LUKU 23
23
1OGBẸ́ yé mẹpo tọn pete sọ fọ́n, bo hẹn ẹn wá Pilati de. 2Yé sọ sọ sislẹ ẹ, dọmọ, Mìwlẹ mọ dawe he to akọta mìtọn hẹngble, bó sọ to kikó nado na otòkuẹ hlan Sesali, bo sọ to didọmọ Ahọlu yíamisisádode de wẹ ewlọsu. 3Pilati sọ kanbiọ ẹ dọmọ, Ahọlu Ju lẹ tọn wẹ hie? E sọ gblọn bo dọmọ, Hiẹ dọ ẹ. 4Whenẹnu wẹ Pilati dọ hlan ogán yẹwhenọ lẹ tọn, po agùndaho lẹ lọ po, dọmọ, Yẹn ma mọ oylan de to dawe he go gba. 5Ṣigba yé sọ yín klinklọnennọ humọ, dọmọ, Ewọ to gbẹtọ lẹ wlu daga, bo sẹ̀ to mẹplọn lédo Jude lẹpo pé; é sè sọn Galili kaka wá je ofì. 6Ṣigba whenuena Pilati sè oyín Galili tọn, é kanbiọ, eyín dawe lọ yín Galilinu, 7Podọ whenuena é yọnẹn dọ aigba Hẹlọdi tọn ji tọn wẹ ewọ, é do e hlan Hẹlọdi de, mehe ewlọsu ko tin ga to Jelusalẹm to ojlẹ nẹ mẹ.
8Whenuena Hẹlọdi mọ Jesu, é jaya susu; na é ko jlo na naọ ẹn to whenu he dẹn mẹ, na é ko sè onú susu gbon ewọ tọn dali; é sọ tódọ na mọ ohia de gbọn é dali 9E sọ kannubiọ ẹ to ohó susu mẹ; ṣigba é ma gblọn onú dẹpope. 10Ogan yẹwhenọ lẹ tọn, po wekantọ lẹ po sọ nọte bo sọ to sislẹ ẹ susu 11Họlọdi po awhanvipẹ etọn lẹ po to sinsan ẹn ko, bo sọ to vivlẹ ẹ, bo sọ yí avọ̀ gigo tọn do nẹ̃, bo sọ do e hlan Pilati de. 12Hẹlọdi po Pilati po lẹzun họntọn po yénọzo po to gbèdoponẹ: na daidai yé ko tin to okẹ́n to yenọzọ; ṣẹnṣẹn.
13Pilati, whenuena é ylọ ogán yẹwhenọ lẹ tọn, po nukọntọ lẹ po, po gbẹtọ lẹ po plidopọ, 14é dọ hlan yé, dọmọ, Mìwlẹ hẹn dawe he wá dẽ, di mẹhe to gbẹtọ lẹ hẹngble; bo pọ́n, yẹn ko dindòna ẹn to mì nukọn, yẹn ma sọ mọ oylan de to dawe he go to onú he mẹ mì jẹwhé etọn lẹ te gba: 15lala, kavi Hẹlọdi; na ewọ ko do é hlan mí; bo pọ́n, onú he jẹ na okú yè ma wà gbọn é de gba. 16Enẹwutu yẹn na hò e, bo jo e do. 17(Dinvie ewọ do na dè ogàntọ dopo dai hlan yé to hunwhẹ gbè.) 18Ṣigba yé sọ dawhá gbèpli dọmọ, Zé dawe he só, bo dè Balabas dai hlan mí: 19(mẹhe, na atẹ de yè basi to otòdaho mẹ, podọ na hlọnhùhù, yè ko yí do ogànhọ mẹ.) 20Pilati sọ vó hódọ hlan yé, jijlo nado dè Jesu dai. 21Ṣigba yé sọ dabobo, dọmọ, Whè e do satin go Whè e do satin go 22E sọ dọ hlan yé whla atọ̀ntọ, dọmọ Etẹwutu wẹ, oylan té é wà? Yẹn ma mọ owhé okú tọn to e go: enẹwutu yẹn na hò e, bo jo e do. 23Ṣigba yé yín klinklọnẹnnọ po ogbè lélé lẹ po, bibiọ dọ ewọ nidọ yín whiwhè do satin go. Ogbè yétọn sọ ṣinyọnmẹji. 24Pilati sọ na whódahó dọ núhe yé biọ ni yín wiwà. 25E sọ dè dai ewọ he na atẹ yè basi po hlọnhùhù po yè ko yí do ogànhọ mẹ, mẹhe yé biọ; ṣigba Jesu wẹ é dèjó hlan ojlo yéton.
26Whenuena yé plan ẹn yì, yé wlé dawe de, Sìmọni Silenetọ de, he gò sọn gbeta ja, yé sọ zé satin do e ji, na é nido to hinhẹn ẹn to godo Jesu tọn. 27Agùndaho gbẹtọ lẹ tọn sọ hodo e, po yọnnusi lẹ po, he to avìhando, bo sọ to avigbèdo nẹ le. 28Ṣigba Jesu liìó hlan yé, dọmọ, Mì oviyọnnu Jelusalẹm tọn, mì viavi na mi blo, ṣigba mi viavi na mìde, podọ na ovi mìtọn lẹ. 29Na, pọ́n, azán lẹ ja, ehe mẹ yè na dọmọ, Donanọ wẹ wónsinọ lẹ, podọ adò he ma jivi gbède, podọ anọ he yè ma nó gbède. 30Whenẹnu wẹ yé na sè didọ hlan osó lẹ dọmọ, Mì hó jẹ mí ji, podọ hlan okọta lẹ dọ, Mì ṣinyọn mí ji. 31Na eyín yé wà onú helẹ to atin mú mẹ etẹwẹ yè na wà to húhú mẹ?
32Yé sọ wlé Omẹ awe devo sẹnmẹjẹtọ, bo plan po e po nado yín hùhù.
33Whenuena yé jẹ ọfi he yè nọ ylọ dọ Kalvali, finẹ wẹ yé whè e do satin go te, po sẹnmẹjẹtọ lẹ lọ po, ode to adusilọ mẹ, awetọ to amiyọnlọ mẹ. 34Jesu sọ dọmọ, Otọ́, jona yé; na yé ma yón onú he yé to wiwà gba. Yé sọ má avọ̀ etọn, bo sọ devò. 35Gbẹtọ lẹ sọ site to nupón. Nukọntọ lẹ ga sọ to vivlẹ ẹ, dọmọ, E whlẹn mẹdevo gán, gbọ é ni whlẹn edẹ, yín ehe wẹ Klisti Jiwheyẹwhe tọn lọ mẹdidè etọn. 36Awhanvipẹ lẹ ga sọ to vivlẹ ẹ ko, yé wá e de, bo yí ovẹ̃n he vẹsin na ẹn, 37bo dọmọ, Eyín Ahọlu Ju lẹ tọn wẹ hiẹ, whlẹn dewe. 38Yè sọ wlanwe wìnwlán de ga do taligbé etọn, to ogbè Gleki tọn, Latini tọn, po Heblu tọn po mẹ, dọmọ, EHE WẸ AHỌLU JU LẸ TỌN.
39Dopo to sẹnmẹjẹtọ lẹ lọ mẹ he yè zépla, to zùnde do e go, dọ, Hiẹ ma wẹ Klisti lọ, whlẹn dewe po mí po. 40Ṣigba awetọ gblọn bo wọhẹ ẹ, dọmọ, Be hiẹ ma dibuna Jiwheyẹwhe, mimọ hiẹ tin to whẹgbledo dopolọ mẹ? 41Mìwlẹ, nugbonugbo po dódó po, ale azón mìtọn tọn dù wẹ mí te: ṣigba dawe he ma wà ọnú jẹagò de gba. 42E sọ dọmọ Jesu, flin mi, whenuena hiẹ jẹ ahọludu towe mẹ. 43Jesu sọ dọ hían ẹn, dọmọ, Nugbo wẹ yẹn dọ hlan we, Egbé wẹ hiẹ na nò hẹ mì to paladisi.
44E sọ yì ogàn sidopotọ mẹ, zinvlu sọ do ṣinyọn aigba lẹpo ji kaka jẹ ogàn sinẹnẹtọ mẹ. 45Ówhè sọ dozinvlu, avọ̀ yè do gbòabò fiwiwe lọ tọn sọ tlẹn sọn ṣẹnṣẹn. 46Whenuena Jesu ko yí ogbè lélé de do dawhá, é dọmọ, Otọ́, alọ towe mẹ wẹ yẹn jó gbigbọ ṣie do: le é dọ ehe, é jó gbigbọ etọn do. 47Whenuena mẹkanwekowhangán mọ onú he jọ, é to gigopana Jiwheyẹwhe, dọmọ, Nugbo, dódónọ wẹ dawe he. 48Agùndaho lẹ lọ he wá plidopọ to núpinpón lọ kòn, whenuena yé to onú he to jijọ pọ́n, linu akọnnu yetọn, bo légodọ. 49Hóntọn etọn lẹ, po yọnnu he hodo e sọn Galili lẹ po site to aganu, bo to onú helẹ pọn.
50Bo pọ́n, dawe de tin, he yè nọ ylọ Jọsẹfu, mẹhe yín tòhodọtọ de; gbẹtọ dagbe de, dódónọ de. 51(Ewọ ma yígbè hlan hónamẹ po wiwà yetọn po gba;) Alimaténu wẹ ewọ, otò Ju lẹ tọn: mẹhe ewlọsu ga ko to tenọpọn ahọludu Jiwheyẹwhe tọn. 52Dawe he yì Pilati de, bo kàn osiọ Jesu tọn biọ. 53E sọ zé e jẹte, bo bla ẹ do alavọ̀ mẹ, bo sọ té ẹ do oyòwhé de mẹ he yè kùn to osé mẹ, fie yè ma té mẹdepope do gbède. 54Azán lọ sọ yín awuwlezángbè, gbọjẹzán to dindòn sẹpó. 55Yọnnu lẹ ga he zòn hẹ ẹ sọn Galili wá, bo to hihodo e godo lẹ, yé mọ oyòwhé lọ po le, yè té osiọ etọn do po. 56Yé lẹ́gọ̀, bo wleawu nuwhẹnwán po núsisa po tọn; Bo sọ gbọjẹ to gbọjẹzángbè gbọn ogbè osén tọn ji.
Currently Selected:
LUKU 23: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.