JOB 24
24
1ETẸWUTU wẹ yè ma bẹ́ Ojlẹ lẹ pli gbọn Ganhunupo dali?
Podọ etẹwutu wẹ yé he yọ́n ẹn lẹ ma sọ mọ azán etọn lẹ?
2Enẹlẹ he nọ sẹtẹnna aigbahia lẹ tin;
Yé nọ yí huhlọn do bẹ́ lẹngbọpa lẹ yì bo nọ yìn yé.
3Yé nọ bẹ́ kẹtẹkẹtẹ tọ́ṣiọvi lẹ tọn yì,
Yé nọ yí oyín asuṣiọsi tọn na ogòdenú de.
4Yé lẹ́ agbátọnọ lẹ sọn aliho lọ ji;
Mẹabọẹabọẹ aigba tọn lẹ bẹ́ yéde whla dopọ.
5Dayi e go, di kẹtẹkẹtẹ gbémẹ tọn lẹ to zùnkan mẹ.
Yé tọ́n yì azọ́n yetọn kọ̀n, yí sọwhiwhe do to nuyànwẹnna din;
Zùngbo sọn núdùdù na ovi yetọn lẹ.
6Yé nọ sán kanlinmahúhú etọn to danjii;
Yé nọ wéweluma ovẹ̃npa mẹylankan tọn.
7Yé nọ mlọnai to omẹ́ to zánmẹ lẹpo matin avọ̀,
Bo ma sọ tindo nuṣinṣinyọn de to avivọ mẹ.
8Yè yí jikunfinfan osé ji lẹ tọn lẹ do hen yé yòn,
Bo sọ nọ dọn osé lọ do ogo na matin ojẹhẹ de.
9Mẹhe nọ dè tọ́ṣiọvi sọn anọ́nu lẹ tin,
Bo nọ yí enẹ he tin to wamọnọ go na ogòdenú.
10Mọ wẹ yé to yìyì pó to omẹ́ matin avọ́,
Podọ yínyín hùvẹ́tọnọ de yé to amàkò lẹ hẹnyì;
11Yé nọ to amì basi to họ̀ngbo omẹ helẹ tọn mẹ;
Yé nọ zín vẹ́nfinyọnnu yetọn lẹ, bo sọ nọnọ nùgbla
12Sọn tòdaho gbẹtọ lẹ tọn mẹ jẹgbonu gbẹtọ lẹ to winwẹn,
Alindọn alántọ lọ tọn to awhádo jẹgbonu:
Gãnṣo Jiwheyẹwhe ma hia ẹ na núlu gba.
13Ehelẹ̃ wẹ sọn yé he to atẹsi hẹ hinhọ́n lọ mẹ;
Yé ma yón aliho etọn lẹ gba.
Mọ yé ma sọ nọnọ̀ omó etọn lẹ ji gba.
14Hlọnhùtọ lọ fọ́n po hinhọ́n lọ po, é hù wamọnọ lọ po agbátọnọ po;
Podọ to ozán mẹ ewọ tin di ajotọ de.
15Nukun sunnuayọdetọ tọn ga to tenọpón wunkinkẹn,
Dọmọ, Nukun de ma na mọ mi:
E sọ yí oṣinyọn de do nukunmẹ etọn ji.
16To zinvlu mẹ yé kundò gbọn ohò lẹ mẹ luntón:
Ehe yé ko dohiagona na yéde to okle;
Yé ma yọ́n hinhọ́n gba.
17Na afọnnu tin hlan popo yé tọn di oyé okú tọn;
Na yé wẹ yọ́n ahlinhọn okú tọn lọ.
18Mì dọmọ, Ewọ wẹ awuyatọ to nukunmẹ osìn lẹ tọn;
Yè hodẹ́do mimá yetọn to aigba mẹ:
Ewọ ma sọ lẹ́ gbọn aliho vẹ̃ngle lẹ lọ tọn gba.
19Akúdido po Yózo po yí huhlọn do bẹ́ sínmlinmlin yì;
Mowẹ oyọ̀do wàna ehe ko wàylando nẹlẹ̃.
20Ovidọ na wọn ẹn; owán lọ na yí vivi do dùnú to e go;
Yè ma to na sọ flin in gbède ba:
Yè na sọ wẹ́n mawàdódó di atin de;
21Ewọ he dù wẹ̀nsinọ he ma jivi lọ súdo;
Bo ma wà dagbe hlan asusiọsi lọ.
22Gãnṣo Jiwheyẹwhe gbọn huhlọn etọn dali hẹn hlọnhlọnnọ lẹ nado dẹnai:
Yé fọ́nsite, whenuena yé ma yise dọ yé do nọgbẹ́
23Jiwheyẹwhe na yé nado tin to alọ yínamẹ mẹ, Yé sọ gbọjẹ do enẹ ji,
Ṣigba nukun etọn lẹ tin to aliho yetọn lẹ ji.
24Yè zé yé daga; gãnṣo to whenu vúde, yè sọ hẹn yé yì;
Podọ whenuena yè hẹn yé yìdò, yé pli do aliho ji di mẹdẽvo lẹpo,
Yè sọ sán yé di obénu apà ogbaba tọn lẹ.
25Podọ eyín é mayín mọ to dinvie gba, mẹnu wẹ na yí mi do mọ lalonọ de,
Bo sọ hẹn ohógbè ṣie zùn onú ma họakuẹ?
Currently Selected:
JOB 24: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.