ISAIA 23
23
1AGBAN Tyle tọn. Mì wẹnhùn, mì ohún Talṣiṣi tọn emì; yè gbà ẹ kija sọmọ bọ owhé de ma tin, ofi bibiọ de ma sọ tin: yè sọhia na yé sọn aigba Kittimi tọn ji. 2Mì nabọe, mì mẹhe to olopo ji lẹ; hiẹ mẹhe ajọtọ́ Sidoni tọn, he jugbọn ohù ji, ko gọ́. 3Sọn aliho osìn daho tọn, nọkún Siholi tọn, ojijẹ otọ̀ tọn wẹ whèkuẹ etọn; ewọ sọ wẹ ahi akọta lẹ tọn. 4Winyan ni hù we, hiẹ, Sidoni: na ohù dọhó, yèdọ huhlọn ohù tọn, dọmọ, yẹn ma tin ajipanu, mọ yẹn ma ji ovi, mọ yen ma yìn visunnu, mọ yẹn ma pọ́n awhli go. 5Di owẹ́n gbọn Egypti dali, mọkẹdẹ wẹ awú na sinyẹn yé gbọn owẹ́n Tyle tọn dali. 6Mì juyi Talṣiṣi; mì wẹnhùn, mì mẹhe to olopo ji lẹ. 7Bé ehe wẹ otò homẹvivi tọn mítọn, he ko tin sọn whẹwhẹwhenu, sọn hóhó whenu? afọ ewlọsu tọn na zé e yì ofì dindẹn nado yín owọwá. 8Mẹnu wẹ lẹn ehelẹ do Tyle go, otò ojẹgbakun tọn ajọtọ́ mẹhetọn yín ahọvi, nújlatọ mẹhetọn yín yẹyinọ aihọn tọn? 9OKLUNỌ awhànpa lẹ tọn ko lẹn ẹn, nado hẹn sakla gigo tọn lẹpo gble, nado hẹn yẹyinọ aihọn mẹ tọn lẹpo zùn ovlẹ 10Jù gbọn ṣẹnṣẹn aigba towe tọn ji, di otọ̀, hiẹ viyọnnu Talṣiṣi tọn: huhlọn de ma sọ tin bà. 11Ewọ ko dlẹn alọ etọn do ohù ji, é ko whàn ahọludu lẹ: OKLUNỌ ko na osẹ́n gbọn otò ajọtọ lọ tọn dali, nado gbà ofi gángán etọn súdo. 12Ewọ sọ dọmọ, Hiẹ ma ha jaya bà, hiẹ awhli he yè to yàdona, viyọnnu Sidọni tọn: fọ́n, jùyi Kittimi; to finẹ hiẹ ma sọ to na gbọjẹ ga. 13Pọ́n aigba Kaldẹa-nu lẹ tọn; omẹ helẹ ma ko tin dai, kaka Àssylia-nu lẹ dó e na yé he nọnọ̀ zùngbo mẹ lẹ: yé ko zé atọ̀họ etọn dote, yé ko gbá awanu etọn; ewọ sọ họ́ ẹ liai. 14Mì wẹnhùn, mì ohún Talṣiṣi tọn emì; na yè gbà huhlọn mítọn kija. 15To enẹgodo to azán lọ gbè, yè na wònjì Tyle go họ́ owhè kandegban, Kẹdẹdi azán ahọlu dopo tọn: to opòdo owhè kandegbàn tọn godo, Tyle na jihàn di yọnnu ayọ̀detọ. 16Yí ajalẹn dopo, dán gbọn otò mẹ, hiẹ yọnnu ayọ̀detọ he yè wònji é go, ké ohàn vivi, ji ohàn susu, na yè nido flin we. 17To enẹgodo to opòdo owhè kandegbàn tọn godo wẹ OKLUNỌ na dla Tyle pọn, e na sọ lẹ́gọ̀ na azọnkuẹ ẹtọn, bo na lọgà hẹ ahọludu aihọn mẹ ton lepo, he tin to aigba ji. 18Ajọ́nú etọn po azọ́nkuẹ etọn po na sọ yín wiwe hlan OKLUNỌ: yè ma to na bẹ́ ẹ pli, mọ yè ma to na to e pli; na ajọ́nú etọn na yín yé he nọnọ̀ OKLUNỌ nukọn lẹ tọn, nado dù dùpékọ̀, podọ na avọ̀ dagbedagbe.
Currently Selected:
ISAIA 23: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.