JOB 31
31
1YẸN basi alẹ̀nù de hẹ nukun ṣie lẹ;
Nawẹ yẹn na pọ́n yọpọyọnnu do lò?
2Na mimá té yẹn do tindo sọn
Jiwheyẹwhe de sọn aga,
Podọ ogú tẹwẹ sọn Ganhunupo de sọn oji aga?
3Bé é ma yín oya wẹ hlan mawàdódónọ,
Podọ yàdonamẹ hlan azọ́nwàtọ oylanwà tọn lẹ.
4Bé ewọ ma mọ aliho ṣie lẹ,
Bo sọ hiasọhana afọdide ṣie lẹpo wẹ?
5Eyín yẹn ko yí ovó do to zọnlinzìn,
Bọ afọ ṣie yawu hlan oklọ;
6(Gbọ yè ni jlẹ mi to ojlẹgàn pipé de mẹ,
Na Jiwheyẹwhe nido yón wàlọpipé ṣie;)
7Eyín afọdide ṣie lẹ́ sọn aliho lọ ji,
Bọ ayiha ṣie to zọnlinzìn hodo nukun ṣie lẹ,
Podọ eyín winyannú depope ko tẹ́do alọ ṣie lẹ go:
8Whenẹnu bo gbọ yẹn ni dó, bo gbọ mẹdèvo ni dù;
Mowẹ, gbọ yè ni hónadòna jideji ogle ṣie mẹ tọn.
9Eyín yè ko hẹn ayiha ṣie dọ̀ndo yọnnu de go,
Bọ yẹn ko tówu do ohọ̀n kọmẹnu ṣie tọn ji:
10Whenẹnu gbọ asi ṣie ni lisé hlan mẹdẽvo,
Bo sọ gbọ mẹdẽvo ni dó do e ji.
11Na enẹ wẹ yàsahẹmẹ núdakan tọn;
Mọwẹ, oylanwà de wẹ nado yín yàdona gbọn whẹ̀datọ lẹ dali:
12Na miyọn he nọ dùsúdo hlan Dindọn mẹ de wẹ,
Bo na họ́nadòna jideji ṣie lẹpo.
13Eyín yẹn vlẹ owhẹ̀hó devisunnu ṣie tọn, kavi deviyọnnu ṣie tọn,
Whenuena yé to avùnhò hẹ mi:
14Whenẹnu etẹ́ yẹn na wà whenuena Jiwheyẹwhe tite?
Podọ whenuena ewọ dlapòn, etẹ́ yẹn na gblọn nẹ̃?
15Bé é ma yín ewọ he basi mi to adọ̀ mẹ wẹ basi ewọ?
Podọ mẹde ma wẹ wàna mítọn to adò lọ mẹ?
16Eyín yẹn ko dọ̀n onú he wamọnọ lọ jlo do godo,
Kavi ko hẹn nukun asúṣlọsi lọ tọn lọ gbọ̀vọ;
17Kavi ko dù onùdo ṣie yẹn ṣokẹdẹ.
Bọ tọ́ṣiọvi ma ko dù to e mẹ gba;
18(Lala sọn ovú ṣie wẹ ewọ tó whinwhẹn hẹ mi di hẹ otọ̀ de,
Yẹn ko sọ yín mẹdotọ etọn sọn adọ̀ onọ ṣie tọn mẹ;)
19Eyín yẹn ko mọ depope to súsúdo na ma tin avọ̀ṣinṣinyọn,
Kavi dọ agbátọnọ lọ ma tindo oṣinyọn de;
20Eyín adaja etọn lẹ ma ko dona mi,
Podọ eyín yè ma yí ofún lẹngbọ ṣie lẹ tọn do hẹn ẹn gblọ;
21Eyín yẹn ko zé alọ ṣie daga do otòsiọvi go,
Na yẹn mọ alọgọ ṣie to họ́ngboji wutu:
22Whenẹnu gbọ abọ́ ṣie ni flẹ sọn abọ̀ pétẹn,
Podọ awà ṣie ni yín winwẹ́n sọn ohú lẹgo.
23Na obudaho de wẹ oya sọn Jiwheyẹwhe de hlan mi,
Podọ gbọn yẹyidaho etọn tọn dali yẹn ma sọgan wà núde gba.
24Eyín yẹn ko yí sika do basi tódido ṣie,
Bo ko sọ dọ hlan sika dagbedagbe dọ, Hiẹ wẹ tudonu ṣie;
25Eyín yẹn to ayajẹ na adọkun ṣie yín daho wutu,
Podọ na alọ ṣie ko tindo gégé wutu;
26Eyín yẹn pọn owhè whenuena é vẹ́,
Kavi osùn he to zọnlinzin to osisẹ́ mẹ;
27Bọ yè ko hẹn ayiha ṣie zùn kiklọ gbọn yẹ̀mẹ,
Bọ alọ ṣie ko donùnùgona onù ṣie:
28Ehe ga oylanwà wẹ nado yín yàsana gbọn whẹ̀datọ lẹ lọ dali:
Na yẹn do ko mọ̀n Jiwheyẹwhe he tin to aga.
29Eyín yẹn nọ jaya to dindọn ewọ he gbẹwanna mi tọn mẹ,
Kavi zé dẽ daga whenuena oylan din ewọ mọ;
30Mowẹ, yẹn ma dikẽna ohèke ṣie nado wàylando gba,
Gbọn yíyí odẹ̀hodo de do biọ ogbẹ̀ etọn dali.
31Eyín omẹ gohọ̀ ṣie mẹ tọn lẹ ma dọmọ,
Ṣó dọ mí ko tindo sọn agbasalan etọn mẹ mí ma sọgan yín pékọnọ gba.
32Ojonọ ma dọ̀ alihogboji gba;
Ṣigba yẹn hùn ohọ̀n ṣie lẹ hlan aliho lọ.
33Eyín yẹn ṣinyọnnúdo séngbigbà lọ kẹdẹdi owàlọ gbẹtọ lẹ tọn,
Gbọn whiwhla oylanwà ṣie dali to akòn ṣie mẹ;
34Na yẹn dibuna agùndaho lọ wutu,
Bọ ovlẹ whégbètọ lẹ tọn dobuna mi,
Sọmọ bọ yẹn nabọẹ, bo ma tọ̀n yì ohọ̀ngbo lọ godo—
35Ṣó, dọ yẹn do tindo mẹde nado sè mi
(Pọ́n ohiadonú ṣie tin tofi, gbọ Ganhunupo ni gblọnna mi;)
Podọ yẹn tindo owé lọ ehe mẹglatọ ṣie ko wlan.
36Nugbonugbo yẹn na to hinhẹn ẹn to abọ̀ ṣie ji jei;
Yẹn na bla ẹ di ojẹgbakun de hlan de e.
37Yẹn na dọ osọha afọdide ṣie lẹ tọn hlan ẹn;
Di ahọvi de wẹ yẹn na do yí i nẹ́.
38Eyín aigba ṣie dawhá do oji é,
Bọ whọ̀ndọvlọmẹ etọn lẹ viavi dopọ;
39Eyín yẹn ko dù huhlọn etọn matin akuẹ,
Kavi ko hẹn onúnọ etọn lẹ nado bú ogbè yetọn:
40Gbọ owùn lẹ ni wú to otẹn olikún tọn mẹ,
Podọ ogùnfán to otẹn ayèlikún tọn mẹ.
Ohó Job tọn lẹ jẹpòdo.
Currently Selected:
JOB 31: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.