ISAIA 7

1TO enẹgodo to Ahaz ovi Jotanitọn, ovi Ozia ton aholu Juda tọn whenu, bọ Setsín, ahọlu Sylia tọn po Pekali ovi Ṣemalia ahọlu Islaeli tọn po hẹji yì Jelusalẹm nado fùnawhàn hẹ ẹ, ṣigba yé ma sọgan gbà ẹ. 2Yé dọ na owhé Davidi tọn dọmọ, Sylia dogbèpọ hẹ Eflaimi. Ayiha etọn po ayiha omẹ etọn lẹ tọn po sọ whàn dile atin zungbomẹ tọn nọ whan gbọn alọ jẹhọn tọn mẹ do.

3Whenẹnu wẹ OKLUNỌ dọ hlan Isaia dọmọ, Tọ́njẹgbonu dinvie nado yì pé Ahaz, hiẹ po Sealjaṣub ovi towe po to pòdo asisanu otàndo aga tọn dali, to alìhogbó avọyàntọ lẹ tọn ji. 4Bo dọ nẹ̃ dọmọ, Mì payi míde go, bo nọ̀ abọẹ; a dibu blo, a savọ̀na osí awe mìyọntin tọn he to azọti helẹ wutu blo, na adi Letsin po Sylia po tọn, po ovi Lemalia tọn pò wutu. 5Na Sylia, Eflaimi, po ovi Lemalia tọn po ko Kanyiha ylankan do hiẹ go, dọmọ, 6Mì gbọ mí ni hẹji yì Juda, bo hẹn homẹgble nẹ, gbọ mi ni basi odo to é mẹ na míde, na mí ni zé ahọlu dote do ṣẹnṣẹn eton, yèdọ ovi Tabeel tọn. 7Le wẹ OKLUNỌ, JIWHEYẸWHE Dọ dọmọ linlẹn lọ ma na note, mọ é ma to na ṣẹ. 8Na ota Sylia tọn wẹ Damasku, ota Damasku tọn sọ wẹ Letsin, owhè kandekoatọ́n mẹ yè na gbà Eflaimi, bọ é ma na yín gbẹtọ bà. 9Ota Eflaimi tọn sọ wẹ Samalia, ota Samalia tọn sọ wẹ ovi Ṣemalia tọn. Eyín mì ma na yise, nugbo yè ma to na yí afọ mítọn hẹnai.

10OKLUNỌ sọ vẹ̀ dọ hlan Ahaz, dọmọ, 11Biọ ohia de to OKLUNỌ Jiwheyẹwhe towe si, biọ ẹ, eyín to osẹ́dò mẹ, kavi to aga 12Ṣigba Ahaz dọmọ, yẹn ma to na biọ gba, mọ yẹn ma to na whle OKLUNỌ pọ́n. 13E sọ dọmọ, mì sè dinvie, mì owhé Davidi tọn; Onú pẹvi wẹ na mì nado hẹn nudikọna gbẹtọ, ṣigbá bé mì na sọ hẹn nudikọna Jiwheyẹwhe ṣie ga? 14Enẹwutu, OKLUNỌ lọsu na na ohia de mì; dayi e go, awkli de na mọhò, bo na sọ ji visunnu de, bo na ylọ Oyín etọn dọ Emmanuẹl. 15Oyìnnọ́ po owín po wẹ é na nọ dù, na nido yọ́n le yè nọ gbẹ́ oylando, podọ le yè nọ dè dagbe do. 16Na whẹpo ovi lọ na yọn le yè nọ gbé oylando podọ le yè nọ dè dágbe do, aigba he hiẹ gbẹwaana, na lẹzùn gbédai sọn ahọlu etọn awe lẹ si; 17OKLUNỌ na sọ hẹn azán he ma ko tin mọ dai wà ota tọwe, podọ wa ota omẹ towe lẹ tọn, podọ wà owhé otọ́ towe tọn ji, son azán hegbè Eftaimi ko tọn sọn Juda; yedọ ahọlu Àssylia tọn.

18To enẹgodo to azán lọ gbè, OKLUNỌ na jlẹgbè hlan supọ̀ he tin to podo otò Egypti tọn tọn, podọ hlan owín he tin to aigba Assylia tọn ji. 19Yé na wá bo sọ jẹ̀ do agbadò he jẹ́vọ mẹ, podọ do odò osó tọn mẹ, do owùn lẹ ji, podọ do ama lẹpo ji.

20To azán doponẹ gbè wẹ OKLUNỌ na yí dàlunhi he yè whé, enẹ wẹ, yé he to otò nẹ godo tọn Ahọlu Assylia tọn, do lùn oda po ofún afọ tọn po: é na sọ hù otán súdo ga;

21To enẹgodo to azán lọ gbè, gbẹtọ dopo na yìn oyinvú dopo po lẹngbọ awe po. 22To enẹgodo, na oyìnnọ́ susu he yè na hen wá wutu, é na nọ dù yìnnọ̀; na oyìnnọ́ po owín po wẹ omẹ he pò to aigba lọ ji na nọ dù.

23To enẹgodo to azán lọ gbè, ofi lẹpo, na yín fie ovẹ̃n fọtọ́n ko tin te, na ojlẹ fọtọ́n fataka tọn, é na yín na otẹùn po vẹun po. 24Ogá po akatanpó po wẹ gbẹtọ na do wá finẹ; na aigba lẹpo na lẹzùn otẹùn po vẹun po. 25Podọ to osó pẹvipẹvi he yè na yí alín do jlo, osí otẹun po vẹun tọn po ma finẹ na wa: ṣigba é na yín otò he mẹ yé to oyín bẹ́ sọ yì, podọ fie kanlin pẹvipẹvi lẹ na nọ zindai.

Currently Selected:

ISAIA 7: BWL23

Highlight

Copy