JOB 19
19
1WHENẸNU wẹ Job sọ gblọn bo dọmọ,
2Dẹ́n sọ na wẹ mìwlẹ na do to homẹgblena alindọn ṣie,
Bo sọ yí ohó lẹ do gbà mi hanyanhanyan?
3Whla ao helẹ wẹ mì ko to vivlẹ mi:
Yè ma hẹn winyanhù mì dọ mì yi alọsinsinyẹn do to zinzán hẹ mi gba.
4Podọ ni yín nugbo wẹ yẹn ko buali Alibubu ṣie tin to yẹnde go.
5Bé mìwlẹ nugbonugbo na jlayínna mìde do oṣanko ṣie ji:
6Mì ni yọnen dinvie dọ Jiwheyẹwhe wẹ ko takitina to whèhó ṣie mẹ,
Bo sọ yí odò etọn do glọn mi do.
7Dayi e go, Yẹn dawhá, ṣigba ye ma sè mi:
Yẹn dawhá na alọgọ, ṣigba whẹ̀dida de ma tin.
8E dopá glọn aliho ṣie bọ yẹn ma sọgan juyì,
Bo ko sọ yí zinvlu do omọ́ ṣie lọ ji.
9E ko klọn gigo ṣie sọn ogo e,
Bo sọ dè ojẹgbakun lọ sọn ota ṣie
10E ko hó mi liai to adà popo ji, yè sọ hẹn mi yì:
Podọ tódido ṣie wẹ é sọ hònadọna di atin de.
11E ko plamiyọn homẹgble etọn tọn do oji e ga,
E sọ hia mi hlan ẹn di ode sọn mẹ glatọ etọn lẹ mẹ.
12Awhàn etọn lẹ wá aga dopọ, bo dlẹn aliho daga do oji e,
Bo dosla lẹ́do gohọ̀ ṣie pé.
13E ko hẹn mẹmẹsunnu ṣie lẹ dẹ̀n do mi,
Yè sọ hẹn dọhẹtọ ṣie lẹ jagọ̀ sọn dè pete.
14Hẹnnumẹ ṣie lẹ kúṣiọ,
Họntọn vivé ṣie lẹ ko wòn mi.
15Yé he wáwáṣi to owhé ṣie gbè lẹ, po deviyọnnu ṣie lẹ po hia mi na ojonọ de:
Kẹntọ de wẹ yẹn yín to nukun yetọn mẹ.
16Yẹn ylọ hlan devisunnu ṣie ewọ ma na ogblọn de mi,
Yín yẹn tlẹ yí onù ṣie do vẹ̀ ẹ.
17Gbọfufu ṣie yín jonọ hlan asi ṣie,
Yẹn yín awuhiọnú hlan ovi agbasa ṣie mẹ tọn lẹ.
18Yèdọ yọ̀pọ flinflin lẹ to vivlẹ mi;
Eyín yẹn tite yé nọ to hódọ do ogo e
19Omẹ tòhódọtọ ṣie lẹ tọn gbẹwanna mi:
Yè sọ hẹn yé he yẹn yiwanna lẹ diọtasọ mi.
20Ohú ṣie tẹ́ do ayú ṣie go podọ do agbasalan ṣie go,
Yè sọ hẹn mi họ̀ngán po ayú adú ṣie lẹ tọn po.
21Mì ni tindo awubla to ojie, mì tindo awubla to oji e, mì họntọn lẹ emi,
Na alọ Jiwheyẹwhe tọn ko jẹ ogo e.
22Etẹwutu wẹ mì to homẹkẹndo mi di Jiwheyẹwhe,
Bọ yè ma yí agbasalan ṣie do hẹnnúpékọna mì.
23Ṣó ohó ṣie lẹ do yín winwlan!
Ṣó yè do kàn yé do owé de mẹ
24Dọ wékannu ganyù tọn po Sunmi tọn po wẹ yè do wlan yé do osé mẹ kakadoi
25Na yẹn yọnẹn dọ whẹ yídomẹjitọ ṣie to ogbẹ̀,
Podọ ewọ na ṣite to sọgodo to aigba ji:
26Podọ ehegodo ayú ṣie ko yín vivà, ehe na yín,
Yèdọ sọn agbasalan ṣie mẹ wẹ yẹn na mọ Jiwheyẹwhe:
27Mẹhe yẹn na mọ to adà ṣie mẹ,
Bọ nukun ṣie lẹ na pinpọ́n bo ma na di ojonọ de,
Yè hẹn okàn ṣie lẹ súdo to ohò ṣie mẹ.
28Eyín mì dọmọ, Nawẹ mí na dohomẹkẹn ẹn do
Podọ adò owhèhó lọ tọn to ewọ mẹ;
29Mì ni yín avọ̀satọ ohi lọ tọn;
Na homẹgble wẹ nọ hẹn yadonamẹ ohi tọn lẹ wá,
Na mì nido yọnẹn dọ whẹ̀dida de tin.
Currently Selected:
JOB 19: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.