JONA 4
4
1ṢIGBA é gblehomẹna Jona bada bada, ewọ bo sọ yín adinọ. 2Ewọ bo sọ họdẹ̀ hlan OKLUNỌ, bo dọmọ, OKLUNỌ E, Yẹn vẹ̀ we, ehe ma wẹ didọ ṣie, whenuena yẹn gbẹ́ sọ tin to otò ṣie mẹ? Enẹwutu wẹ yẹn tin to sisi mẹ jẹ Talṣiṣi: na yẹn yọnẹn dọ Jiwheyẹwhe dagbenọ de wẹ hiẹ, bo sọ gọ́ naawuvẹmẹ, whleawu nado sadi, podọ susunọ to lẹblanu mẹ, bo sọ diọlinlẹnna we sọn oylan lọ mẹ. 3Enẹwutu dinvie, OKLUNỌ È, yẹn vẹ̀ we, yí ogbẹ̀ ṣie sọn dẽ; na é tin pọte na mi nado kú hú nado nọgbè. 4OKLUNỌ bo sọ dọmọ, Hiẹ yín mẹadinọ dahodaho wẹ? 5Whenẹnu wẹ Jona tón yì sọn tòdaho lọ mẹ, bo sọ sinai to adà whèzẹtẹn tòdaho lọ tọn ji, bo sọ basi avàja de to finẹ bo sín e glọ to oyẹ̀ lọ mẹ, kaka ewọ na do mọ núhe na gbọn godo tòdaho lọ tọn. 6OKLUNỌ Jiwheyẹwhe bo sọ wleawuna atinkan de, bo sọ hẹn ẹn nado hẹaga wá Jona ji, na é nido yín oyẹhẹ́ de to ota etọn, nado whlẹn ẹn sọn otẹn yinylan etọn mẹ. Mọwẹ Jona yín homẹhùnnọ badabada na atinkan lọ tọn wutu. 7Ṣigba Jiwheyẹwhe sọ wleawuna owán de whenuena afọnnu wáji to azán awetọ gbè, é bo sọ hò atinkan lọ, bọ é yọ́. 8E sọ wá jọ, whenuena owhè wága, wẹ Jiwheyẹwhe sọ wleawuna jẹhọn hihla whèzẹtẹn ji tọn de; owhè bo sọ jẹ ota Jona tọn ji, bọ ewọ kusiọ, bo biọ na ede na ewọ nido kú, bo dọmọ, E tin pọ́nte na mi nado kú hú nado nọgbẹ́. 9Jiwheyẹwhe bo sọ dọ hlan Jona dọ, Bé hiẹ wà dagbe nado yín mẹadinọ na atinkan lọ? Ewọ sọ dọmọ, Yẹn wà dagbe nado yín mẹadinọ yèdọ do jẹ okú. 10OKLUNỌ sọ dọmọ, Hiẹ ko tindo awubla to atinkan lọ ji, he hiẹ ma ko jẹtukla na lọ, mọ ma hẹn ẹn wú; he hẹji wá to ozán de mẹ, bo sọ súdo to ozán de mẹ: 11Bé yẹn ma do sọ tindo awubla to Nineve ji, todaho gbó nẹ; ehe mẹ gbẹtọ hú fọtọ́n kantọ̀n te he ma sọgan yóndesọndemẹ to alọ yetọn adusi po alọ yetọn amiọn po ṣẹnṣẹn; po kanlinyìnyín susu po ga?
Currently Selected:
JONA 4: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
