LUKU 22
22
1DINVIE hunwhẹ akla madotòn tọn dòn sẹpọ, he yè nọ ylọ juwayì. 2Ogán yewhenọ tọn lẹ, po wekantọ lẹ po sọ din le yé na hù i do; na yé to budina gbẹtọ lẹ wutu.
3Satani sọ biọ ohò Juda he yè nọ ylọ Iskaliọti tọn mẹ, he yín dopo to yé omẹ wiawe lẹ mẹ. 4E sọ tọ́n yí, bo dọhó hẹ ogán yẹwhenọ ton lẹ, po awhangán lẹ po, na le ewọ na dè e hia yé do. 5Yé sọ jaya, bo magbè nado na akuẹ ẹ. 6E yigbè bo sọ to tẹnmẹ din nado jo e hlan yé matin zingidi.
7Azán akla madotòn tọn pé, whenuena yè na sánvọ juwayì tọn. 8E sọ do Pita po Johanu po hlan, dọmọ, Mì yì, bo wleawu juwayì tọn na mí, na mí nido dù. 9Yé sọ dọ hlan en, dọ, Fie wẹ hiẹ jlo dọ mi ni wleawu dai do? 10E dọ hlan ye, domọ Pọ́n, whenuena mìwlẹ biọ oto me, dawe he hen ozẹ́n osìn tọn de na pe mì; mi hodo ẹ yi owhé he gbe e bio, 11Mi na do hlan whénọ dagbe owhé lọ tọn, dọmọ, Mẹplọntọ dọ hlan we, dọmọ, Fie wẹ abo nudùdù ton lọ fie yẹn na dù juwayì po nuplọntọ ṣie lẹ po te? 12Ewọ nasọ yí abò daho de to aga hia mì ehe yè jlado: fine wẹ mi ni wleawu dai do, 13Yé sọ yì, bo mo kededile é dọ hlan yé do; yé sọ wleawu juwayì tọn.
14Whenuena ojle lọ wa, é jagla, po apọsteli wiawe lẹ po po e po. 15E sọ dọ hlan yé, dọmọ, Hómẹhùnhùn yẹn jlo nado dù juwayì he he mì, whẹpo yen na do jiya: 16na yẹn do hlan mì, Yen ma to na dù to e me ba, kaka yè na do dota nẹ to ahọludu Jiwheyẹwhe tọn mẹ. 17E yí kọfo de whenuena e ko dopé e dọmọ, Mi yí ehe, bo má ẹ to mide ṣẹnṣẹn: 18na yẹn dọ hlan mì, Yẹn ma to na nù to sinsẹ́n ovẹ̃n tọn me ba, kaka ahọludu Jiwheyẹwhe ton na do wá. 19E sọ yí akla, whenuena e ko dope, e wén ẹn, bo sọ yí na yé, domọ. Ehe wẹ agbasa ṣie he ye na mì mi nọ basi ehe to oflin ṣie me. 20Podọ kọfo ga to owàlọ monkọ mẹ, tò tenu nudùdù godo, é dọmọ, Kọfo he wẹ àlẹnu yọ́yọ́ to ohùn ṣie me, yedọ enẹ he yè kọn na mi. 21Ṣigba mi do ayi e go, alọ mẹhe dè mi hia tọn tin to dẽ to tafo ji. 22Ovi gbẹtọ tọn jei nugbo, dile yè ko magbena do: ṣigba dindọn hlan dawe lọ mẹhe de yè dè e hia gbọn 23Ye sọ sè kinkanbiọ to yéde ṣẹnṣẹn, mẹhe é yin to yé mẹ, he na wa onu he.
24Wiwọ de sọ tite ga tó yé mẹ, mẹhe yè na lẹn do kiklohu to yé mẹ. 25E sọ dọ hlan ye, dọmọ, Ahọlu Kosi lẹ tọn nọ tindo gándudu do yé ji; yé sọ ylọ mẹhe do asè to yé ji lẹ dọ dagbewàtọ lẹ, 26Ṣigba mìwlẹ ma to na yín mọ gba: ṣigba mẹhe klohú to mì mẹ, mì gbọ e ni lẹzun di yopọ; mehe so yín ogan, ewọ di ewọ he to lizọnyí. 27Be mẹnu wẹ klohú, méhe jagla to núdùdù kòn, kavi mẹhe to lizọnyí? Be é ma yín mehe jagla to núdùdù kọ̀n wẹ? Ṣigba yen to mí mẹ di mẹhe to lizọnyí. 28Miw ẹ wè mẹhe ko nọte he mi to whlepón sìé le mẹ. 29Yen sọ dèahọludu de hlan mì, dile Otọ́ ṣie dè hlan mi do; 30na mìwlẹ nidọ dù, bo sọ nù to tafo ṣie ji, to ahọludu ṣie mẹ, na mi nido sinai to ofìn lẹ ji, bo to whòdana whẹndo wiawe Islaeli tọn lẹ. 31Simọni, Simọni, pọn, Satani gbọn bibiọ dali tindo we, na é nido jàn we di likun: 32ṣigba yen basi ovẹvivẹ na we, dọ yise towe fé blo: hiẹ ni sọ basi whenuena hiẹ ko lé hadópo, hen mẹmẹsunnu towe lẹ lódo 33E sọ dọ hlan ẹn, dọmọ, Oklunọ, yẹn wleawu pó nado yì hẹ we jẹ oganhọ mẹ, podo jẹ oku. 34E sọ dọmọ, Yẹn dọ hlan we, Pita, koklo ma to na dose to egbé, whẹpo hiẹ na mọ́n whla atọ̀n do hie ma yọ́n mi.
35E sọ dọ hlan yé, dọmọ, Whenuena yẹn do mì hlan matin sẹge, azọpo, po afọpa po, mì jehẹn núde tọn? Yé sọ dọmọ, Lala. 36Ewọ sọ dọ hlan yé dọmọ, Ṣigba dinvie, mẹhe tindo sẹgẹ de, gbọ é ni yí i, podọ sakoto de mọkẹdẹ: podo ewọ he ma tindo ode, gbọ é ni sà avọ̀ etọn bo ho ohi de. 37Na yẹn dọ hlan mi, do, ehe yè wlan ma sọgan nọ ma di to mì go gba, Yè sọ hlẹ ẹ dogó ylanwàtọ lẹ: na onú nẹlẹ na yẹn tọn wutu tindo pòdo. 38Yé sọ dọmọ, Oklunọ, pon, ohi awe tin to ofi. E sọ dọ hlan ye, dọmọ, E sù.
39E sọ jegbonu yì, bo to yìyì di walọ etọn yì osó olivie tọn ji; nuplọntọ etọn lẹ hodo e ga. 40Whenuena é tin to finẹ, é dọ hlanyé, dọmọ, Mì to dẹho, na mì ma na do biọ whlepón me. 41E sọklán sọn ye de, sọ owhán dindlan dopo, bo sọ jẹklo, bo hodè, 42dọmọ, Otọ́, eyín hiẹ yin ojlonọ, dè kọfo he sọn dè: ṣigba ojlo ṣie ma wẹ gba, adavo towe, yín wiwà. 43Angeli de sọ sọawúhia hlan ẹn sọn olọn bo to huhlọnna ẹn. 44Tintin to oyankọ me, é hodè vivẹvivẹ: oden etọn sọ taidi kùnkùn daho ohùn tọn, é to kùnkùn do aigba. 45Whenuena é fọ́n sọn odẹ̀ etọn me, é wá nuplọntọ lẹ de, bo mọ yé to amlọndọ na awúbla. 46E sọ dọ hlan yé, dọmọ, Etẹwutu wẹ mìwlẹ to amlọn dọ? Mì fọ́n, bo dẹho, na mì ma na do biọ whlepọ́n mẹ.
47Le é to hódọ, pọ́n, agùndaho de po ewọ he yè nọ ylọ Juda po, dopo to omẹ wiawe lẹ mẹ, jẹnukon na yé jei, é so dòn sẹpọ Jesu de nado donùnùgo nẹ. 48Ṣigba Jesu dọ hlan ẹn, dọmọ, Juda, hiẹ yí nùdonùgo de do dè Ovi gbẹtọ tọn hia? 49Whenuena yé he lédo e pó mọ onù he na hodo, yé dọ hlan ẹn, dọmọ, Oklunọ, mì ni li ohi yé? 50Dopo to yé mẹ sọ lihi afànumẹ yẹwhenọ daho tọn, bo sán otọ́ etọn adusi tọn dlangbe. 51Ṣigba Jesu gblọn bo dọmọ, Mì nọte mọ whé E sọ do alọ otọ́ etọn go, bo sọ hẹn alán gbọ nẹ̃. 52Jesu sọ̀ dọ hlan ogán yẹwhenọ lẹ tọn po awhàngán tẹmpli tọn lẹ po, po ínẹho he wá e ji lẹ po, dọmọ, Mìwlẹ tón wá di do ajotọ ji, po ohi po, po aglọpo po? 53Whenuena yẹn tin egbésọ po mì po to tẹmpli mẹ, mìwlẹ ma dlẹn alọ nado wlé mi gba: ṣigba ojlẹ mìtọn wẹ ehe, podọ huhlọn zinvlu tọn.
54Yé sọ fán ẹn, bo plan ẹn yì, bo sọ hẹn ẹn wá biọ owhé yewhenọ daho tọn gbè. Pita sọ hodo to aganu. 55Whenuena yéflọ miyọn de to gblagbla gbàngan lọ tọn mẹ, bo sọ sinai dopọ, Pita sinai to yé ṣẹnṣẹn. 56Oviyọnnu de mimọ ẹn, le é sinai to miyọn kòn, bo sọ pọ́n ẹn tlintlin, é dọmọ, Dawe he tin po e po ga. 57E sọ món, dọmọ, Nawe, yẹn ma yón ẹn gba. 58To ojlẹ pẹvi de godo, mẹdevo sọ mọ ẹn, bo dọmọ, Hiẹ ga tin to yé mẹ. Pita sọ dọmọ, Dawe, yẹn ma wẹ gba. 59Podọ to ogàn dopo nkọ tọn godo, mẹdevo sọ yí tugbigbo do dọmọ, Nugbo, dawe he ga tin po e po: na Galilitọ wẹ ewọ. 60Pita sọ dọmọ, Dawe, yẹn ma yon onú he hiẹ to didọ gba To afọdoponẹji, le é to hódọ, koklo dose. 61Oklunọ sọ légodo bo pọ́n Pita. Pita sọ flin ohó Oklunọ tọn, le é dọ hlan ẹn do, dọ, Whẹpo koklo na dose, hiẹ na món mi whla atọ̀n. 62Pita sọ tónjẹgbonu yì, bo viavi vivẹ.
63Omẹ he wlé e lẹ sọ o vivlẹ ẹ ko, bo to nuli i. 64Yé sọ bla nukunmẹ nẹ̃, bo hò nukunmẹ nẹ, bo sọ kanse e dọmọ, Dọdọdai, mẹnu wẹ ewọ he to onú li we? 65Onú susu devo wẹ yé sọ yí ohó gbigble do dọ do e go. 66Le okle wá, mẹho gbẹtọ lẹ tọn, po ogán yẹwhenọ tọn lẹ po, po wekantọ lẹ po sọ plidopọ, bo plan ẹn yì biọ plito yetọn mẹ, dọmọ, 67Eyín hiẹ wẹ Klisti lọ, dọ na mí. Ṣigba é dọ hlan yé, dọmọ, Eyín yẹn dọ na mì, mìwlẹ ma na yise: 68eyín yẹn sọ kanbiọ mì ga, mìwlẹ ma na gblọn. 69Ṣigba sọn dinvie yì wẹ Ovi gbẹtọ tọn na sinai to adusilọ huhlọn Jiwheyẹwhe tọn tọn mẹ. 70Yé omẹ pó sọ dọmọ, Be Ovi Jiwheyẹwhe tọn wẹ hiẹ? E bọ dọ hlan yé, dọmọ, Mìwlẹ dọ dọmọ, yẹn wẹ. 71Yé sọ dọmọ, Kunnuditọ tẹwẹ mìwlẹ sọ to dindìn? na mìlọsu ko se sọn onù ewlọsu tọn mẹ.
Currently Selected:
LUKU 22: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
