JOB 41
41
1BÉ hiẹ sọgan yí omlẹn de do dòn leviatani (ológbó) jẹgbonu?
Kavi yí okàn de do zín odé etọn do odò?
2Hiẹ sọgan yí okàn otòjá tọn de do awọntin etọn mẹ?
Kavi yí húngàngbo de do sọnú alaka etọn lùntón?
3Bé ewọ na basi ovóvó susu hlan we?
Kavi ewọ na dọhó dẹdẹ lẹ hlan we?
4Bé ewọ na basi alẹ̀nù de hẹ we,
Na hiẹ ni do yi i na devi de kakadoi?
5Bé hiẹ na nọ daihún hẹ ẹ di hẹ ohẹ́ de wẹ?
Kavi hiẹ na bla ẹ na de viyọnnu towe lẹ wẹ?
6Bé ogbé whèhùtọ lẹ tọn lẹ na yí i do wàjó wẹ?
Bé yé na má ẹn to ajọ́tọ́ lẹ ṣẹnṣẹn wẹ?
7Bé hie sọgan yí ogàn ahlanọ lẹ do gọ́ ayú etọn me,
Kavi yi owhán whèvi tọn lẹ do gọ́ ota etọn mẹ?
8Ze alọ towe do e ji;
Flin avùn lọ, bo ma sọ wà mọ ba blo.
9Dayi e go, otódo etọn ovọ́ mẹ wẹ é te:
Bé omẹde ma na yín zézindai yèdo to nukun e tọn mẹ la?
10Mẹde ma tin ylankàn sọmọ bọ é hà fọnadan ẹn:
Whenẹnu mẹnu wẹ ewọ he sọgan ṣite to nukọn ṣie?
11Mẹnu whẹwhẹ wẹ ko na hlan mi
na yẹn ni do nahọsu ewọ?
Onú he tin to olọn pete glọ lẹ depope, ṣie wẹ.
12Yẹn ma na nabọẹ gbọn adaja etọn lẹ tọn dali,
Kavi huhlọn hlọnhlọnnọ etọn, kavi mimá whanpẹno etọn tọn.
13Mẹnu wẹ sọgan hùn nukunmẹ awugbo etọn tọn?
Mẹnu wẹ na wá nùmẹgàn awèpọ etọn hàhàmẹ?
14Mẹnu wẹ sọgan hùn ohọ́n nukunmẹ etọn tọn lẹ?
Budaho lẹ́do pé wẹ adú etọn lẹ.
15Whẹyínwhèyín ofló etọn lẹ tọn wẹ osakla etọn,
He yè dọ̀nbọ dopọ di po nutlẹnu ohiànọ de po.
16Ode tin sẹpọ́ awetọ sọmọ,
Bọ ojẹhọn de ma sọgan wá yé ṣẹnṣẹn gba.
17Yè sín ode do ode go;
Yé tẹ́ dopọ, bọ yé ma do sọgan yín kinklan gba.
18Oyinsìnsìn etọn lẹ gbà sisé jẹgbonu,
Nukun etọn lẹ sọ tin taidi wundama afọnnu tọn lẹ.
19Onù etọn mẹ ozòwhám jiji tón sọn yì,
Sisẹ miyọn tọn lẹ sọ lón jẹgbonu.
20Awọntinslo etọn lẹ mẹ azọ̀ de tón sọn yì,
Di sọn núdazẹ́n de mẹ po otọ̀já mimẹ̀?
21Gbọfufú etọn hẹn akán lẹ jimiyọn,
Ozòlọde jẹgbonu yì sọn onù etọn mẹ.
22Okọ̀ etọn mẹ wẹ huhlọn nọ nò,
Budaho sọ to wèdu to e nukọn.
23Olán agbasalan etọn tọn wẹ yè sìn dopọ:
Yé tin tenọgli to e ji: yé ma sọgan yín sisẹ̀tẹnna gba.
24Ayiha etọn yín núnọtegli di zannu de;
Mọwẹ, núnọtegli di gilìsénọ.
25Whenuena é zé ede daga, hlọnhlọnnọ lẹ yín avosàtọ:
Gbọn avosisàdaho lọ tọn dali yè hẹn yé jẹflu.
26Eyín omẹ de yí ohi do mlọn e ji, é ma sọgan làn ẹn gba:
Kavi owhán, owhántlọntlọn kavi agawu ogàn tọn.
27Ewọ hia ogànyù di owóko,
Podọ ogànvẹ̃ di atin yinyọ̀n,
28Visunnu ogá lọ tọn ma sọgan hẹn ewọ họ̀nyì gba:
Yè diọ zannu akotopè tọn lẹ do ofánsánpò mẹ.
29Yè hia lẹtẹ̀pò lẹ di ofánsánpò:
Ewọ nọ kò zingidi dludlu lọ ton.
30Òglọ etọn lẹ tin di agánlingẹn didá lọ:
Ewọ dlẹn taidi adanwànu lìlì de do ababá ji
31Ewọ hẹn odògbo lẹ nado to fìfiẹ taidi ozẹ́n de:
Ewọ basi ohù taidi azọ̀nhùnú.
32E basi omọ́ de nado to sisẹ́ to godo nẹ̃;
Mẹde na do lẹn odògbo nado yín owhànọ.
33To aigba ji hunkọ etọn de ma Tin he yè basi matin obú
34Ewọ to onú he tin jiaga lẹpo pọ́n:
Ewọ wẹ ahọlu to visunnu osakla tọn lẹpo ji.
Currently Selected:
JOB 41: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.