ISAIA 18
18
1DINDỌ̀N wẹ na aigba he tindo oyẹ̀ awàfun awe tọn, he tin to òtọ̀ Etiopia tọn godo. 2Ehe do wẹndagbe hlan ohù liho, yèdọ, to ohún tọ̀oko tọn mẹ, dọmọ, mì yì, mì wẹndagun he yawu emì, yì akọta he yè gbàpé bo zindai lẹ de, omẹ he dobu sọn whẹwhẹwhenu yetọn kaka jẹ dinvie; akọta he do hlọnhlọn, bo sọ zín omẹ dai, aigba mẹhetọn otọ̀ susu ko hẹngble? 3Mì he to aihọn mẹ lẹpo, po mì he nọnò aigba ji lẹ po, mì pọ́n, whenuena é zé asia do aga òsó lẹ tọn; podọ whenuena é kúnván, mì bo sè. 4Na mọwẹ OKLUNỌ dọ hlan mi, yẹn na gbọjẹ, yẹn na sọ lẹnnu to nọtẹn ṣie mẹ di yózo whèdada mẹ tọn, podọ di aslọ ahún tọn, to yózo jijẹ tọn me. 5Na jẹnukọnna jijẹ, whenuena osẹ́ whẹ́n, bọ ovẹ̃n sinsẹ́n bligò, é na yí agbogọdọẹ do sán alà yọ́yọ́, bo na dè e sẹ̀, bo sọ sán alà lẹ liai. 6Yè na sọ jó yé dai na ohẹ́ osó ta tọn lẹpo, na kanlin aigba tọn lẹ: ohẹ́ lẹ na hú owhè to yé ji, kanlin aigba tọn lẹpo na sọ hlẹn avivọ to yé ji. 7To ojlẹ lọ mẹ wẹ yè na hẹn nunina wá na OKLUNỌ awhànpa lẹ tọn sọn omẹ he yè gbàpé, bo zindai de, podọ sọn omẹ he dobu sọn whẹwhẹwhenu yetọn kaka jẹ dinvie de; akọta he do huhlọn, bo zín omẹ dai to afọ glọ; aigba mẹhetọn otọ̀ susu hẹngble, jẹ otẹn oyín OKLUNỌ awhànpa lẹ tọn tọn, osé Ziọni tọn.
Currently Selected:
ISAIA 18: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.