JOB 2
2
1AZÁN de sọ vó tin whenuena ovi Jiwheyẹwhe tọn lẹ wá nado sọ yéde hia to OKLUNỌ nukọn, Satani sọ wá yé ṣẹnṣẹn ga nado sọ ede hia to OKLUNỌ nukọn. 2OKLUNỌ sọ dọ hlan Satani dọmọ, Fie wẹ hiẹ sọn wá? Satani sọ gblọnna OKLUNỌ, bo dọmọ, Sọn yìyì nukọn po godo po to aigba ji, podọ sọn zọnlinzinzin to jihẹ́ bo tejẹ to e mẹ mẹ. 3OKLUNỌ sọ dọ hlan Satani dọmọ, Hiẹ glo Job devi ṣie pọ́n? na mẹde ma tin di i to aigba ji, omẹ pipé de podọ jlọjlọ de, ode he dibusi Jiwheyẹwhe, bo sọ họ́nsí oylan: podọ ewọ na hẹn wàlọpipé etọn go gligli, yidomọ hiẹ sisẹ́ mi do e ji, nado zé e mì pete matin owhẹnọ́ de. 4Satani sọ gblọnna OKLUNỌ, bo dọmọ, ayú na ayú, mọwẹ, ehe gbẹtọ tindo lẹpo wẹ e na jó na ogbẹ́ etọn 5Ṣigba dè alọ towe jẹgbonu lò bo doalọ ohú etọn go po agbasalan etọn po, ewọ bo na sọ gbẹ́ we dai to nukun towe mẹ. 6OKLUNỌ sọ dọ hlan Satani dọ, Dayi e go, ewọ tin to alọ towe mẹ, pò ogbẹ̀ etọn sokẹdẹ dai. 7Mowẹ Satani tónjẹgbonu yì sọn nukọn OKLUNỌ tọn, bo yí nutitẹ́ fifiẹ lẹ do hò Job, sọn afọgbẹn afọ etọn tọn jẹ ahòndòmẹ etọn. 8Ewọ sọ yí ozẹ́nkla de nado yí do to ede gingàn; é sọ sinai to afín mẹ. 9Whenẹnu wẹ asi etọn dọ hlan ẹn dọmọ, Bé hiẹ gbẹ́ sọ hẹn wàlọpipé towe go gligli? gbẹ́ Jiwheyẹwhe dai, bo kú. 10Ṣigba ewọ dọ hlan ẹn dọmọ, Hiẹ dọhó dile yọnnu whéndotọ lẹ nọ dọhó do. Etẹ́? mí na mọ dagbe yí to alọ Jiwheyẹwhe tọn mẹ, bọ mí ma na sọ mọ oylan yí wẹ? to ehe lẹpo mẹ Job ma yí nùflo etọn lẹ do wàylando gba.
11Dinvie whenuena họntọn Job tọn atọ̀n lẹ sè oylan he yè hẹn wá e ji he lẹpo tọn, omẹ dopodopo sọn otẹn etọn titi mẹ wá; Elifazi Temanu lọ, po Bildadi Ṣuhinu lọ po, po Zoíali Naamanu lọ po: yé sọ basi ojlẹ de dopọ nado wá nado véawu i podọ nado miọnhomẹ nẹ̃. 12Whenuena yé zé nukun yetọn lẹ daga to olá dọ́n, bo ma yọn ẹn gba, yé zé ogbè yetọn daga, bo viavi; yé omẹ dopodopo sọ tlẹn awugbó etọn, bo sọ bà kọgudu hlan aga do ota yetọn lẹ ji. 13Mowẹ yé sinai po e po to aigba okle ṣinawe po ozán ṣinawe po, mẹde ma sọ dọhó de hlan ẹn: na yé mọ dọ awuftẹsa etọn yín kiklo talala.
Currently Selected:
JOB 2: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.