filippi nọvisunnu etọn tọn, podọ na onú ylanylan he Hẹlọdi wà lẹpo, 20e yí ehe do dotana onú lẹpo, é sú Johanu do ogàn mẹ.

21Dinvie e sọ wá jọ whenuena yè baptizi gbẹtọ lepo, wẹ yè baptizi Jesu lọsu ga, le é to dèho, yè hùn olọn do nuvo, 22Gbigbọ Wiwe sọ jẹte, to ojlẹmọ agbasa tọn de mẹ di apoe de, do e ji, ogbè de sọ sọn olọn mẹ wá, dọmọ, Hiẹ wẹ Ovi yiwanna ṣie; hiẹ mẹ yẹn yín homẹhùnnọ talala.

23Jesu lọsu whenuena é sè nado plọnmẹ, ovi owhè ogbàn nkọ tọn wẹ, é nọ yín (dile yè lẹn do) ovi Josefu tọn he basi ovi Helo tọn, 24he basi ovi Mattati tọn, he basi ovi Levi tọn, he basi ovi Melki tọn, he basi ovi Janna tọn, he basi ovi Josẹfu tọn, 25he basi ovi Mattatiasi tọn, he basi ovi Amosi tọn, he basi ovi Nahumi tọn, he basi ovi Eslì tọn, he basi ovi Nagge tọn, 26he basi ovi Mati tọn, he basi ovi Mattatiasi tọn, he basi ovi Semẹi tọn, he basi ovi Josẹfu tọn, he basi ovi Juda tọn, 27he basi ovi Joana tọn, he basi ovi Lẹsa tọn, he basi ovi Zelababẹli tọn, he basi ovi Salatiẹli tọn, he basi ovi Nẹli tọn, 28he basi ovi Mẹlki tọn, he basi ovi Addi tọn, he basi ovi Kosami tọn, he basi ovi Elmodami tọn, he basi ovi Eli tọn, 29he basi ovi Jose tọn, he basi ovi Eliezela tọn, he basi ovi Jolimi tọn, he basi ovi Mattati tọn, he basi ovi Levi tọn, 30he basi ovi Simeọni tọn, he basi ovi Juda tọn, he basi ovi Josefu tọn, he basi ovi Jonani tọn, he basi ovi Eliakimi tọn, 31he basi ovi Melea tọn, he basi ovi Menani tọn, he basi ovi Mattata tọn, he basi ovi Natani tọn, he basi ovi Davidi tọn, 32he basi ovi Jessi tọn, he basi ovi Obedi tọn, he basi ovi Boozi tọn, he basi ovi Salmọni tọn, he basi ovi Naasọni tọn, 33he basi ovi Aminadabi tọn, he basi ovi Alami tọn, he basi ovi Eslọmi ton, he basi ovi Falesi ton, he basi ovi Juda tọn, 34he basi ovi Jakobu tọn, he basi ọvi Isaki tọn, he basi ovi Ablaham tọn, he basi ovi Tala tọn, he basi ovi Nahọli tọn, 35he basi ovi Saluki tọn, he basi ovi Lagahu ton, he basi ovi Faleki tọn, he basi ovi Hebẹli tọn, he basi ovi Sala tọn, 36he basi ovi Kainani tọn, he basi ovi Alfaksadi tọn, he basi ovi Semi tọn, he basi ovi Noe tọn, he basi ovi Lamẹki tọn, 37he basi ovi Matusala tọn, he basi ovi Enọku tọn, he basi ovi Jalẹdi tọn, he basi ovi Maleleẹli tọn, he basi ovi Kainani tọn, 38he basi ovi Enọsi tọn, he basi ovi Sẹti tọn, he basi ovi Adam tọn, he basi ovi Jiwheyẹwhe tọn.

Currently Selected:

LUKU 3: BWL23

Highlight

Copy