ISAIA 20
20
1TO owhè he mẹ Taltan wá Aṣdọdi, whenuena Salgọni ahọlu Assylia tọn do e hlan, bo fùnawhàn hẹ́ Aṣdọdi, bo bẹ́ ẹ; 2To ojlẹ doponẹ mẹ wẹ OKLUNỌ dọ gbọn Isaia ovi Aìnọsi tọn dali, dọmọ, Yì, bo tún odẹ́vọ̀ sọn adaja towe mẹ, bo dè afọpa towe sọn afọ towe, E sọ basi mọ, bo to zọnlinzin to omẹ́, podọ to mado afọpa mẹ. 3OKLUNỌ sọ dọmọ, Dile devi ṣie Isaia zinzọnlin to omẹ́ podọ to mado afọpa mẹ to owhè atọ̀n na ohia, podọ na nudabla to ota Egypti po Etiopia po tọn. 4Mọkedẹ wẹ ahọlu Assylia tọn na yí Egypti-nù lẹ do wle kanlin mọ, po Etiopia-nù lẹ po do wlé mẹmẹglọ, yọpó po mẹhó po to omẹ́ podọ to mado afọpa mẹ, yèdọ po yònu yetọn po to nuvò, na winyan Egypti tọn. 5Obú na di yé, winyan na sọ hù yé na Etiopia tódido yetọn wutu, podọ na Egypti gigo yetọn wutu 6Omẹ he to hùlẹnu lẹ na sọ dọ to azán lọ gbè, dọmọ, Dayi e go, bé ehe hunkọ wẹ tódido mítọn; fie mí họ̀n yì na alọgọna, na yè nido whlẹn omẹ sọn ahọlu Assylia tọn si: podọ mílẹ, nawẹ mí na họ̀ngán do?
Currently Selected:
ISAIA 20: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.