ISAIA 16
16
1MÌ do lẹngbọvu hlan ogán aigba tọn sọn Ṣela wá zùngbomẹ, hlan osó viyọnnu Ziọni tọn tọn ji. 2E na wá jọ, di ohó danpetọ he yè yàn sọn adọ́ mẹ, mọwẹ viyọnnu Moab tọn lẹ na nò to otọ̀ Alnọni tọn bibiọ mẹ. 3Mì lẹnnu, mì hẹn whẹ̀dida ṣẹ; basi oyẹ́ towe di ozán to owhè dada mẹ; whla omẹ yè gbà kija lẹ; a dè wọwá hia blo. 4Moab, gbọ wọwá ṣie lẹ ni nọ̀ de we; na hiẹ ni yín agbó na yé to nukun gblandùtọ tọn mẹ: na alọslonamẹtọ jẹ pòdo, gblandùtọ gbodà, yè hù awusinyẹnnamẹtọ lẹ súdo sọn aigba ji. 5To lẹblanu mẹ wẹ yè na yí yonu ofìn tọn hẹnai: é na sọ sinai do e ji to nugbo mẹ to ogòhọ Davidi tọn mẹ, é na nọ dawhẹ̀, bo nọ din whẹ̀dida, bo sọ nọ hẹn dódó dizòn.
6Míwlẹ ko sè goyíyí Moab tọn; é yígo talala: yèdọ sakla etọn, goyíyí etọn, po homẹgble etọn po: mọwẹ ṣanwhiwhlẹ etọn ovọ́ wẹ. 7Enẹwutu wẹ Moab na wẹnhùn na Moab, yé omẹ dopodopo na wẹnhùn: na to odòdo Kil-Haleseti tọn mẹ wẹ mì na blawu te; nugbo yè linú yé. 8Na danji Hẹṣbọni tọn lẹ yọ́, po ovẹ́n Sibma tọn po: yé OKLUNỌ kosi lẹ tọn ko họ́ atin he diyín etọn lẹ liai, yé vùn kaka jẹ Jaezẹli, yé to dindánpé zùngbo mẹ: alà etọn dlẹn jẹgbonu, yé zẹ́ ohù go. 9Enẹwutu yẹn na davihan di avi Jaezẹli tọn, ovẹ̃n Sibma tọn: yẹn na yí dasìn ṣie do yọ̀n we, hiẹ Hẹṣbọni po Eleale po: na abobo daho di to sinsẹ́n alúnlùn-tin towe ji, podọ to ojijẹ towe ji. 10Yè dè homẹvivi sẹ́, podọ ayajijẹ sọn ogle he nọ sẹ́n susugege mẹ; ohàn ma na tin to vẹ̃ngle mẹ bà: mọ abobo ma na tin bà: mẹhe to ahàn finyón lẹ ma na finyón ovẹ̃n to ahàndanu yetọn mẹ bà; yẹn ko hẹn abobo ovẹ̃n sinsẹ́n whenu yetọn tọn doalọte. 11Enẹwutu adọ̀go ṣie na dogbè di ajalẹn na Moab wutu, homẹ ṣie na Kal-Hali wutu. 12To enẹgodo, whenuena yè mọ dọ nudikọna Moab to ofì he fọ́n yì aga, wẹ é na wá ofi wiwe etọn mẹ nado hodọ́; aigba é ma na hugán omẹ.
13Ehe wẹ ohó he OKLUNỌ ko dọ gbọn Moab tọn dali, sọn whenẹnu wá. 14Ṣigba dinvie OKLUNỌ dọhó, dọmọ, To owhè atọ̀n ṣẹnṣẹn, di owhè pakanọ tọn, yè na vlẹ gigo Moab tọn, po susugege nẹ po, pipòtọ lẹ na whè, bo ma dogán.
Currently Selected:
ISAIA 16: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.