JOB 23
23
1WHENẸNU wẹ Job sọ gblọn bo dọmọ,
2Yèdọ egbẹ́ wẹ whẹ́gbè ṣie yín vivẹ́:
Alọ ṣie sọ pẹ́n na winwẹn ṣie tọn wutu.
3Bẽ yẹn do yọn fie yẹn do mọ ewọ te,
Na yẹn ni do wá yèdọ aisinnu etọn kọn!
4Yẹn na tò whẹ́hó ṣie to nukọn elọn,
Bo sọ yí núdindọn lẹ do gó onù ṣie.
5Yẹn do sọ yọ́n ohó lẹ he ewọ do gblọnna mi
Bo sọ tùnwun núhe é do dọ hlan mi.
6Ewọ na wó hẹ mi to kiklo huhlọn etọn tọn mẹ wẹ?
Lala; ewọ na nató hlan mi.
7Finẹ tenọglinọ lọ na dọwe hẹ ẹ te;
Mọ wẹ yẹn na yín whinwhlẹn kakadoi sọn whẹ̀datọ ṣie si.
8Dayi e go, Yẹn yì nukọnnukọn, ṣigba ewọ ma tin to finẹ;
Podọ yìgodo ṣigba yẹn ma sọgan mọ ẹn hlan:
9To alọ amiyọn ji, whenuena ewọ
to azọ́nwà, ṣigba yẹn ma sọgan mọ ẹn:
Ewọ lẹ́ ede hlan alọ adusi, aigba yẹn ma sọgan mọ ẹn gba.
10Na ewọ yọ́n aliho he tin to dẽ;
Whenuena ewọ ko whle mi pọ́n,
Yẹn na tọ́n wá di sika.
11Afọ ṣie ko hẹnai gligli to afọdide etọn lẹ go;
Aliho etọn go wẹ yẹn to ayipa do, bo ma lẹ́ do apadopo.
12Yẹn ma yì godo sọn gbèdide nùflo etọn lẹ tọn kòn gba;
Yẹn ko yi ohó onù etọn tọn lẹ whla to akọ́n ṣie mẹ hú mimá ṣie.
13Ṣigba dopo wẹ ewọ, mẹnu wẹ sọgan diọ ẹ?
Podọ núhe alindọn etọn jlo, yèdọ enẹ wẹ ewọ nọ wà.
14Na ewọ wẹ nọ yí enẹ he yè dè na mi wà:
Podọ onù susu mọnkọ lẹ tin to e de.
15Enẹwutu wẹ yè do hẹn mì jẹtukla to nukọn etọn;
Whenuena yẹn lẹnpọ́n, yè hẹn mi savọ̀ nẹ́.
16Na Jiwheyẹwhe ko hẹn ayiha ṣie kúṣiọ,
Podọ Ganhunupo ko dotukla mi;
17Na yè ma sán mi sẹ́to zinvlu nukọn wutu,
Mọ ewọ ma sọ ṣinyọnnu zinvlu titli lọ ji sọn nukun ṣie mẹ gba.
Currently Selected:
JOB 23: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.