ISAIA 24
24
1DAYI e go, OKLUNỌ hẹn aihọn jẹvọ́, bo sọ gbà ẹ kija, é sọtadò nẹ̃, bo sọ vunvún mẹhe to e mẹ lẹ pé 2E na wá jọ, le yè wà do gbẹtọ, mọwẹ é na te na yẹwhenọ; le é te na devi, mọkẹdẹ wẹ na klunọ etọn: le é te na deviyọnnu, mọwẹ na klunọ yọnnu etọn; le é te na hihọ̀tọ, mọwẹ na sisatọ: le é te na whenamẹtọ, mọwẹ na akuẹhọtọ. 3Aihọn na jẹvọ́ gbidigbidi, yè na sọ hẹn ẹn gble gbidigbidi: na OKLUNỌ ko dọ ohó he. 4Aihọn to awubla, bo sọ to pẹ́kú, aihọn to kàngble, bo sọ to pẹ́kú, goyítọ aihọn mẹ tọn lẹ to lùnlùnpò. 5Yè sọ hẹn aihọn gble to omẹ he to e mẹ lẹ glọ; na yé ko jẹ osẹ́n lẹ lọ mẹ, yé diọ alẹnuhó, yé hẹn alẹnu madopodo gble. 6Enẹwutu wẹ odẹhodo ko hù aihọn súdo, mẹhe nọnọ̀ e mẹ lẹ sọ jẹvọ́ enẹwutu wẹ omẹ he to aihọn mẹ lẹ jizò, omẹ pẹvide wẹ po. 7Vẹ̃nhàn yọ́yọ́ to awubla, ovẹ̃n to kàngble, yé he to ayajẹ lẹpo to hùnwẹn. 8Ayajẹ tablẹti tọn gbò, awhá yé he to ayajẹ lẹ tọn nọte, homẹvivi ajalẹn tọn doalọte. 9Yé ma na; nù vẹ̃nhàn po ohàn po; ahàn sinsinyẹn na vé na yé he to nùnù in lẹ. 10Ye họ̀ otò zingidi tọn jẹdò: yè sọ glọn owhé lẹpo, na gbẹtọ ma nado sọgan biọ é me bà. 11Awhá na vẹ̃nhàn tin to aligbo ji; ayajẹ lẹpo dozinvlu, awuvivi aigba lọ tọn ko yì. 12Gbàkija wẹ pò to ai to otò mẹ, yè sọ yí dindọ̀n do linú dòkọ́nu. 13Whenuena é na yín le to ṣẹnṣẹn aigba lọ ton, to ṣẹnṣẹn omẹ ewẹlẹ tọn, di whinwhàn atin olivieli tọn, di ovẹ̃n sinsẹ́n welu tọn whenuena oji jẹ ovẹ̃n tọn jẹ. 14Yé na zé ogbe yetọn do aga, ye na jihàn na gigodaho OKLUNỌ tọn wutu, ye na sọ dawha sọn ohù mẹ. 15Enẹwutu pàgigona OKLUNỌ to aigba hinhọn tọn, yèdọ oyín OKLUNỌ Jiwheyẹwhe Islaeli tọn tọn to olopo ohu tọn ji.
16Sọn aihon podo wẹ mí sè ohàn, yèdọ gigo hlan dódónọ lẹ. Ṣigba yẹn dọmọ, Hùsúdo ṣie, hùsúdo ṣie, dindọn wẹ na mi! alẹdatọ lẹ ko dalẹ; nugbo, alẹdatọ lẹ ko dalẹ zẹjlẹ go. 17Obú po odò po, po ogẹ po tin to ota towe, hiẹ aihọnmẹnu. 18To enẹgodo, ewọ mẹhe họ̀n sọn awha avosisa tọn mẹ na jai jẹ odo mẹ; mẹhe sọ tón sọn odo mẹ wẹ ye na yí ogẹ́ do wle: na vẹsẹnuvo sọn aga hùn do nuvo, odòdo aihọn tọn sọ whan. 19Yè gbà aihọn jedò gbidigbidi, aihọn zùn yiyó kọnyingbe gbidigbidi, aigba whàn ginanginan. 20Aihọn na mùsà bo dahli di ahànnumunọ, yè na sọ bẹ́ ẹ sè di oflo; ylando etọn na sọ pẹnagbàn ẹn, é na jai, é ma to na fọ́n bà.
21To enegodo to azán lọ gbè, OKLUNỌ na sáyana awhàn goyítọ lẹ tọn he tin to aga, po ahọlu aihọn me tọn lẹ po to aihọn mẹ. 22Yè na sọ bẹ́ ye pli di le yè nọ bẹ́ ogàntọ lẹ pli do odo mẹ do, yè na sú yé do gànhọ̀ mẹ, to azán susu godo yè na sọ dla ye pọ́n. 23Whenẹnu wẹ yè na doflu osùn, winyan na sọ hù owhè, whenuena OKLUNỌ awhànpa lẹ tọn na dugán to osó Ziọni tọn ji, podọ to Jelusalẹm, gigo na sọ tin to omẹ hóhó etọn lẹ nukọn.
Currently Selected:
ISAIA 24: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.