MIKA 1

1OHÓ OKLUNỌ tọn he wá jẹ Mika Molaṣitmu lọ de to azán Jotami, Ahazi, po Hẹzekia, ahọlu Juda tọn lẹ tọn lẹ mẹ, he é mọ gbọn Samalia po Jelusalẹm po tọn dali. 2Sè, mì, gbẹtọ lẹ, popo mì tọn; Aigba E, tuntóai, po ogigọ́ e mẹ tọn po: bo sọ gbọ OKLUNỌ Jiwheyẹwhe ni yín kunnudetọ to mì ṣẹnṣẹn, OKLUNỌ sọn tẹmpli wiwe etọn mẹ. 3Na, dayi e go, OKLUNỌ jẹgbonu sọn otẹn etọn mẹ ja, bo na jẹte wá, bo na tùnafọ otẹn yìaga aigba tọn lẹ ji. 4Podọ osó lẹ na yin kinkọ̀n to ewọ glọ, podọ agbàdo lẹ na sọ yín zizẹ̀, di oda to miyọn nukọn, di osìn lẹ he yè kọ̀n sọn otẹn sọkọdò de mẹ jẹte. 5Na sẹ́nmẹjẹ Jakob tọn ehe lẹpo tin na, podọ na ylando owhé Islaeli tọn lọ tọn. Etẹ́ wẹ sẹ́nmẹjẹ Jakob tọn? bé é ma yín Samalia wẹ? podọ etẹ́ otẹn yìaga Juda tọn lẹ yín? bé Jelusalẹm ma wẹ yé? 6Enẹwutu yẹn na basi Samalia di okiti dangbo tọn de, podọ di dido vẹ̃ngle de tọn lẹ: podọ yẹn na kọn zannu etọn jẹte biọ agbàdo lọ mẹ, podọ yẹn na sọ hùn odòdonu etọn lẹ dai. 7Boṣiọ pipa etọn lẹpo bo na sọ yín tùntùn hanyanhanyan, podọ ale etọn lẹpo wẹ yè na yí miyọn do mẹ́, podọ vodun etọn lẹpo wẹ yẹn na hẹn mlọnai ojẹvọ́: na ale gàlọtọ de tọn mẹ wẹ ewọ ko ṣinyan yé sọn, podọ ale gàlọtọ de tọn kọ̀n wẹ yé na lẹ́gọ̀ jẹ. 8Yẹn na doavihàn bo dohukúhíu na ehe, Yẹn na túnavọ̀ bo jẹmé yì: yẹn na basi avihàn de taidi ogbévún lẹ, podọ awubibla de taidi gongo lẹ. 9Na alán etọn lẹ yín magbọmagbọ: na yè hẹn ẹn wá yèdọ jẹ Juda; é yi jẹ họ̀ngbo omẹ ṣie lẹ tọn ji, yèdọ jẹ Jelusalẹm. 10A dọ ẹ to Gati mẹ blo, a sọ viavi lala blo: bli dewe to okọgudu mẹ to Bẹti-le-Afia. 11Mì ju yì, to omẹ́ po owinyan po mẹ, mì tòmẹnuyọnnu Ṣafìli tọn emi: yè ma hẹn tòmẹnuyọnnu Zaanani tọn lẹ jẹgbonu wá gba; avihàn Bẹti-ezeli tọn na yí ofi ṣite do etọn sọn mì si. 12Na Tòmẹnuyọnnu Maloti tọn tin yí awuvivi do nọte na dagbe: na yè hẹn oylan jete sọn OKLUNỌ de jẹ họngbo Jelusalẹm tọn ji wutu. 13Bla okẹkẹ́ do awhànfunsọ́ awuyatọ lọ go, hiẹ tomenuyọnnu Lakiṣi tọn E: ewọ wẹ oṣisẹ ylando tọn hlan viyọnnu Ziọni tọn; na yè mọ osẹnmẹjẹ Islaeli tọn lẹ to ewọ mẹ. 14Enẹwutu wẹ hiẹ na na nunina kinklan tọn de hlan Molẹṣẹti-gati; owhé Akzibi tọn lẹ na sọ yín Akzabi hlan ahọlu Islaeli tọn lẹ. 15Yẹn na hẹn enẹ he na yí we na nutindo wá jẹ de we, hiẹ tòmẹnuyọnnu Malẹṣa tọn È: gigo Islaeli tọn na wá yèdọ jẹ Adulami. 16Hẹn dewe mọ́ta, bo sọ padana dewe na ovi homẹhùn towe tọn lẹ: hẹn pipata towe klo di aklasú; na yè hẹn yé biọ mẹmẹglọ mẹ yì sọn de we.

Currently Selected:

MIKA 1: BWL23

Highlight

Copy