JOB 42
42
1WHENẸNU wẹ Job gblọnna OKLUNỌ, bo dọmọ,
2Yẹn yọnẹn dọ hiẹ sọgan wà onú lẹpo,
Podọ yè ma sọgan dọ̀n ayihalẹn de do godo sọn towe me gba.
3Mẹnu wẹ ehe he whla ohónamẹ matin oyọnẹn?
Enẹwutu wẹ yẹn ko dogbè nẹ̀ he yẹn ma tùnwun,
Onú jawu na mi gbahu, he yẹn ma yọnẹn.
4Sè, yẹn vẹ̀ we, yẹn na sọ dọhó;
Yẹn na biọ sọn de we, hiẹ ni bo sọ dọtón hlan mi.
5Yẹn ko sè linlin towe gbọn sisè otó tọn dali;
Ṣigba dinvie nukun ṣie ko mọ we.
6Enẹwutu yẹn sì dẽ, bo sọ lẹnvọjọ to
Kọ́udu po afín po mẹ.
7E sọyín mọ, dọ godo OKLUNỌ ko dohó helẹ hlan Job, wẹ OKLUNỌ dọ hlan Eliiazí Temanu lọ dọ yè hẹn homẹgble ṣie jimiyọn do oji we, podọ do họntọn towe awe lẹ ji: na mìwlẹ ma ko dọhó onú he yín jijlọ ṣie tọn de gba, dile Job devi ṣie tindo do. 8Enẹwutu dinvie, mì yí hlan mìde oyìnsú ṣinawe po agbò ṣinawe po, bo yì devi ṣie Job de bo na nunina avọ́ tọn na mìde avọ́ nunina mimẹ̀ de; devi ṣie Job na hodẹ̀ na mì; na ewọ wẹ yẹn na kẹalọyí, bọ yẹn ma na do zán hẹ mì di onúlu mítọn gba; na mìwlẹ ma ko dọhó onú he yín jijlọ ṣie tọn gba, dile devi ṣie Job tindo do. 9Mowẹ Elifazi Temanu lọ po Bildadi Ṣuhinu lọ po po Zofali Naamatinu lọ po yì, bo wà kẹdẹdile OKLUNỌ degbèna yé do: OKLUNỌ sọ kẹalọyí Job. 10OKLUNỌ sọ diọ mẹglọnọ Job tọn, whenuena é hodẹ̀ na họntọn etọn lẹ lọ: OKLUNỌ sọ na Job whlawe su sọ ehe é ko tindo dai. 11Whenẹnu wẹ mẹmẹsunnu etọn lẹpo wá e de to finẹ, po nọviyọnnu etọn lẹpo po, podọ yé he ko tin to dọhẹtọ etọn lẹpo mẹ dai, bo dù akla po e po to owhé etọn gbè: yé sọ fankue hẹ̀, bo miọnhomẹ nẹ̃ gbọn oylan he OKLUNỌ ko hẹn wá e ji lẹpo tọn dali: omẹ dopodopo ga na sinsán akuẹ tọn de e, podọ omẹ dopodopo alọkẹ sika tọn de. 12Mowẹ OKLUNỌ dona ogbẹ̀ godo Job tọn sù hú whẹwhẹwhenu etọn: ewọ sọ tindo lẹngbọ fọtọ́n wiẹnẹ, po kanklosọpóawenọ fọtọ́n ṣidopo po, po oglepònu oyín tọn fọtọ́n dopo po, po kẹtẹkẹtẹ asi fọtọ́n dopo po. 13E sọ tindo visunnu ṣinawe po viyọnnu atọ̀n po ga. 14E sọ ylọ oyín tintan tọn dọ Jemima; oyín awetọ tọn Kezia; oyín atọ̀ntọ tọn Kẹlẹni-hapuki. 15Podọ to aigba lẹpo ji yè ma mọ yọnnu whanpẹnọ mọnkọ di viyọnnu Job tọn lẹ de gba: otọ́ yetọn sọ na ogú yé to mẹmẹsunnu yetọn lẹ ṣẹnṣẹn 16Podọ to ehe godo Job nọgbè owhè kantọ̀nko; bo sọ mọ visunnu ètọn lẹ po visunnu visunnu etọn lẹ tọn lẹ po, yèdọ whẹndo ẹnẹ. 17Mowẹ Job kú, yínyín mẹwhinwhẹ́n bo sọ gọ́ na azán lẹ.
Currently Selected:
JOB 42: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.