JOB 29
29
1JOB sọ vó oló etọn zé daga, bo dọmọ,
2Ṣó dọ yẹn do tin di to osùn hóhó tọn lẹ mẹ,
Di to azán lẹ mẹ whenuena Jiwheyẹwhe to hihó mi,
3Whenuena zogbán etọn to sisẹ́ to ota ṣie ji,
Podọ gbọn hinhọ́n etọn dali yẹn to zọnlinzin gbọn zinvlu mẹ;
4Dile yẹn tin to bibia azán ṣie lẹ tọn mẹ do,
Whenuena aṣli Jiwheyẹwhe tọn tin to gohọ́ ṣie ji;
5Whenuena Ganhunupo gbẹ́ sọ tin to dẽ,
Bọ ovi ṣie lẹ tin lẹ́do mi;
6Whenuena yè yí yìnnọ́fìnfan do to afọdide ṣie lẹ Mọ,
Bọ osé to otọ́ amì tọn lẹ kọ́nna mi!
7Whenuena yẹn tón yì jẹ họ́ngboji jẹ tòdaho mẹ,
Whenuena yẹn basi aísinnú ṣie to alihogboji,
8Yọpọ sunnu lẹ mọ mi bo whla yéde, Mẹho lẹ tite bo nọte;
9Ahọvi lẹ gbọ sọn hódidọ go,
Bo yí alọ yetọn do onù yetọn go;
10Yè hẹn ogbè mẹgángán lẹ tọn bọ́,
Odẹ́ yetọn tẹ́ do ohèke onù yetọn tọn go.
11Na whenuena otọ́ sègbè ṣie, whenẹnu wẹ é to didona mi;
Podọ whenuena nukun mọ mi, é to kunnude hlan mi:
12Na yẹn whlẹn wamọnọ he to awhádo wutu,
Otọ́siọvi ga, po ewọ he ma tindo mẹde nado goalọ nẹ̃ po.
13Odona ewọ he tin alọji nado súdo tọn wá oji e:
Yẹn sọ hẹn ayiha asúṣiọsi tọn nado jihàn na ayajẹ.
14Yẹn yí dódó do ogo, é sọ yí mi do ṣinyọ̀navọ̀na ede:
Dódó ṣie tin di otewu de po otabla de po.
15Nukun lẹ wẹ yẹn hlan nukuntọ́nnọ lẹ lọ,
Afọ lẹ sọ wẹ yẹn hlan sẹ́kúnọ lẹ lọ.
16Otọ́ de wẹ yẹn hlan agbátọnọ;
Podọ owhẹ̀hó he yẹn ma yọnẹn yẹn nọ dinmọ.
17Yẹn wọ́n adúsó mawàdódónọ tọn lẹ,
Bo sọ dọ̀n nuyànwẹnna lọ sùn sọn adú etọn lẹ mẹ.
18Whenẹnu wẹ yẹn dọmọ,
Yẹn na kú po adọ ṣie po,
Podọ yẹn na sọ hẹn azán ṣie sudeji di finiksi lọ.
19Yè hùn adọ̀ ṣie jẹgbonu gbọn osìn lẹ dali,
Ahún sọ jà do alà ṣie ji to ozán lẹpo mẹ:
20Gigo ṣie yín yọ́yọ́ to ohò ṣie mẹ,
Yè sọ hẹn ogá ṣie jẹyọ́yọ́ to alọ ṣie mẹ.
21Yẹn wẹ gbẹtọ lọ nọ na otọ́ hlan, bo nọ nọtepọ́n,
Bo sọ nọ nabọẹ na hónamẹ ṣie.
22To ohó ṣie lẹ godo yé ma sọ nọ vọ́ hódọ gba;
Ohógbè ṣie sọ nọ kùn do yé ji.
23Yé nọ nọtepọ́n mi di na jikun lọ;
Yé sọ nọ kẹ́ onù yetọn gblo di na jikunjavọ̀ lọ.
24Yẹn nọ kònu do yé whenuena yé ma tindo nudotudego de;
Podọ hinhọ́n nukunmẹ ṣie tọn wẹ yé ma sọ sọgan hẹn kúṣiọ
25Yẹn dè aliho yetọn bo sọ sinai di ogán,
Bo sọ nọ nò awhànfuntọ lọ mẹ di ahọlu de,
Di odẹ he to homẹmiọnna awublanọ lẹ.
Currently Selected:
JOB 29: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.