JONA 3
3
1OHÓ OKLUNỌ tọn sọ wá jẹ Jona de whlawetọ, dọmọ. 2Tite, yì jẹ Nineve, tòdaho gbó nẹ, bo dawhá dọ yẹwhehó he yẹn degbèna we jẹ e kòn. 3Mọwẹ Jona tite, bo yì jẹ Nineve, kẹdẹdi ohó OKLUNỌ tọn. Dinvie tòdaho gbó gedegede de hlan Jiwheyẹwhe wẹ Nineve, gbéjizọnlin azán atọ̀n tọn. 4Jona bo sọ sè nado biọ tòdaho lọ mẹ gbéjizònlin azán dopo tọn, ewọ bo sọ dawhá, bo to didọmọ, Azán kande mọ gbè, Nineve na yín akititana. 5Omẹ Nineve tọn lẹ bo sọ yí Jiwheyẹwhe sè; yé bo sọ dèmisẽluna nùbibla de, bo sọ yí odẹ́vọ̀ do ogo, sọn mẹhó yé tọn lẹ ji yèdọ jẹ mẹpẹvi yé tọn lẹ ji. 6Na ohó wá jẹ ahọlu Nineve tọn de, ewọ sọ tite sọn ofìn etọn ji, bo dè otewu etọn sọn e de, bo yí odẹ́vọ̀ ṣinyọn ede, bo sọ sín afín mẹ. 7Podọ ewọ sọ dèmisẽlu bo dọ gbọn asẹ ahọlu po mẹgbõgbo etọn lẹ po tọn dali gbọn Nineve mẹ lédo, dọmọ, Mì dike gbẹtọ kavi kanlin, kanlinpó, kavi lẹngbọpa, dù onú depope pọn blo: mì dike yé dùnú blo, mọ sọ nù osìn blo: 8Ṣigba mì gbọ yè ni yí odẹ́vọ̀ ṣinyọn yé, gbẹtọ po kanlin po, bo sọ gbọ ye ni dawhá hlan Jiwheyẹwhe po hlọnhlọn po: mọwẹ, gbọ ye ni lẹ́ omẹ dopodopo sọn aliho ylanylan etọn mẹ, podọ sọn huhlọnnú lọ mẹ he tin to alọ yetọn le mẹ. 9Mẹnu wẹ yọnen eyín Jiwheyẹwhe ma na lẹ́ bo diọlinlẹn, bo sọ lẹ́ yì sọn adi zogbe etọn mẹ, na mí súdo blo? 10Jiwheyẹwhe bo mọ azọ́n yetọn lẹ, dọ yé lẹ́ sọn aliho ylanylan yetọn mẹ; Jiwheyẹwhe bo sọ diọlinlẹn oylan lọ tọn, he é dọ é do wà hlan yé; podọ ewọ ma sọ wà ẹ gba.
Currently Selected:
JONA 3: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
