JOB 20
20
1WHENẸNU wẹ Zofali Naamatinu lọ sọ gblọn, bo dọmọ,
2Enẹwutu wẹ linlẹn ṣie lẹ na gbègblọn hlan mi,
Gbọn awuya ṣie he tin to ohò ṣie mẹ tọn dali.
3Yẹn ko sè owhẹ̀domẹ lọ he yi mi hlan winyan mẹ,
Ṣigba sọn wuntùntùn ṣie mẹ wẹ gbigbọ ṣie gblọnhóna mi.
4Hie ma yọ́n ehe sọn hóhó whenu,
Whenuena yè ko dotẹnna gbẹtọ do aigba gbọn,
5Dọ ogli wẹ adanṣàn mẹylankan tọn,
Podọ ayajẹ omẹ matin budisi Jiwheyẹwhe na owhènu de wẹ?
6Yín gigodaho etọn tlẹ hẹji yìaga jẹ olọn lẹ,
Bọ ota etọn sọ yì jẹ aslọ lẹ mẹ;
7Gãnṣo é na súdo kakadoi taidi onú etọn titi:
Yé he ko nọ mọ ẹn lẹ na dọmọ, Fie wẹ ewọ te?
8Ewọ na zlọn yì di odlọ de, yè ma to na sọ mọ ẹn ba:
Mowẹ, Yè na dozòn nẹ̀ yì di númimọ ozánmẹ tọn de.
9Nukun he ko nọ mọ ẹn lẹ ma to na sọ mọ ẹn ba;
Mọ otẹn etọn ma to na sọ pọ́n ẹn gbède ba.
10Wamọnọ lẹ na nọ bianukunna ovi etọn lẹ,
Alọ etọn lẹ na gò adọkunnu etọn lẹ jó.
11Ohú etọn lẹ tin gọ́na ovú etọn,
Ṣigba é na mlọn ai po e po to kógudu mẹ.
12Yín kanyinylan tlẹ yín vivi to onù etọn mẹ,
13Yín ewọ tlẹ whla ẹ to odẹ̀ etọn glọ;
Yín ewọ tlẹ hla ẹ dote, bo ma na dike é ni yì,
Ṣigba whla ẹ to onù etọn hòmẹ jànwẹ;
14Gãnṣo núdùdù etọn to ahúnkén etọn mẹ yín didiọ,
Vivẹ́ olòpa lẹ tọn wẹ é yín to hòmẹ nẹ.
15E ko zé adọkun lẹ mì, E na sọ slu yé jẹgbonu:
Jiwheyẹwhe na sisé yé jẹgbonu sọn hoto etọn mẹ.
16Ewọ na gbọ́n adí olòpa lẹ tọn:
Odẹ́ amàpoe tọn na hù ì.
17Ewọ ma to otọ̀ lẹ na mọ,
Owhín sisa owín tọn lẹ po yìnnọ́hihò po.
18Enẹ he ewọ jẹtukla na wẹ ewọ na gọ̀jó, bo ma sọ to na mì in jẹdò;
Kẹdẹdi agbàn núdiọ etọn tọn, ewọ ma to aya na jẹ.
19Na ewọ bianukunna bo sọ gbẹ́ wamọnọ dai;
Ewọ ko yí huhlọn do yí owhé de yi, ehe ewọ ma dó.
20Na ewọ ma yọ́n abọẹninọ to hàto etọn mẹ wutu,
Ewọ ma na pò núde dai sọn enẹ hemẹ é dohomẹhùn te.
21Yè ma pò núde dai he ewọ ma dùsúdo gba;
Enẹwutu gbẹ̀dùdù etọn ma na dẹnai gba.
22To ogigó nugopipé etọn tọn mẹ ewọ na tin to oglọndo lẹ mẹ:
Alọ omẹ dopodopo he tin to otapò mẹ tọn na wá e ji.
23Gbọ é ni yín na súsú ohòto etọn tọn
Wẹ Jiwheyẹwhe na dlan Mẹ homẹgble etọn tọn do e ji;
Bo na jajikun etọn do e ji di núdùdù etọn.
24Ewọ na họ̀nyì sọn adanwànu ogàn tọn de,
Ogá ogànvẹ̃ tọn na sọ hò e luntón.
25Ewọ dọ̀n ẹn jẹgbonu, é sọ tọ́n sọn agbasa etọn mẹ jẹgbonu:
Mọwẹ, sisẹ́ tọ́n sọn ovivẹ́ etọn mẹ jẹgbonu;
Ahlinhọn tin to e ji.
26Zinvlu lẹpo wẹ yè tò dote na adọ kunnu etọn lẹ:
Miyọn maflọmaflọ gbọn gbẹtọ dali na dù i súdo;
E na yì oylan to ewọ he yè pòdai de.
27Olọn lẹ na do oylanwà etọn hia,
Aigba na sọ fọ́n do e ji.
28Osudeji owhé etọn gbè tọn na tọ́nyì,
Agbàn etọn lẹ na sà yì tò azán homẹgble etọn tọn mẹ.
29Ehe wẹ mimá omẹ ylankan de tọn sọn Jiwheyẹwhe de,
Podọ ogú didè lọ hlan ẹn gbọn Jiwheyẹwhe dali.
Currently Selected:
JOB 20: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.