JOB 12
12
1WHENẸNU wẹ Job gblọn bo sọ dọmọ,
2Edi ma gba ṣigba mì wẹ gbẹtọ lẹ lọ, Podọ nuyọnẹn na kú po mì po.
3Ṣigba yẹn tindo wuntùntùn di míwlẹ; Yẹn ma yín mẹwhiwhe hlan mìwlẹ gba:
Mọwẹ, mẹnu wẹ ma yọ́n mọnkọ di ehelẹ̃?
4Yẹn tin di mẹde he yín aṣagbọnú hlan kọmẹnu etọn lẹ,
Omẹ he ylọ Jiwheyẹwhe, bọ é ma gblọn nẹ̃:
Nugbonọ lọ, omẹ pipé lọ yín aṣagbọnú de.
5To linlẹn ewọ he tin to awubọ mẹ tọn mẹ ovlẹ tin fìnẹ na tadagbemado;
E tin alọji na yé afọ mẹhetọn didi lẹ.
6Gohọ̀ ajòtọgila lẹ tọn lẹ mọdagbe, Podọ yé he dohòmẹgblena Jiwheyẹwhe tin blẹo;
Alọ mẹhetọn mẹ Jiwheyẹwhe hẹn wá do to gégé mẹ.
7Ṣigba kanbiọ gbekanlin lẹ dinvie,
Yé na sọ plọn we; po ohẹ̀ agahomẹ tọn lẹ po, yé na sọ dọ na we:
8Kavi dọhó hlan aigba, ewọ na sọ plọn we;
Podọ whevi ohù mẹ tọn lẹ na dọ hlan we.
9Menu wẹ ma yọnẹn gbọn ehe lẹpo dali,
Do alọ OKLUNỌ tọn wẹ ko wàzón he?
10Alọ mẹhetọn mẹ alindọn onú gbẹ́te lẹpo tọn te,
Po gbigbọ gbẹtọwunme lẹpo tọn po.
11Oto ma wẹ nọ whle ohó lẹ pọ́n,
Yèdọ dile òhèke nọ dọ́ núdùdù etọn pọ́n do?
12Ome whinwhẹ́n lẹ de wẹ mì dọ nuyọnẹn te,
Podọ wuntùntùn to ogá azán lẹ tọn mẹ.
13E de wẹ nuyọnẹn po hlọnhlọn po te; Ewọ wẹ tindo hónamẹ po wuntùntùn po.
14Dayi e go, ewọ họ́ó liai, é ma sọ sọgan yín didó ba;
Ewọ súagbó do omẹ de, hùnhùn de ma sọgan tin finẹ.
15Dayi e go, ewọ dọ́n osìn lẹ do godoyé sọ hú;
E sọ vọ́ yé dohlan gbonu, yé sọ léadana aigba.
16E de wẹ huhlọn te po nuyọnẹn whinwhẹ́n po;
Mẹkiklọ po mẹklọtọ po etọn wẹ.
17Ewọ nọ do hónamẹtọ lẹ yì gbigble,
Bo nọ hẹn whẹ̀datọ lẹ zùn oklenọ.
18Ewọ nọ tún mẹglọnọ ahọlu lẹ tọn,
Bo sọ nọ yí homẹbla de do bla adaja yetọn lẹ.
19Ewọ nọ do yẹwhenọ lẹ yì gbigble,
Bo sọ nọ takitina hlọnhlọnnọ lẹ.
20Ewọ nọ sẹ̀tẹnna hógbè mẹdotudego tọn,
Bo sọ dè wuntùntùn sẹ̀ sọn mẹho lẹ de.
21E nọ kọ̀n ovlẹ do ahọvi lẹ ji,
Bo sọ nọ tún homẹbla huhlọntọ lẹ tọn.
22E mọdòna onú siso lẹ sọn zinvlu mẹ,
Bo sọ hẹn oyẹ̀ okú tọn tọ́n wá hinhọ́n mẹ.
23E nọ hẹn akọta lẹ sudeji, bo sọ và yé:
E dlan akọta lẹ pó, bo sọ do yé yi.
24E zé ayiha ogán gbẹtọ aigba tọn lẹ tọn tọn yì,
Bo sọ hẹn yé nado danpé to zùngbo de mẹ fie aliho de ma te.
25Yé to avidla to zinvlu mẹ matin hinhọ́n,
Ewọ sọ nọ hẹn yé nado danpé di omẹ ahànnùmúnọ de.
Currently Selected:
JOB 12: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.