ISAIA 21
21
1AGBAN zùngbo ohù tọn tọn. Dile jẹhọn lẹ́pénọ ohù waji tọn nọ jù wáyì do; mọwẹ é sọn zùngbo mẹ wá, sọn aigba he dobu ji. 2Numimọ sinsinyẹn wẹ yè dohia mi; bublutọ to bublu, hẹngbletọ to hinhengble. Hẹ oji yì, hiẹ Elami: dosla, hiẹ Médiá; awubla eton lẹpo wẹ yẹn ko hẹn doalọte 3Enẹwutu adọ̀mẹ ṣie gọ́ na awufiẹsa: nukunbibia hẹn mi, di nukunbibia yọnnu he to ajipanu tọn: yẹn huwhẹ́, whenuena yẹn sè e; yẹn flu, whenuena yẹn mọ ẹn. 4Ayiha ṣie to núhà, sisọsisọ dobuna mi: ozán ayajẹ ṣie tọn wẹ é hẹn zùn nusisi na mi. 5Wleawu tafo tọn dai, họ́ali to atọ̀họ ji, dù, nù: fón, mì ahọvi lẹ, mì sámìdo sagba mítọn 6Na le wẹ OKLUNỌ dọ hlan mi, dọmọ, Yì, dè omẹ dopo ni họali, gbọ ni dọ onú he é mọ. 7Ewọ sọ mọ kẹkẹ po osónọ awe-awe po, kẹkẹ kẹtẹkẹtẹ tọn, podọ kẹkẹ kanklosopóawenọ tọn; é sọ whesọ do dotóai. 8E sọ dawhá di kinnikinni de: OKLUNỌ È, whepoponu wẹ yẹn nọ nọte to atọ̀họ ji to okle whenu, yè sọ dè mi do hihọ́ ṣie kọ̀n to ozán lẹpo mẹ. 9Dayi e go, kẹkẹ dawe de tọn die ja e, po osọnọ awe-awe po: é sọ gblọn bo dọmọ, Babylọni jai, é jai: boṣiọ winwlan vodun etọn lẹ tọn pó wẹ họ́ jẹ aigba. 10Hiẹ ozinhọ ṣie E, po gbàdogbò ṣie po: ehe yẹn sè sọn OKLUNỌ awhànpa lẹ tọn si, Jiwheyẹwhe Islaeli tọn wẹ yẹn dohia we.
11Agbàn Duma tọn. E sọ dawhá hlan mi sọn Seili, Nuhótọ, nawẹ ozán te? 12Nuhọ́tọ lọ sọ dọmọ, ai to hinhọn ja, ozán sọ to kúkú ga: eyín mì na kanbiọ, mì bo kanbiọ; mì lẹ́gọ̀, mì wá.
13Agbàn Alabia tọn.
Ozùnkan Alabia tọn mẹ wẹ mì na jẹ, mì ogbẹ́ Dedani tọn he jei lẹ. 14Mehe to, aigba Tema tọn ji lẹ hẹn osìn Wá na ewọ he ovẹ́ to húhú, yé sọ hẹn núdùdù yetọn jẹnukọnna mẹhe họnjei lẹ. 15Na yé họ̀n na ohi, na ohi odọnsún, na ogá titá, podọ na nukunbibia awhàn tọn 16Na le wẹ OKLUNỌ dọ hlan mi, domọ, Whẹpo owhè dopo na pé di owhè pakanọ tọn gigo Kedali tọn lẹpo na jài. 17Pipòtọ to gáyìntọ lẹ mẹ, asuka ovi Kedali tọn lẹ, na dèpò: na OKLUNỌ Jiwheyẹwhe Islaeli tọn ko dọ ẹ.
Currently Selected:
ISAIA 21: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.