Popular Bible Verses from LUKU 3

Share

Dinvie e sọ wá jọ whenuena yè baptizi gbẹtọ lepo, wẹ yè baptizi Jesu lọsu ga, le é to dèho, yè hùn olọn do nuvo, Gbigbọ Wiwe sọ jẹte, to ojlẹmọ agbasa tọn de mẹ di apoe de, do e ji, ogbè de sọ sọn olọn mẹ wá, dọmọ, Hiẹ wẹ Ovi yiwanna ṣie; hiẹ mẹ yẹn yín homẹhùnnọ talala.

Johanu gblọn bo dọ hlan yé omẹ pó, dọmọ, Nugbo yẹn yí osìn do to bibaptizi mì, ṣigba mẹhe húgan yẹn ja, afọpakan mẹhe tọn yẹn ma sù na tún; ewọ wẹ na baptizi mì to Gbigbọ Wiwe po miyọn po mẹ

Enẹwutu mì hẹn sinsẹ́n he jẹ na lẹnvọjọ mìtọn jẹgbonu wá, mì sọ sè didọ to mì homẹ, dọ, Mi tindo Ablaham na otọ́ mìtọn blo: na yẹn dọ hlan mì, dọmọ, Jiwheyẹwhe sọgan zé ovi lẹ tite sọn ozannu helẹ mẹ hlan Ablaham.

Podọ yèdọ dinvie, yè ko zé asìọvi hlan adò atin lẹ tọn: enẹwutu atin depope he ma hẹn sinsẹ́n dagbe jẹgbonu wá, yín sinsán liai, bo yín dindòn zindo miyọn mẹ.

Dile yè wlan ẹn do to owé yẹwhegán Esaia tọn mẹ, 1 Dọ, Ogbè mẹde tọn to awhádo to zùngbo mẹ, Mì jla ali Oklunọ tọn do, Mì hẹn mọji etọn lẹ jlọ. Agbàdò lẹpo wẹ yè na gó, Osó lẹ po okọta lepo po we yè na té, Gbingban lẹ na lẹzun jijlọ, podọ aliho Kasakasa lẹ zun mimlẹn; Agbasalan lẹpo we nasọ mọ whlẹngan Jiwheyẹwhe tọn.