JOB 11
11
1WHENẸNU wẹ Zófali Naamanu lọ gblọn, bo dọmọ,
2Bé gégé ohó lẹ tọn ma ka na yín gbingblọn la?
Podọ omẹ de gọ̀ na hódidọ ka na yín mẹsuwhèna la?
3Gòyíyí towe lẹ ka na hẹn gbẹtọ lẹ do onù yetọn abọẹ la?
Podọ whenuena hiẹ to mẹsànko, be omẹ de ma na hẹn winyanhù we wẹ?
4Na hiẹ to didọmọ, Mẹplọnhó ṣie yín wiwe,
Podọ yẹn sọ yín wiwe to nukun ṣie lẹ mẹ.
5Ṣigba ṣè, Jiwheyẹwhe do dọhó,
Bo sọ kẹ nùflo etọn lẹ do oji we;
6Podọ é do do aṣli nuyọnẹn tọn lẹ hia we,
Dọ nuyọnẹn whinwhẹ́n tin aweji!
Enẹwutu yọnẹn dọ Jiwheyẹwhe hẹn nado yín winwọn hlan we sọn oylanwà towe mẹ.
7Hiẹ sọgan din onú siso Jiwheyẹwhe tọn lẹ mọ?
Hiẹ sọgan din Ganhunupo mọ jẹ pipé mẹ?
8Ote olọn tọn lẹ; etẹwẹ hiẹ sọgan wà?
Siso hú yòdo lọ; etẹwẹ hiẹ sọgan yọnẹn?
9Ojijlẹ etọn yín tedidi hú aigba lọ,
Bo sọ gblo hú ohù lọ
10Eyín ewọ dawáyì, bo súagbó,
Bo sọ ylọ agùndido de, whenẹnu mẹnu wẹ sọgan hẹn ẹn dote?
11Na ewọ yọ́n omẹ vọnu lẹ:
Ewọ nọ mọ oylanwà ga, po ewọ he ma nọ lẹnnúpón po.
12Ṣigba gbẹtọ ovọ́tọ na tindo wuntùntùn,
Whenuena yè yí kẹtekẹtẹvú gbémẹ tọn do ji sunnu de.
13Eyín hiẹ zé ayiha towe do titegbè,
Bo dlẹn alọ towe lẹ jẹgbonu hlan ewọ dali;
14Eyín oylanwà tin to alọ towe mẹ, Sisẹ́ ẹ do fidindẹn,
A sọ dike mawàdódó nọ̀ gohọ̀ towe lẹ mẹ blo.
15Whenẹnu nugbo wẹ hiẹ na zé nu
kunmẹ towe daga matin apà; Mọwẹ, hiẹ na yín tenọglinọ, bo ma na sọ dibu gba:
16Na hiẹ na wọn otapò towe;
Hiẹ na sọ nọ flin in di osìn he ye hen sà wáyì:
17Ogbẹ towe na sọ fọ́n húte azánga;
Eyín zinvlu tlẹ tin finẹ, é na tin di afọnnu.
18Hiẹ na sọ tin blẹo, na tódido tin fìnẹ wutu;
Mọwẹ, hiẹ na din to dali towe, bo na sọ yí ogbọjẹ towe to gingán mẹ
19Hiẹ na mlọn ai ga, mẹde ma na sọ hẹn we savo gba;
Mowẹ, mẹsusu na nọ basi núbiọ hlan we.
20Ṣigba nukun mẹylankan tọn lẹ na kúyẹ
Podọ yè hẹn fibẹ̀tado súdo sọn yé de, Podọ tódido yetọn na yín ojódo alindọn lọ tọn.
Currently Selected:
JOB 11: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.