ISAIA 1
1
1NUMIMỌ Isaia tọn, ovi Amọsi tọn he é mọ gbọn Juda po Jelusalẹm po dali, to Ozias, Jotani, Akaz, Ezekias, ahọlu Juda tọn lẹ whenu.
2Sè, mì olọn emì, sọ do ọtó ai, hiẹ aihọn, na OKLUNỌ ko dọhó, yẹn ko yìn bo pọ́n ovi go, ye ko sọ ṣàtẹ hẹ mi. 3Oyín yón klunọ etọn, kẹtẹkẹtẹ sọ yọn adọ́ klunọ etọn tọn, ṣigba Islaeli ma yọ́nẹn, omẹ ṣie lẹ ma sọ lẹnnu. 4Jẽ akọta ylankan omẹ he agbàn ylando tọn to pinpẹ́n, ovikun ylanwàtọ lẹ tọn, ovi he basi hẹngble: yé ko jó OKLUNỌ dai, yé ko hẹn homẹgblena Omẹ Wiwe Islaeli tọn, bo sọ jagọ̀ yì godo. 5Bé etẹ wẹ yè na zinnúdo mì na bà? mì na to atẹṣi do e ji jànwẹ; ota lẹpo wẹ jẹazọ̀n, ayiha lẹpo wẹ nudikọna. 6Sọn afọpàhòmẹ kaka jẹ ota, fivọ́ de ma tin to e mẹ; adavo alán, awúgble po agada yìnyọ̀n po: yé ma ko wlewùn, mọ yè ma ko bla yé, yè ma ko yí amì sá do yé. 7Otò mítọn jẹvọ́, yè yí mìyọn do mẹ́ otò mítọn: jonọ já aigba mítọn wla to nukun mítọn mẹ, é sọ jẹvọ́ di ehe jonọ lẹ hùngọ na. 8Yè jo viyọnnu Ziọni tọn dai di oflò opá vẹ̃ngle mẹ tọn, di gohọ to ojipa dògbodètọ, tọn mẹ, di otò he yè dosla do okọ̀ ji na. 9Yín é mayín le OKLUNỌ, awhànpa lẹ tọn jó pẹvi ṣinunṣinun he; pò dai na mí, míwlẹ na ko taidi Sọdọmi, iní na ko sọ taidi Gomọla.
10Sè ohó OKLUNỌ tọn, mì ogán Sọdọmi tọn emì, mì na otó osẹ́n Jiwheyẹwhe tọn, mì Gomọla-nu emi. 11Etẹ wẹ avọ́ susu sinsán mítọn yín hlan mi? wẹ OKLUNỌ dọ: yẹn gọ́ na avọ́ nina mimẹ̀ agbò tọn, podọ na ojo kanlin yìnyìn tọn; yẹn ma tindo homẹvivi do ohùn oyìnsú tọn go, kavi do lengbọvu tọn go, kavi do alunkùn tọn, go gbá. 12Whenuena mì wá nado sọ awuhia to nukọn ṣie, mẹnu wẹ biọ ehe to mì si, nado zinzọnlin to awá ṣie mẹ? 13Mì sọ hẹn nunina vọtọ wá bà blo: nuwhẹnkún zùn nuylanylan hlan mi; osùn yọ́yọ́, azán gbọjẹ tọn, po opli agùn tọn po yẹn ma sọgan lọju yí; ylando wẹ, yèdọ agùn he dosi nẹ. 14Osùn yọ́yọ́ mítọn, po hùnwhẹ dadai mítọn po ayiha ṣie gbẹwanna: tukla wẹ yé yín hlan mi; nudikọna mi nado yì yé. 15Whenuena mì dlẹn alọ mítọn, yẹn na yí nukun ṣie whla do mì: nugbo, whenuena mì hodọ̀ susu, yẹn ma na sè: alọ mítọn gọ́ na ohùn. 16Mì lawú, na mì ni wé, mì dè azón ylankan mítọn sọn nukọn na mi; do alọ oylan wiwà tọn ote 17Mì plọn dagbe wiwà, mì din whẹ̀dida, mì gọalọna mẹhe yè sinawúna, mì dawhẹ̀ tọsiọvi lẹ tọn, yí owhẹ̀ asusiọsi tọn dọ.
18OKLUNỌ dọmọ, wá dinvie, na mí ni lẹnnu dopọ́, eyín ylando mítọn bia, yé na wé taidi kẹnsú eyín yé divẹ̃ taidi alali, yé na taidi sékanfún. 19Eyín mì jlo bo sọ sètonu, mì na dù dagbe aigba lo tọn. 20Ṣigba eyín mì gbẹ bo sọ ṣàtẹ, yè na yí, ohí do hù mì, na onù OKLUNỌ tọn wẹ dọ ẹ.
21Na wẹ otò nugbo tọn zùn ogalọtọ dole? é ko gó na whẹ̀dida dai, dódó ko nọ e mẹ dai, ṣigba dinvie, hlọnhùtọ. 22Fataka towe ko lẹzùn ahaya, ovẹ̃n towe po osìn po ko flusọ. 23Ahọvi towe lẹ ko zùn atẹsitọ, podọ ogbẹ́ ajotọ lẹ tọn: yé omẹ pó yiwanna nunina, bo sọ to ale din: yé ma sọ dawhẹ́ tọsiọvi tọn, mọ owhó asusiọsi tọn ma wá yé de.
24Enẹ wutu OKLUNỌ, OKLUNỌ awhànpa lẹ tọn, Huhlọntọ Islaeli tọn dọmọ, Jè, yẹn na whèsọ pọ́n kẹ̀ntọ ṣie lẹ, bo na sọ yíahọsu to kẹ̀ntọ ṣie lẹ go. 25Yẹn na lẹ́ alọ ṣie do ogo we, bo na sọ yọ́ ahaya towe sẹ̀ mlẹnmlẹn, bo sọ dè tánglan towe lẹpo sẹ́. 26Yẹn na hẹn whẹ̀datọ towe lẹ gọ̀ di hóhò whenu tọn, podọ tòhódọtọ towe lẹ di whẹwhẹwhenu tọn: enẹgodo yè na nọ ylọ we dọ, otò dódó tọn, otò nugbo tọn. 27Yè na yí whẹ̀dida do fli Ziọni, po mẹhe lẹgọ̀ lẹ po gbọn dódó dali. 28Dindòn mẹylankan lẹ tọn po ylandonọ lẹ po tọn na wá dopọ́, mẹhe sọ jo OKLUNỌ dai lẹ wẹ yè na súdo. 29Na winyan na hù yé na kẹnetin he mì yiwanna, yè na sọ doflu mì na ojipa he mì pónṣinan. 30Na mì na taidi kẹnetin he amà etọn yọ, bo sọ taidi ọjipa he ma tindo osìn. 31Adántọ na taidi, tùtù; azón etọn na sọ taidi sisẹ́, yé omẹ awe lẹ na sọ jimìyọn dopọ́, mẹdepope ma na ṣi yé.
Currently Selected:
ISAIA 1: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.