JOB 3
3
1EHE godo wẹ Job kẹ onù etọn, bo hodẹdo azán etọn.
2Job sọ gblọn bo dọmọ:
3Gbọ azán ehemẹ yè ji mi te ni súdo, Po ozán he dọmọ,
Ohò ovi dawe de tọn yín mimọ.
4Gbọ azán nẹ ni yín zinvlu;
A dike Jiwheyẹwhe sọn aga hò e pọ́n blo,
Kavi dike hinhọ́n họ́n do e ji blo.
5Gbọ zinvlu po zinvlu daho okú tọn po ni yí i na yetọn titi;
Gbọ aslọ ni nọnọ̀ e ji;
Gbọ ehe nọ basi azán do oyu lẹpo ni dobu nẹ
6Podọ na ozán nẹ tọn, gbọ zinvlu titli ni jẹ e ji:
A dike é tin to azán owhè tọn lẹ mẹ blo;
A dike é wá osọha osùn lẹ tọn mẹ blo.
7Pọ́n, gbọ azán nẹ ni yín wẹ̀nsinọ;
A dike ogbè ayajẹnọ de wá e mẹ blo.
8Gbọ yé he nọ hodẹdo azán lẹ ni hodẹdo e,
Mẹhe yín zìnzìntọ nado fọ́nadan leviatani.
9Gbọ sunwhlẹvu etọn ayazẹ lẹ ni yín zinvlu;
Gbọ é ni din hinhọ́n, ṣigba é mọ de blo;
Mọ a sọ dike é mọ nukungá afọnnu tọn lẹ blo;
10Na é ma sú ohọ̀n adọ̀ onọ ṣie tọn lẹ wutu:
Kavi ma whla tuklajẹ sọn nukun ṣie lẹ mẹ gba.
11Etẹwutu wẹ yẹn ma kú sọn adọ́ mẹ?
Etẹwutu wẹ yẹn ma jó alindọn do whenuena yẹn to tintón sọn hoto lọ mẹ ja.
12Etẹwutu wẹ kligonu lẹ do yí mì?
Kavi etẹwutu wẹ anọ́ lẹ, na yẹn ni do nọ́?
13Na dinvie yẹn do ko mlọn ai bo ko yín abọẹnọ;
Yẹn do ko damlọn; whenẹnu wẹ yẹn ko tin ogbọjẹ:
14To ahọlu lẹ po hónamẹtọ aigba tọn lẹ po de,
He dó owhéhla lẹ na yéde;
15Kavi po ahọvi he tindo sika lẹ po, Mẹhe yí fataka do gọ́ ohọ̀ yetọn lẹ:
16Kavi di ovi whiwhla jlẹmasọna de yẹn ma ko tin;
Di ovivú he ma mọ hinhọ́n gbè de.
17Finẹ mẹylankan gbọ̀ sọn adanjijẹ go;
Podọ finẹ gbẹdonọ tin te to ogbọjẹ mẹ.
18Finẹ ogàntọ lọ tin awubọ mẹ te to opó;
Yé ma sọ sè ogbè azọ́ntọ mẹmẹnu lọ tọn ba.
19Pẹvi po daho po tin to finẹ;
Podọ devi sọ vò sọn mẹmẹnu etọn si.
20Etẹwutu wẹ yè na hinhọ́n hlan ewọ he tin to otapò mẹ,
Podọ ogbẹ́ hlan vivẹnọ to alindọn mẹ lọ;
21He jlo okú, ṣigba é ma wá;
Bo sọ kùndò nẹ hú na adọkunnu whiwhla lẹ;
22He to ayajẹ jẹ ozédaga mẹ,
Bo sọ yín homẹhùnnọ, whenuena yé sọgan din oyọdò mọ?
23Etẹwutu wẹ yè na hinhọ́n hlan omẹ
di ali mẹhetọn yín whiwhla,
Podọ mẹhe Jiwheyẹwhe ko dosópa lẹ́do?
24Na hùnwinwẹn ṣie wá di núdùdù ṣie,
Podọ yè túntún gbigbọ ṣie lẹ jẹgbonu taidi osìn.
25Na yè hẹn onú he yẹn to hinhọnna lọ wá oji e,
Podọ enẹ he yẹn yín avọ̀satọ na wá jẹ dẽ.
26Yẹn ma ko tin to awubọ mẹ, mọ yẹn ma yín awujainọ, mọ yẹn ma tindo gbọjẹ;
Gãnṣo tukla wá.
Currently Selected:
JOB 3: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.