JOB 18
18
1WHENẸNU wẹ Bildadi Ṣuhinu lọ sọ gblọn, bo dọmọ,
2Dẹn sọ na wẹ mì na domọ́ na ohó lẹ do?
Mì lẹnpọ́n, Podọ to enẹgodo mí na dọhó.
3Etẹwutu wẹ yè lẹn mí di gbékanlin lẹ,
Bo sọ tin lẹzùn mawé to mì nukunmẹ?
4Hiẹ he tlẹn dewe to adi towe mẹ,
Bọ́ yè na gbẹ́ aigba dai na hiẹ wẹ?
Kavi yè ni sẹtenna osé lọ sọn oten etọn mẹ wẹ?
5Mọwẹ, Yè na hò hinhọ́n mẹylankan lẹ tọn ṣi,
Podọ odédè miyọn etọn tọn ma na tahinhón gba.
6Hinhọ́n na yín zinvlu to gohọ̀ etọn mẹ,
Yè na sọ hò miyọngbán etọn ṣi to adà etọn mẹ.
7Yè na jlọ afọdide huhlọn etọn tọn,
Hónamẹ etọn titi na sọ zé e liai.
8Na yè zé e dlan odò de mẹ gbọn afọ etọn lọsu lẹ dali,
E sọ to zọnlinzin to omọ̀tita lẹ ji.
9Ogẹ́ de na wle e sọn afọgbẹn,
Omọ de na sọ tẹ́ do e go.
10Yè whla omọ̀kàn de nẹ̃ to aigba mẹ,
Omọ̀fifẹ́ de nẹ̃ to aliho ji.
11Ahlinhọn lẹ na hẹn ewọ savọ̀ to awà lẹpo ji,
Bo na dozọ̀n nẹ̃ jẹ afọgbẹn etọn lẹ dali.
12Yè na yí hùvóhù do hò huhlọn etọn,
Oyà na sọ tin alọji to adà etọn mẹ.
13E na sò dù opatin agbasayú etọn lẹ tọn súdo,
Mọwẹ, oplọnji okú tọn na dù awutugonú etọn lẹ súdo.
14E na yín adọ̀hònnanọ sọn gohọ̀ etọn mẹ ehe go e dotudo;
Hiẹ na sọ hẹn ẹn wá ahọlu ahlinhọn tọn de.
15Enẹ he ma yín ode sọn etọn mẹ wẹ na nọnọ̀ gohò etọn mẹ:
Yè na vúnvún whèmi pé fininọ̀ etọn ji.
16Yè na hẹn adọ̀ etọn lẹ hú to oglọ,
Podọ to aga yè na hẹn alà etọn wlo.
17Oflin etọn na súdo sọn aigba mẹ,
Ewọ ma na sọ tindo oyín de to aligboji.
18Yè na yàn ẹn sọn hinhọ́n mẹ biọ zinvlu mẹ,
Bo sọ dozọ̀n nẹ̃ tọ́n sọn aihọn mẹ.
19E ma na tindo visunnu kanvi sunnu visunnu tọn de to omẹ etọn lẹ ṣẹnṣẹn,
Kavi depope pòai to fie é wáwáṣi te
20Yé he nọnọ̀ whèyìhọwaji lẹ yín awújinọ do azán etọn go,
Dile yé he nọnọ̀ whèzẹtẹndali lẹ hẹn ahlinhọn go do.
21Nugbo enẹnkọ wẹ onọ̀tẹn mawàdó dónọ lẹ tọn lẹ,
Ehe sọ wẹ otẹn ewọ he ma yọ́n Jiwheyẹwhe tọn.
Currently Selected:
JOB 18: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.