JOB 13
13
1PÓN, nukun ṣie ko mo ehe lẹpo,
Otó ṣie ko sọ sè bo tùnwun in.
2Núhe mìwlẹ yọnẹn, doponẹ wẹ yẹn yọnẹn ga:
Yẹn ma yín mẹwhiwhè hlan mìwlẹ gba.
3Nugbo yẹn na dọhó hlan Ganhunupo,
Podọ yẹn sọ jlo nado dówe hẹ Jiwheyẹwhe,
4Ṣigba lalo lẹ sétọ wẹ míwlẹ,
Bokọnọ tata wẹ mì mẹpó.
5Ṣó dọ mì do nabọẹ mítọn patapata!
E do yín nuyọnẹn mítọn.
6Mì sè wédido ṣie lò,
Bo sọ tùntóai hlan whègbè nùflo ṣie tọn lẹ.
7Míwlẹ na yi mawàdódó do dọhó na Jiwheyẹwhe wẹ,
Bo yí oklọ do dọhó nẹ̃?
8Mìwlẹ wẹ na do nukundagbe hia ẹ?
Mìwlẹ wẹ na hòavùn na Jiwheyẹwhe?
9E yín dagbe dọ ewọ ni din mì mọ?
Kavi dile omẹ de nọ ṣànmẹko do, mìwlẹ na ṣàn ẹn ko wẹ?
10Ewọ na dindòna mì dandan,
Eyín mìwlẹ do nukundagbe hia to yẹmẹ.
11Bé yẹyidaho etọn ma ka na hẹn mì savọ̀,
Podọ obu etọn ma na jẹ mì ji?
12Didọ flinnọ mítọn lẹ hówhinwhẹ́n afin tọn lẹ wẹ,
Agbó mítọn lọ agbó okò tọn lẹ wẹ.
13Mì nabọẹ mìton, mì jó mi do, na yẹn nido dọhó,
Bo gbọ núhe na wá oji e ni wá
14Etẹwutu wẹ yẹn na do hẹn agba salan ṣie to adú ṣiẹ lẹ mẹ,
Bo sọ yí ogbẹ̀ ṣie do alọ ṣie mẹ?
15Yín ewọ tlẹ to hùhù mi, gãnṣo yẹn na nọtepọn ẹn:
Ṣogãn yẹn na nọ dọ̀nnúna aliho ṣie lẹ to ewọ nukọn.
16Ewọ ga na sọ yín whlẹngan ṣie,
Dọ omẹ matin budisi Jiwheyẹwhe ma na wá ewọ nukọn gba.
17Mì yí sọwhiwhe do sè hógbè ṣie,
Bo sọ gbọ olilá ṣie ni tin to otó mítọn lẹ mẹ.
18Dayi e go lò, yẹn ko klẹ owhẹ̀hó ṣie dote;
Yẹn yọnẹn dọ yè na suwhèna mi.
19Mẹnu wẹ ewọ he na hòavùn hẹ mi?
Na dinvie eyín yẹn nabọẹ ṣie, yẹn na jó alindọn ṣie do.
20A wà onú awe hlan mi blo ṣokẹdẹ,
Whenẹnu wẹ yẹn ma na whla dẽ sọn nukunmẹ towe:
21Dọ̀n alọ towe do godo dẹ́n sọn dẹ;
Bo gbọ ahlinhọn towe ni hẹn mi savọ̀.
22Bo ylọ lò, yẹn na sọ gblọn;
Kavi gbọ yẹn ni dọhó, hiẹ ni bo sọ gblọnna mi.
23Nẹmu wẹ oylanwà ṣie lẹ po ylando ṣie lẹ po?
Hẹn mi nado yọ́n sẹ́ngbigbà ṣie po ylando ṣie po.
24Etẹwutu wẹ hiẹ yí nukunmẹ towe whla,
Bo sọ yí mi do hẹn kẹ̀ntọ towe?
25Hiẹ na dogblagbla amà jẹhọn fúfú de wẹ?
Podọ hiẹ na yànmọna zìnkán húhú wẹ?
26Na hiẹ wlan onú vivá do ogo e,
Bo sọ hẹn mì nado dugú oylanwà ovú ṣie tọn:
27Hiẹ yí afọ ṣie lẹ ga do osópò lẹ mẹ bo sọ dohia omọ́ ṣie lẹ go;
Hiẹ dọ̀n okàn de na we lẹ́do afọgbẹn afọ ṣie lẹ tọn lẹ:
28Yín yẹn tlẹ tin taidi onú yìnyọn de he to súsúdo,
Di awugbó de he yín odó-dui.
Currently Selected:
JOB 13: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.