JOB 14
14
1GBẸTỌ he yè ji sọn yọnnu de mẹ Yín azán lẹ vúde tọn, bo sọ gó na tukla.
2E tọ́n wá gbonu taidi ovòvo de, bo sọ yọ́:
E họ̀nyì ga di oyẹ́ de, bo ma dènai.
3Hiẹ to nukun towe lẹ hùn do omẹ mọnkọ de ji wẹ,
Bo sọ hẹn mi ja whẹ̀dida mẹ hẹ we wẹ?
4Ṣó onú wiwe de do sogan tọ́n sọn mawé mẹ? omẹ de ma sọgan.
5Mimọ yè ko dodòna azán eton le, osọha osùn etọn tọn lẹ tin to de we,
Hiẹ ko sọ dè odògbo etọn lẹ he go é ma sọgan zé;
6Pọ́n olá sọn e de, na é nido doalọte, Kaka ewọ na tindo homehùn to e
mẹ, di opàkano, azán etọn.
7Na otódo atin de tọn tin, eyín yè sán ẹn liai, dọ é na sọ tọ́nkẹ́n,
Podọ alàvú etọn ma na doalọte.
8Yín adò etọn tlẹ dohó to aigba mẹ,
Bọ dòdónu etọn sọ kú to aigba mẹ;
9Gãnṣo gbọn wándidè osìn tọn mẹ é na sọ tónkùn,
Bo sọ dè alà lẹ jẹgbonu taidi núdido de.
10Ṣigba gbẹtọ kú, bọ yé kònyìngbe:
Mowẹ, gbẹtọ jó alindọn lọ do, fie wẹ é te?
11Le osìn lẹ jẹte sọn ohù mẹ do,
Bọ otọ̀ sọ nọ jagò bo nọ hú do;
12Mọ wẹ gbẹtọ mlọnai bo ma sọ tite:
Kaka olọn lẹ ma na do sọ tin ba, yé ma na fọ́n,
Mọ yè ma na hẹn yé fọ́n sọn amlọn yetọn mẹ.
13Ṣó dọ hiẹ do whla mi do oyọ̀do mẹ,
Dọ hiẹ do do mi núglọ, kaka yè do hen họmegble towe juyì,
Dọ hiẹ do dè ojlẹ de na mi, bo nọ flin mi!
14Eyín omẹ de kú, be ewọ na sọ nọgbè ba?
Azán sinsẹ̀n ṣie tọn lẹpo gbè wẹ yẹn na do nọtepọ́n, kaka odiọdo ṣie na do wá.
15Hiẹ na ylọ yẹn na sọ siọ we:
Hie do ko tindo ojlo de hlan azón alọ towe lẹ tọn.
16Ṣigba dinvie hiẹ to sọhahiana afọdide ṣie lẹ:
Bé hiẹ ma hihọ́ to ylando ṣie ji?
17Yè súnúdo sẹ́ngbigbà ṣie do apò de mẹ,
Hiẹ sọ whè oylanwà ṣie tlọ.
18Nugbo osé hihó lọ kúpé,
Yè sọ sẹtẹnna osé lọ sọn otẹn etọn mẹ;
19Osìn lẹ hẹn zannu lẹ yòn;
Gigọfla etọn lẹ plọ kọ́gudu aigba tọn yì:
Hiẹ sọ hẹn otódo gbẹtọ tọn và.
20Hie ṣatẹ eton doidoi, ewọ sọ juyì,
Hie diọ nukunwunmẹ etọn, bo sọ do e hlan yì.
21Visunnu etọn lẹ wá jẹ gbégbigbo mẹ, ewọ ma sọ yón ẹn gba;
Yè hẹn yé jete wá, ṣigba ewọ ma mọ ẹn hlan sọn yé de gba.
22Na ede sokẹdẹ wẹ agbasalan etọn tindo awuflẹsa,
Podọ na ede wẹ alindọn etọn to awubla.
Currently Selected:
JOB 14: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.