ISAIA 17
17
1AGBÀN Damasku tọn.
Dayi e go, yè dè Damasku sẹ́ sọn yínyín otò mẹ, é na sọ lẹzùn okiti. 2Yè gbẹ́ otò Aloẹli tọn lẹ dai: yé na yín lẹngbọpa tọn, he na mlọnai, mẹdepope ma na dobuna yé. 3Figángán ma na sọ tin to Eflaimi ba, aholudu sọn Damasku podọ pipòtọ Sylia tọn: yé na taidi gigo ovi Islaeli tọn lẹ tọn, wẹ OKLUNỌ awhanpa lẹ tọn dọ. 4To azán lọ gbè, to enẹ godo, yè na hẹn gigo Jakob tọn dèpò, kiklo agbasa etọn tọn wẹ yè na hẹn húliwhàn. 5E na sọ taidi whenuena jizọnwàtọ to gbàdo bẹ́ pli, bo sọ yí awà etọn do to gbàdo yà, é na sọ di whenuena mẹde to gbàdo bẹ́ pli to agbàdo Lefaimi tọn mẹ. 6Gãnṣo yè na jó owelu ovẹ̃n sinsẹ́n tọn dai do é mẹ, di whinwhàn atin Oliviẹli tọn, sinsẹ́n pẹvi awe kavi atọ̀n to atinlà he fọ́n ji aga ji, ẹnẹ kavi atọ́n do olà gbonu tọn he tindo sinsẹ́n susu mẹ, wẹ OKLUNỌ Jiwheyẹwhe Islaeli tọn dọ. 7To azán lọ gbè gbẹtọ na do nukun Mẹdatọ etọn, nukun etọn na sọ gbọgbé na Omẹ Wiwe Islaeli tọn. 8E ma to na pọn agbà lẹ, azọ́n alọ etọn mẹ tọn, mọ é ma to na hò ehe alọvi etọn ko basi pọ́n, kavi vodunzùn, kavi boṣiọ lẹ. 9To azán lọ gbè wẹ otò huhlọnnọ etọn lẹ na taidi atinlà he yè gbó dai, podọ alà he tin to aga, he yé jodai na ovi Islaeli tọn lẹ wutu; gbàkija na tin. 10Na hiẹ ko wónji Jiwheyẹwhe whlẹngán towe go, bo ma sọ hò awinyan huhlọn towe tọn pọ́n, enẹwutu wẹ hiẹ do atin dagbedagbe, bo sọ yí atinlà dẽvo dó do e mẹ. 11To azán lọ gbè wẹ hiẹ na hẹn atin towe whẹ́n, podọ to afọnnu hiẹ na hẹn ojì towe tọ́nkun: ṣigba yè na bẹ́ jijẹ yì to azán nukunbia tọn gbè, awubla vivẹ na sọ tin. 12Dindọ̀n wẹ na awhá omẹ susu tọn, he dawhá di awhá ohù tọn: podọ na zingidi akọta lẹ tọn, he to zínzínyẹn di zìnzìn osìn susu tọn. 13Akọta lẹ na to zínzínyẹn di zínzín osìn susu tọn: ṣigba Jiwheyẹwhe na wọhẹ yé, yé na sọ họ̀n yì ofi dindẹn, yè na sọ jẹmóna yé di ogbé amà húhú osó ji tọn to jẹhọn nukọn, podọ di kọ́gudu lẹ́pénọ to jẹhọn nukọn. 14Bo dayi e go, to whèjai damẹ, tukla; whẹpo ai na họ́n ewọ ma tin. Ehe wẹ otẹn yé he hẹn mí gble lẹ tọn, po mimá yé he jajo do mí lẹ tọn po.
Currently Selected:
ISAIA 17: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.